સ્નેહલ કૌથંકર અને કશ્યપ બકલે ત્રેવડી સદી ફટકાર્યા બાદ અણનમ રહ્યા

રણજી ટ્રોફી હાલમાં ભારતીય સ્થાનિક ક્રિકેટમાં રમાઈ રહી છે. આ ભારતીય સ્થાનિક ક્રિકેટની સૌથી મોટી ટૂર્નામેન્ટ પણ છે. 13 નવેમ્બરથી શરૂૂ થયેલી આ ટુર્નામેન્ટમાં હાલમાં પાંચમાં રાઉન્ડની મેચો રમાઈ રહી છે. આ સાથે જ મેચનો બીજો દિવસ બેટ્સમેનોના નામે રહ્યો હતો. 14મી નવેમ્બરે રણજી ટ્રોફીમાં 1 કે 2 નહીં પરંતુ 4 ટ્રિપલ સેન્ચુરી જોવા મળી હતી. જેમાંથી 2 ત્રેવડી સદી એક જ ટીમના બેટ્સમેનોએ ફટકારી હતી.

અરુણાચલ પ્રદેશ સામેની મેચમાં ગોવા તરફથી સ્નેહલ કૌથંકર અને કશ્યપ બકલેએ ત્રેવડી સદી ફટકારી હતી. ખાસ વાત એ હતી કે બંને ખેલાડીઓ અણનમ રહ્યા હતા. આ મેચમાં સ્નેહલ કૌથંકરે માત્ર 215 બોલમાં અણનમ 314 રન બનાવ્યા હતા. જેમાં 4 છગ્ગા અને 45 ચોગ્ગા સામેલ હતા. તેનો સ્ટ્રાઈક રેટ 146થી વધુ હતો. આ ઈનિંગ દરમિયાન તેણે 205 બોલમાં ત્રેવડી સદી પૂરી કરી હતી. આ સાથે જ કશ્યપ બકલેએ પણ 269 બોલમાં અણનમ 300 રન બનાવ્યા હતા. આ ઈનિંગમાં તેણે 39 ફોર અને 2 સિક્સર ફટકારી હતી. આ બે ખેલાડીઓના દમ પર ગોવાએ આ મેચ એક ઈનિંગ્સ અને 551 રને જીતી લીધી હતી.

બીજી તરફ ઉત્તરાખંડ અને રાજસ્થાનની ટીમો વચ્ચે રમાઈ રહેલી એલિટ ગ્રુપ ઇની મેચમાં મહિપાલ લોમરોરે ત્રેવડી સદી ફટકારી હતી. રાજસ્થાનના બેટ્સમેન મહિપાલ લોમરોરે 357 બોલમાં પોતાની ત્રેવડી સદી પૂરી કરી હતી અને આ દરમિયાન તેણે 13 છગ્ગા અને 25 ચોગ્ગા ફટકાર્યા હતા. તે 360 બોલ રમીને પણ અણનમ રહ્યો હતો. જેના કારણે રાજસ્થાનની ટીમે તેના પ્રથમ દાવમાં 7 વિકેટ ગુમાવીને 660 રન બનાવ્યા હતા.

નાગાલેન્ડના બેટ્સમેન ચેતન બિષ્ટના બેટમાંથી પણ ત્રેવડી સદી જોવા મળી હતી. તેણે મિઝોરમ સામે આ કારનામું કર્યું હતું. ચેતન બિષ્ટે આ ઈનિંગમાં 423 બોલ રમ્યા અને 304 અણનમ રન બનાવ્યા. ચેતન બિષ્ટની આ ઈનિંગમાં 33 ફોર અને 5 સિક્સ સામેલ છે. આ તેની કારકિર્દીની પ્રથમ ત્રેવડી સદી પણ હતી. ચેતન બિષ્ટની આ જોરદાર ઈનિંગના કારણે નાગાલેન્ડે 7 વિકેટના નુકસાને 736 રન બનાવી પ્રથમ દાવ ડિકલેર કર્યો હતો.

