આંતરરાષ્ટ્રીય
લેબેનોનમાં પેજર સ્ટ્રાઈકથી મધ્યપૂર્વના દેશોમાં તંગદિલી
હિઝબુલ્લાહે બદલો લેવાની ધમકી આપતા ઈઝરાયલમાં હાઈ એલર્ટ, ઈરાનના રાજદૂત ઘાયલ થતા યુનોની ઈમર્જન્સી બેઠક
પેજર બ્લાસ્ટનો મૃત્યુઆંક 12 થયો, 4000થી વધુ લોકો ઘાયલ
લેબેનોનની રાજધાની બેરૂૂતમાં મંગળવારે ભયાનક વિસ્ફોટો થયા હતા, જેના કારણે સમગ્ર શહેરમાં અફરાતફરીનો માહોલ જોવા મળ્યો હતો. આ વિસ્ફોટો એટલા જોરદાર હતા કે જે જગ્યાએ લોકો હાજર હતા, તે બધા જ દંગ રહી ગયા હતા. આ ઘટનામાં અત્યાર સુધી 12 લોકોના મોત થયા છે અને 4000 થી વધુ લોકોને ગંભીર ઇજા પહોંચી છે. મૃતકોમાં ત્રણ લોકો હિઝબુલ્લાહના હોવાનું તેના પ્રવકતાએ સ્વિકાર્યું છે.
બીજી તરફ લેબેનોનમાં એક પછી એક અનેક પેજર બ્લાસ્ટની ઘટનાએ આખી દુનિયાને હચમચાવી મૂકી છે. આ રીતે હુમલો કરવાનો આરોપ ઈઝરાયલ પર લાગી રહ્યો છે જેણે તાઈવાની કંપનીની મદદથી આ ઘટનાને અંજામ આપ્યો હોવાની ચર્ચા છે. કલાકો સુધી એક પછી એક વિસ્ફોટમાં અત્યાર સુધીમાં 12 લોકો માર્યા ગયા છે જ્યારે 4000થી વધુ લોકો ઈજાગ્રસ્ત હોવાથી હડકંપ મચી ગયું છે.
સ્થાનિક મીડિયાના અહેવાલો અનુસાર 200થી વધુ લોકોની હાલત અત્યંત ગંભીર હોવાને કારણે મૃત્યુઆંકમાં મોટો ઉછાળો નોંધાય તેવી શક્યતા છે. આ મામલે હિઝબુલ્લાહ લાલઘૂમ થઈ ગયો છે અને તેણે હવે ઈઝરાયલ સામે સીધી રીતે આંગળી ચીંધતા તેને સજા ભોગવવા માટે તૈયાર રહેવાની ચેતવણી આપી દીધી છે. જ્યારે હિઝબુલ્લાહની ધમકી બાદ ઈઝરાયલમાં હાઈએલર્ટ જાહેર કરવામાં આવ્યું છે અને ગમ્મે ત્યારે હુમલા થવાની શકયતા દર્શાવાઈ રહી છે.
જ્યારે આ પેજર સ્ટ્રાઈકમાં ઈરાનના રાજદૂત પણ ઘાયલ થતાં ફરી એકવાર મધ્યપૂર્વના દેશોમાં તંગદિલી ફેલાઈ છે અને યુનોની ઈમરજન્સી બેઠક પણ આજે બોલાવવામાં આવી છે. આ બેઠકમાં ઈરાને ઈઝરાયલની સદસ્યતા રદ કરવા માંગણી કરી છે.
પ્રાથમિક માહિતી અનુસાર, હિઝબુલ્લાહના લડવૈયાઓના પેજર્સને હેક કરીને તેમની બેટરીઓ બ્લાસ્ટ કરવામાં આવી હતી. આ હેકિંગના કારણે બેરૂૂતમાં એકસાથે હજારો પેજર્સ વિસ્ફોટ થયા હતા. વિસ્ફોટોનું આયોજન એટલું સચોટ હતું કે આખા શહેરમાં ભય અને ગભરાટ ફેલાઈ ગયો હતો. વિસ્ફોટ પછી, લોકો તેમના પરિવારના સભ્યો અને નજીકના લોકોની સલામતી માટે ચિંતિત થઈ ગયા હતા. સમગ્ર બેરૂૂતમાં લોકો તાત્કાલિક મદદ માટે દોડ્યા હતા. આ ઘટનાએ સમગ્ર શહેરમાં ભયનો માહોલ સર્જી દીધો છે.
