ખેતરોમાં પાણી ભરાતા ખેડૂતોના ઊભા પાકને નુક્સાની

બગસરાપંથકમાં મેઘમહેર ધીમીધારે અઢી ઈંચ વરસાદ પડ્યો સાંજના ચારથી 8:30 સુધીમાં અઢી ઇંચ વરસાદ પડ્યો હતો ત્યારે બગસરા ના નીચાણ વાળા વિસ્તારોમાં પાણી ફરી વળ્યા હતા તથા ગ્રામ્ય વિસ્તારમાં મોટા મુંજીયાસર નાના મુંજીયાસર રફાળા લુંગીયા ઝાંઝરીયા સહિતના આસપાસના ગ્રામ્ય વિસ્તારોમાં વરસાદી માહોલ જોવા મળ્યો હતો.

તેમજ મુંજીયાસર ડેમમાં ગ્રામ્ય વિસ્તારમાં વરસાદ હોવાને કારણે 98% જેવો ડેમ ભરાઈ ગયો છે. અને હજુ પાણીની આવક ચાલુ છે મુંજીયાસર ડેમ ભરાઈ જવાની પૂરેપૂરી શક્યતા જણાઈ રહી છે ખેડૂતોમાં ખેતરોમાં નુકસાની જોવા મળી રહી છે અમુક ઉભા પાકને ભારે નુકસાની થઈ હોવાનું ખેડૂતો પાસેથી જાણવા મળેલ છે જેવો વરસાદ પડતા વરસાદ પડતા સમગ્ર બગસરા પંથકમાં ઠંડક પ્રસરી હતી.

અમરેલીમાં થોડી દિવસ પહેલા એટીએમમાં પૈસા ઉપાડવા આવેલા વ્યકિતનું કાર્ડ બદલી નાણા ઉપાડી લઇ છેતરપીંડીના ગુનામાં પોલીસે ત્રીપુટીને ઝડપી તેમની પાસેથી તમામ રોકડ અને કાર સહીત રૂા.4.33 લાટનો મુદામાલ જપ્ત કર્યો છે.

બનાવની પ્રાપ્ત વિગતો અનુસાર, અમરેલીમાં નાગનાથ બ્રાન્ચના એટીએમમાં એક વ્યકિત પૈસા ઉપાડવા આવી હતી. આ સમયે આરોપીએ એટીએમ કાર્ડ બદલી બીજુ એટીએમ કાર્ડ આપી દીધું હતું. ત્યારબાદ તેમના કાર્ડ થકી અન્ય બ્રાન્ચના એટીએમમાંથી 20 હજાર ઉપડી ગયાનો મેસેજ આપતા તેઓએ ફરીયાદ નોંધાવી હતી.
આ મામલે આરોપીઓને પકડી લેવા અમરેલી સીટી પોલીસ સ્ટાફે તપાસ કરી બાતમીને આધારે સોનુ ઉર્ફે સુનિલ આત્મારામ બીડુ (રહે.હરીયાણા), જોની ઉર્ફે મનુ આત્મારામ બીડુ અને અજય બલરાજ ખટક (રહે.હરીયાણા)ની ધરપકડ કરી તેમની પાસેથી 22800ની રોકડ, ત્રણ મોબાઇલ ત્રણ બેંકના ડેબીટ કાર્ડ અને એક સ્વીફટ કાર સહીત રૂા.4.33 લાખનો મુદામાલ કબજે કર્યો હતો.

અમરેલી તાલુકાના નાના માચીયાળા ગામે રહેતા એક યુવકના લગ્ન થતા ન હોય સભાડીયાના એક વ્યકિતની મદદથી ખેડા જિલ્લાના પીપળ ગામની યુવતી સાથે રૂૂપિયા 1.70 લાખ ચુકવી ફુલહાર વિધીથી લગ્ન કરાયા હતા.
યુવતી યુવકના ઘરે પાંચ દિવસ રોકાયા બાદ રફુચક્કર થઇ ગઇ હતી. આ બારામા યુવકે ત્રણ વ્યકિત સામે અમરેલી તાલુકા પોલીસ મથકમા ફરિયાદ નોંધાવી છે.

રાકેશભાઇ કાળુભાઇ ચૌહાણ (ઉ.વ.33) નામના યુવકે અમરેલી તાલુકા પોલીસ મથકમા નોંધાવેલી ફરિયાદમા જણાવ્યું હતુ કે ત્રણેક મહિના પહેલા તેના પિતા કાળુભાઇએ સભાડીયામા રહેતા ચતુરભાઇ ભીખાભાઇ પાટડીયાને લગ્ન બાબતે વાત કરી હતી.

જેથી તેણે ખેડાના પીપળ ગામે રહેતા રાજુભાઇ સાથે ફોન પર વાત કરી હતી અને રૂૂપિયા બે લાખમા લગ્ન કરાવી આપવાનુ નક્કી કરાયુ હતુ.રાકેશભાઇ તેમજ તેમના પિતા, કાકા, ભાઇ તથા ભાભી વિગેરે પીપળ ગામે ગયા હતા.
અહી રાજુભાઇ પટેલના ઘરે ગયા હતા અને તેણે તેમની બહેન રેખાબેન રમણભાઇ પટેલ સાથે લગ્ન કરાવી આપીશુ રૂૂપિયા 1.70 લાખ આપવા પડશે. જેથી તેમને રૂૂપિયા આપી દીધા હતા અને બાદમા રેખાબેન સાથે ફુલહાર વિધીથી લગ્ન થયા હતા.

લગ્નના પાંચ દિવસ બાદ રાજુભાઇ પટેલ અને ચતુરભાઇ ઘરે ઢગ લઇને આવ્યા હતા અને રેખાબેનને પાંચ દિવસ બાદ મોકલી આપીશુ કહી તેને તેડી ગયા હતા. જો કે વીસેક દિવસ થવા છતા રેખાબેન આવ્યા ન હતા.
બાદમા રાજુભાઇ પટેલ કે રેખાબેનનો કોઇ સંપર્ક થયો ન હતો. જેથી આ ત્રણેયે મળી 1.70 લાખની છેતરપીંડી આચરી હતી. બનાવની વધુ તપાસ પીએસઆઇ જે.કે.પાંડવ ચલાવી રહ્યાં છે.