મોટાભાગના પાર્સલ કાંડમાં એરેસ્ટ થયા, અમુક ટ્રાફિકિંગ અને ફ્રોડના કેસના આરોપી, પૈસા કમાવા કર્યા કરતૂતો
ડિપાર્ટમેન્ટ ઓફ હોમલેન્ડ સિક્યોરિટીએ છેલ્લા એક વર્ષમાં ICE દ્વારા પકડવામાં આવેલા વર્સ્ટ ઓફ વર્સ્ટ ક્રિમિનલ્સનું એક લિસ્ટ જાહેર કર્યું છે. આ લિસ્ટમાં કુલ 25000 એલિયન્સનો સમાવેશ થાય છે. તેમાંથી 89 ઈન્ડિયન્સ છે અને તેમાંય 18 ગુજરાતી છે. DHSના જણાવ્યા અનુસાર જે 18 ગુજરાતીઓના નામ આ લિસ્ટમાં સામેલ છે તેમાં મોટાભાગના પાર્સલ કાંડમાં અરેસ્ટ થયેલા છે જ્યારે અમુક ડોમેસ્ટિક વાયલન્સ, ટ્રાફિકિંગ અને ફ્રોડના કેસમાં પકડાયા હતા.
આ ઈલીગલ ગુજરાતીઓમાં અવી પટેલ, દિલિપ પટેલ, કેવિન આહીર, દર્શન પટેલ, બ્રિજેશ પટેલ, અમિત પટેલ, ભાવેશ શુક્લા, ભરત ચૌધરી, નિલેશ પટેલ, હાર્દિક પટેલ, મયૂર પટેલ, યશ પટેલ, ગૌરાંગ પટેલ, જય પ્રજાપતિ, મિત પટેલ, સાગર પટેલ, જિગર પટેલ અને ચિંતન ભોજકનો સમાવેશ થાય છે. જોકે, આ 18માંથી કેટલા ઈલીગલી રહેતા હતા અને કેટલા લીગલ સ્ટેટસ પર યુએસમાં હતા તેની કોઈ સ્પષ્ટતા કરવામાં નથી આવી. આ તમામ લોકો પર જે ચાર્જિસ લગાવવામાં આવ્યા હતા તે કોર્ટમાં પ્રુવ થયા હોવાથી હવે તેમને ડિપોર્ટ કરવામાં આવશે અને અમુક ડિપોર્ટ થઈ ગયા હોય તેવી પણ શક્યતા છે.
DHSનું આ લિસ્ટ એ વાતનો પુરાવો આપી રહ્યું છે કે સ્ટૂડન્ટ કે વિઝિટર વિઝા પર અથવા તો ઈલીગલી અમેરિકા જતાં અમુક ગુજરાતીઓ શોર્ટકટમાં પૈસા કમાવવા માટે કેવા કાંડ કરે છે. DHSએ જેમના ફોટોગ્રાફ્સ જાહેર કર્યા છે તેમાંથી મોટાભાગના લોકો ત્રીસ વર્ષથી ઓછી ઉંમર ધરાવતા યુવકો છે અને શક્ય છે કે તેમાંના અમુક સ્ટૂડન્ટ વિઝા પર પણ અમેરિકા ગયા હશે. જોકે, પાર્સલ કાંડ સહિતના કેસમાં ગુનેગાર ઠરેલા આ લોકોએ જાતે કરીને પગ પર કુહાડી મારી હોય તેમ પોતાની કરિયર બરબાદ કરી નાખી છે.
તેમને જેલની સજા પૂરી થયા બાદ કે પછી તે પહેલા જ ડિપોર્ટ કરવામાં આવશે અને હવે તેમના માટે અમેરિકાના દરવાજા પણ કાયમ માટે બંધ થઈ ચૂક્યા છે. નવાઈની વાત એ છે કે અમેરિકાની સરકારે જે 89 ઈન્ડિયન્સના નામ જાહેર કર્યા છે તેમાંના મોટાભાગના ગુજરાતીઓ અને પંજાબીઓ જ છે અને તેમાં ચોરી, મારામારી, સ્મગ્લિંગ, ફ્રોડ અને લોન્ડરિંગના આરોપમાં દોષિત ઠરેલા લોકોની સંખ્યા સૌથી વધારે થાય છે.
જે ગુજરાતીઓના નામ DHSએ જણાવ્યા છે તેઓ ન્યૂજર્સી, ઓહાયો, ટેક્સસ, ક્ધટકી, ફ્લોરિડા, ન્યૂયોર્ક, પેન્સિલવેનિયા, ટેનેસી તેમજ વિસ્કોન્સિનમાંથી અરેસ્ટ થયા છે. જોકે, આ નામ તો માત્ર જે દોષિત પુરવાર થયા છે તેમના જ છે, યુએસમાં નોન-ઈમિગ્રન્ટ સ્ટેટસ પર રહેતા હોય અને કોઈ ગુનામાં જેલમાં બંધ હોય તેવા ગુજરાતીઓની સંખ્યા તો હજારોમાં થાય છે અને સાથે જ ફાઈનલ રિમૂવલ ઓર્ડર ઈશ્યૂ થયા બાદ પણ અમેરિકા ના છોડ્યું હોય તેમની સંખ્યા પણ ઘણી મોટી છે.
હજુ ગયા મહિને જ ટેક્સસમાં થયેલી એક મોટી કાર્યવાહીમાં મિલિયન્સ ઓફ ડોલર્સનાં ચોરીનાં ગોલ્ડનો વહીવટ કરવાના આરોપમાં ગુજરાતીની માલિકીની તિલક જ્વેલર્સ પર મોટી રેડ થઈ હતી જેમાં નિરવ સોની અને તિથિ પટેલ નામના બે ગુજરાતીની ધરપકડ થઈ હતી. નિરવ યુએસ સિટીઝન છે જ્યારે રિદ્ધિ પટેલ અમેરિકામાં ઈલીગલી રહેતી હતી, આ બંને પર હાલ ટોટલ 14 મિલિયન ડોલરનો બોન્ડ મૂકવામાં આવ્યો છે.
પોલીસના અંડરકવર ઓપરેશનમાં પણ અનેક ગુજરાતીઓ ઝડપાયા
ચોરી, ફ્રોડ અને લોન્ડરિંગ ઉપરાંત અમેરિકામાં રહેતા કેટલાક ગુજરાતીઓ પોલીસના અંડરકવર ઓપરેશનમાં પણ અરેસ્ટ થયા હતા, જેમાં તેમને સોશિયલ મીડિયા પર ફેક પ્રોફાઈલ બનાવીને માઈનોર સાથે ફિઝિકલ થવાની લાલચ આપીને ચોક્કસ લોકેશન પર બોલાવાયા બાદ તેમની ધરપકડ કરી લેવાઈ હતી. આવા જ એક કેસમાં ફ્લોરિડામાં રહેતા કિર્તન પટેલ નામના એક ઈલીગલ ગુજરાતીને એપ્રિલ 2025માં 10 વર્ષની જેલની સજા થઈ હતી.