હિઝબુલ્લાહને શંકા હતી કે તેમના સંચાર નેટવર્કમાં કેટલાક લોકો ઇઝરાયેલ દ્વારા ખરીદવામાં આવ્યા છે. આ કારણે, હિઝબુલ્લાહે પોતાના લડવૈયાઓને મોબાઇલ ફોનના ઉપયોગ પર પ્રતિબંધ મૂક્યો અને આંતરિક સંદેશાવ્યવહાર માટે માત્ર પેજરોનો ઉપયોગ કરવામાં આવ્યો. જોકે, હાલની ભયાનક ઘટના બાદ, હિઝબુલ્લાહને હવે શંકા છે કે ઇઝરાયેલે તેમના પેજરમાં માલવેરની મદદથી વિસ્ફોટ કરાવ્યા છે. આ પેજર વિસ્ફોટોનો પ્રભાવ માત્ર લેબનોન સુધી મર્યાદિત રહ્યો નથી. સીરિયામાં પણ હિઝબુલ્લાહના લડવૈયાઓ આ વિસ્ફોટોથી ઘાયલ થયા છે.
પાંચ મહિના પહેલાં તાઈવાનમાં ઘડાઈ હતી યોજના
મીડિયા રિપોર્ટ્સ અનુસાર, લેબનીઝ અધિકારીઓનું માનવું છે કે આ હુમલાની તૈયારીઓ ઘણા મહિનાઓથી ચાલી રહી હતી. હિઝબુલ્લાએ તાઈવાનની કંપની ગોલ્ડ એપોલોને લગભગ પાંચ હજાર પેજરનો ઓર્ડર આપ્યો હતો. જેઓ હાલમાં જ લેબનોન પહોંચ્યા હતા. ટ્રેક થવાના ડરને કારણે, હિઝબુલ્લાહ લડવૈયાઓ જૂના જમાનાના પેજરનો ઉપયોગ કરી રહ્યા હતા. લેબનીઝના એક વરિષ્ઠ અધિકારીએ દાવો કર્યો હતો કે ઈઝરાયેલે આ પેજર બનાવતી વખતે તેમાં ફેરફાર કર્યા હતા. અધિકારીના જણાવ્યા અનુસાર, મોસાદે પેજરની અંદર એક બોર્ડ મૂક્યું હતું, જે વિસ્ફોટક સામગ્રીથી ચિહ્નિત હતું.
આ બોર્ડ દ્વારા પેજર્સને કોડ મળતાની સાથે જ આ પેજરો ફૂટી ગયા હતા. ખાસ વાત એ છે કે પેજરમાં લગાવવામાં આવેલ બોર્ડ એવા પ્રકારનું હતું કે તેને સ્કેનરમાં પકડવું ખૂબ મુશ્કેલ હતું. અન્ય એક સુરક્ષા અધિકારીનું કહેવું છે કે પેજરમાં લગભગ ત્રણ ગ્રામ વિસ્ફોટકનો ઉપયોગ કરવામાં આવ્યો હતો. હજી સુધી, ન તો ઇઝરાયેલ અને ન તો પેજર મેન્યુફેક્ચરિંગ કંપની ગોલ્ડ એપોલોએ આ ઘટના પર કોઈ નિવેદન જારી કર્યું છે. લેબનોનમાં ઈરાનના રાજદૂત મોજતબા અમાની પણ લેબનીઝ રાજધાનીમાં શ્રેણીબદ્ધ પેજર વિસ્ફોટોમાં ઘાયલ થયા હતા. હિઝબુલ્લાહના એક સભ્યએ નામ ન આપવાની શરતે જણાવ્યું હતું કે હિઝબુલ્લાહ સામે આ સૌથી મોટો સુરક્ષા ભંગ છે.
આંતરરાષ્ટ્રીય
પન્નુ કેસમાં અમેરિકી કોર્ટે અજિત ડોભાલને સમન્સ પાઠવતાં ભડકી ઉઠી ભારત સરકાર, આપ્યો આવો જવાબ
અમેરિકાની એક અદાલતે ખાલિસ્તાની આતંકવાદી ગુરપતવંત સિંહ પન્નુની હત્યાના કાવતરાના આરોપમાં ભારત સરકારને સમન્સ મોકલયું છે. ન્યૂયોર્કના દક્ષિણી જિલ્લાની જિલ્લા અદાલતે આ સમન્સ ભારત સરકાર, રાષ્ટ્રીય સુરક્ષા સલાહકાર અજીત ડોભાલ, પૂર્વ RAW ચીફ સામંત ગોયલ, RAW એજન્ટ વિક્રમ યાદવ અને ઉદ્યોગપતિ નિખિલ ગુપ્તાના નામ પર જારી કર્યા છે. આ સમન્સમાં તમામ પક્ષકારોને 21 દિવસમાં જવાબ આપવા માટે કહેવામાં આવ્યું છે.
ખાલિસ્તાની આતંકવાદી ગુરપતવંત સિંહ પન્નુના કેસમાં અમેરિકી કોર્ટ દ્વારા મોકલવામાં આવેલા સમન્સ પર ભારતે પ્રતિક્રિયા આપી છે. ભારતીય વિદેશ મંત્રાલયે અમેરિકી કોર્ટના સમન્સ સામે વાંધો ઉઠાવ્યો છે અને તેને ચિંતાજનક ગણાવ્યો છે.
વિદેશ મંત્રાલયના પ્રવક્તા અરિંદમ બાગચીએ કહ્યું, ‘આ મામલો સંપૂર્ણપણે અયોગ્ય અને સરકારની નીતિ વિરુદ્ધ છે. અમે આ મામલે ગંભીરતાથી તપાસ કરી રહ્યા છીએ. ઉચ્ચ સ્તરીય તપાસ પણ શરૂ કરવામાં આવી છે અને તમામ પાસાઓ પર બારીકાઈથી નજર રાખવામાં આવી રહી છે.
વિદેશ સચિવ વિક્રમ મિસરીએ પણ આ મુદ્દે પ્રતિક્રિયા આપી હતી. તેણે કહ્યું, ‘આ આરોપ સંપૂર્ણપણે પાયાવિહોણો છે. આ કેસ કોઈપણ રીતે અમારો અભિપ્રાય બદલશે નહીં. આ કેસ દાખલ કરનાર વ્યક્તિ ગેરકાયદેસર સંસ્થાનું પ્રતિનિધિત્વ કરે છે. જ્યારે આ મુદ્દો પહેલીવાર અમારા ધ્યાન પર આવ્યો ત્યારે અમે પગલાં લીધાં. પન્નુ, કટ્ટરપંથી શીખ્સ ફોર જસ્ટિસના વડા, ભારતીય નેતાઓ અને સંસ્થાઓ સામે ભડકાઉ ભાષણો અને ધમકીઓ આપવા માટે જાણીતા છે.
કઈ કોર્ટમાં કેસ છે?
ખાલિસ્તાની આતંકવાદી ગુરપતવંત સિંહ પન્નુએ ન્યૂયોર્કની સધર્ન ડિસ્ટ્રિક્ટ કોર્ટમાં કેસ દાખલ કર્યો છે. જો કે આ વિવાદ વચ્ચે ભારતમાં અમેરિકી રાજદૂત એરિક ગારસેટ્ટીએ મીડિયા સાથે વાત કરી હતી. તેમણે કહ્યું કે આ બાબતથી ભારત-અમેરિકાના સંબંધો પર કોઈ અસર નહીં થાય.
શું છે મામલો?
ખાલિસ્તાની આતંકવાદી ગુરપતવંત સિંહ પન્નુની હત્યાના કાવતરાના આરોપમાં અમેરિકન કોર્ટે ભારતને સમન્સ જારી કર્યું છે. આ સમન્સમાં ભારત સરકાર સહિત અનેક અગ્રણી ભારતીય અધિકારીઓના નામ સામેલ છે. ગુરપતવંત સિંહ પન્નુની હત્યાના ષડયંત્રના આરોપમાં યુએસ કોર્ટ દ્વારા મોકલવામાં આવેલા સમન્સમાં ભારત સરકાર, રાષ્ટ્રીય સુરક્ષા સલાહકાર અજીત ડોભાલ, પૂર્વ RAW ચીફ સામંત ગોયલ, RAW એજન્ટ વિક્રમ યાદવ અને ભારતીય ઉદ્યોગપતિ નિખિલ ગુપ્તાના નામ પણ છે. મહત્વની વાત એ છે કે આ તમામને 21 દિવસમાં જવાબ આપવા માટે કહેવામાં આવ્યું છે.
આંતરરાષ્ટ્રીય
ટ્રમ્પની ગૃપ્ત ફાઇલો ચોરી ઇરાની હેકર્સે પ્રમુખ બાઇડનની ટીમને આપી:FBI
ઇરાને આરોપને ફગાવી પુરાવા જાહેર કરવા કહ્યું
અમેરિકી પ્રમુખની ચૂંટણીને લઈને ડોનાલ્ડ ટ્રમ્પ અને કમલા હેરિસ વચ્ચે કટ્ટર મુકાબલો ચાલી રહ્યો છે. બંને વચ્ચેની છેલ્લી અને પહેલી ડિબેટ ભલે કમલા હેરિસ જીતી ગઈ હોય, પરંતુ ટ્રમ્પે હજુ સુધી પોતાની હાર સ્વીકારી નથી. તેઓ સતત અમેરિકામાં નવી સરકાર બનાવવાનો દાવો કરી રહ્યા છે.
આ દરમિયાન અમેરિકન ગુપ્તચર એજન્સી એફબીઆઇના દાવાએ હલચલ મચાવી દીધી છે. એજન્સી અનુસાર, ઈરાની સાયબર હેકર્સએ જો બાઈડનની ટીમને ડોનાલ્ડ ટ્રમ્પના કેમ્પેઇનમાંથી ચોરાયેલી બિન-જાહેર ઓનલાઈન સામગ્રી મોકલી હતી.
ઞજ ઇન્ટેલિજન્સ અને કાયદા અમલીકરણ એજન્સીઓએ જણાવ્યું હતું કે, હેકર્સે પ્રમુખ બાઈડનની ઝુંબેશ સાથે સંકળાયેલા વ્યક્તિઓને ઇમેલ્સ મોકલ્યા હતા જેમાં ભૂતપૂર્વ પ્રમુખ ટ્રમ્પના અભિયાનમાંથી ચોરાયેલી બિન-જાહેર સામગ્રીના ભાગ હતા. ઉલ્લેખનીય છે કે, તે સમયે બાઈડને ડેમોક્રેટિક પાર્ટીના પ્રમુખ પદના ઉમેદવાર હતા, પરંતુ જુલાઈમાં ખૂબ જ નાટકીય રીતે તેમણે ઉમેદવારી સમાપ્ત કરવાની જાહેરાત કરી હતી અને કમલા હેરિસના નામને મંજૂરી આપી હતી.
એક નિવેદનમાં કહ્યું છે કે, જુલાઈમાં પ્રમુખ જો બાઈડનની કેમ્પેઇન ટીમ સાથે જોડાયેલા લોકોને એક અનઇચ્છનીય ઈ-મેલ મળ્યો હતો, જેમાં ઈરાની હેકર્સે ટ્રમ્પના કેમ્પેઇન સાથે સંબંધિત બિન-જાહેર ઓનલાઈન સામગ્રી મોકલી હતી. જો કે, બાઈડનની ટીમે તે ઈમેલનો જવાબ આપ્યો ન હતો. ઓગસ્ટમાં, એજન્સીએ હેક માટે ઈરાનને જવાબદાર ઠેરવ્યું હતું અને તેહરાન પર 2024ની ચૂંટણીને પ્રભાવિત કરવાનો પ્રયાસ કરવાનો આરોપ લગાવ્યો હતો. જો કે ઈરાને આ આરોપોને નકારી કાઢ્યા હતા.
Sports
બાંગ્લાદેશના હસમ મહમૂદનો તરખાટ, 35 રન આપી ભારતની 4 વિકેટ ઉડાવી
પ્રથમ ટેસ્ટ મેચમાં 54 ઓવરમાં 209 રન બનાવી ભારતે છ વિકેટ ગુમાવી
બાંગ્લાદેશ સામેની પ્રથમ ટેસ્ટમાં ભારતે 3 વાગ્યા સુધીમાં 54 ઓવરમાં 209 રન બનાવીને 6 વિકેટ ગુમાવી છે. રવીન્દ્ર જાડેજા અને રવિચંદ્રન અશ્ર્વિન રમી રહ્યા છે. હસન મહમુદે 13 ઓવરમાં 35 રન આપી ચાર વિકેટ ઝડપી હતી. ચેન્નાઈના ચેપોક સ્ટેડિયમમાં ભારત અને બાંગ્લાદેશ વચ્ચે પહેલી ટેસ્ટ મેચ રમાઈ રહી છે. આ મેચમાં બાંગ્લાદેશે ટોસ જીતીને પહેલા બોલિંગ કરવાનો નિર્ણય કર્યો હતો. ટીમ ઈન્ડિયાએ બેટિંગ કરતા છ મહત્વની વિકેટ ગુમાવી છે. આ વિકેટો કેપ્ટન રોહિત શર્મા, શુભમન ગિલ, વિરાટ કોહલી અને રિષભ પંતની છે. આ ચારેય વિકેટ બાંગ્લાદેશના યુવા બોલર હસન મહમૂદે લીધી છે જ્યારે લોકેશ રાહુલને મહેન્દી હસને અને જયસ્વાલને નાહિદ રાણાએ આઉટ કર્યા હતા.
હસન મહમૂદ તેની ચોથી ટેસ્ટ મેચ રમી રહ્યો છે. તમને જણાવી દઈએ કે કોણ છે બાંગ્લાદેશ ક્રિકેટ ટીમના બોલર હસન મહેમૂદ જેણે ભારતીય ક્રિકેટ ટીમને ચોંકાવી દીધા હતા. હસન મહમૂદે બાંગ્લાદેશ ક્રિકેટ ટીમને શાનદાર શરૂૂઆત અપાવી છે. ભારત સામે બોલિંગ કરતી વખતે તેને 9 ઓવરમાં 4 મોટી વિકેટ ઝડપી હતી. તેને પહેલા રોહિત શર્મા, પછી શુભમન ગિલ, વિરાટ કોહલી અને રિષભ પંતની વિકેટ લીધી. રોહિત શર્માએ 19 બોલમાં 6 રન, શુભમન ગિલે 8 બોલમાં 0 રન, વિરાટ કોહલીએ 6 બોલમાં 6 રન અને રિષભ પંતે 52 બોલમાં 39 રન બનાવ્યા હતા. ભારતે આ ચાર વિકેટ માત્ર 96 રનમાં ગુમાવી દીધી હતી. હસન મહમૂદે કેચ આઉટ દ્વારા ચારેય વિકેટ લીધી હતી.
-
ગુજરાત1 day ago
જવાહર ચાવડા હવે ભાજપ સામે લડી લેવાના મૂડમાં, બીજા પત્રો વાઈરલ કર્યા
-
રાષ્ટ્રીય1 day ago
બજાજ હાઉસિંગ ફાઈનાન્સનો શેર આજે ઘટ્યો, જાણો કિંમત
-
રાષ્ટ્રીય1 day ago
‘વન નેશન-વન ઇલેક્શન’ના પ્રસ્તાવને લીલી ઝંડી, મોદી સરકારની કેબિનેટે આપી મંજૂરી
-
કચ્છ1 day ago
રાપરના ગાગોદરમાં પાણીના ખાડામાં સાત બાળકો ડૂબ્યાં, ભાઈ-બહેનનાં મોત
-
આંતરરાષ્ટ્રીય1 day ago
ઈન્ટરનેટ કે મોબાઈલ નેટવર્ક ન હોવા છતાં પેજરમાં વિસ્ફોટ, મોબાઈલ ફોનમાં આવું થાય તો કરોડો લોકો પર ખતરો
-
ગુજરાત1 day ago
આજી-4 ડેમના પૂરથી પ્રભાવિત ખેડૂતો સરકાર સામે મોરચો માંડશે
-
ગુજરાત1 day ago
રાજકોટ ક્લાઇમેટ રેસિલિયન્ટ એક્શન પ્લાનનું ન્યૂ દિલ્હી ખાતે કરાયું લોન્ચિંગ
-
ગુજરાત1 day ago
રાજકોટના કેટરર્સ સંચાલકનું દિલ્હીની યુવતી ઉપર દુષ્કર્મ