ભારતની સ્ટાર ટેનિસ ખેલાડી સાનિયા મિર્ઝાની નિવૃત્તિને ઘણો સમય થઈ ગયો છે. પરંતુ તે હજુ પણ સક્રિય રહે છે. તાજેતરમાં સાનિયાને દુબઈમાં મહત્વની જવાબદારી સોંપવામાં આવી હતી. તેની સાથે ભૂતપૂર્વ ભારતીય ખેલાડી હરભજન સિંહને પણ આ સન્માન મળ્યું છે. વાસ્તવમાં સાનિયા મિર્ઝાને દુબઈની સ્પોર્ટ્સ એમ્બેસેડર બનાવવામાં આવી છે. તે રમતને આગળ વધારવા માટે અહીં કામ કરશે.

હરભજન સિંહને પણ આ પદ મળ્યું છે. સાનિયા અને ભજ્જી માટે દુબઈમાં એક ખાસ કાર્યક્રમનું આયોજન કરવામાં આવ્યું હતું. દુબઈના ઘણા અધિકારીઓ પણ અહીં હાજર હતા. સાનિયાની ટેનિસ કારકિર્દી શાનદાર રહી છે. તેણે કોમનવેલ્થ ગેમ્સ અને એશિયન ગેમ્સમાં ભારત માટે શાનદાર પ્રદર્શન કર્યું છે. સાનિયા મિર્ઝાએ શોએબ મલિકથી છૂટાછેડા લીધા છે. તેણીએ ફરીથી પોતાને નિયંત્રિત કરી અને હજી પણ કામ કરી રહી છે.

ચેમ્પિયન્સ ટ્રોફીને લઈને ઘણો વિવાદ ચાલી રહ્યો છે. BCCI ટૂર્નામેન્ટ માટે પોતાની ટીમને પાકિસ્તાન પ્રવાસે મોકલવા માંગતી નથી. સાથે જ PCBપણ પોતાની વાત પર અડગ છે. આ બધાની વચ્ચે પાકિસ્તાન ક્રિકેટ બોર્ડે ટૂર્નામેન્ટની યજમાની બચાવવા માટે એક નવી ફોર્મ્યુલા તૈયાર કરી છે.

ICC ચેમ્પિયન્સ ટ્રોફી 2025ને લઈને હજુ સુધી કોઈ ઉકેલ મળ્યો નથી.પાકિસ્તાન દ્વારા આયોજિત થનારી આ ટુર્નામેન્ટ માટે ભારતીય ટીમે પાડોશી દેશનો પ્રવાસ કરવાનો ઈનકાર કરી દીધો છે. તો બીજી તરફ પાકિસ્તાન પણ આ ટૂર્નામેન્ટ હાઈબ્રિડ મોડલ માટે તૈયાર નથી, જેના કારણે ઈંઈઈએ હજુ સુધી શેડ્યૂલ જાહેર કર્યું નથી. પાકિસ્તાનને લગભગ 28 વર્ષ બાદ ICC ટૂર્નામેન્ટની યજમાની કરવાનો મોકો મળ્યો છે. આવી સ્થિતિમાં, તે આ ટૂર્નામેન્ટ કોઈપણ સંજોગોમાં ગુમાવવા માંગતો નથી, જેના કારણે તેણે હવે બીજો નવો રસ્તો શોધી કાઢ્યો છે.

ભારતીય ટીમે ICC ચેમ્પિયન્સ ટ્રોફી માટે પાકિસ્તાનમાં રમવાની ના પાડી ત્યારથી આ વિવાદ ચાલી રહ્યો છે. પરંતુ પાકિસ્તાની મીડિયા રિપોર્ટ્સ અનુસાર, પાકિસ્તાન ક્રિકેટ બોર્ડ (PCB) ટૂર્નામેન્ટ બચાવવા માટે સુગમતા બતાવી શકે છે. એટલે કે પાકિસ્તાન ક્રિકેટ બોર્ડ ટૂર્નામેન્ટના શિડ્યુલમાં કેટલાક ફેરફાર કરવા તૈયાર છે. રિપોર્ટ અનુસાર, હવે પાકિસ્તાન ક્રિકેટ બોર્ડ ઈચ્છે છે કે ટીમ ઈન્ડિયા ચેમ્પિયન્સ ટ્રોફીમાં તેની 3 ગ્રુપ સ્ટેજની ઓછામાં ઓછી એક મેચ પાકિસ્તાનમાં રમે. આ મેચ લાહોરના પ્રતિષ્ઠિત ગદ્દાફી સ્ટેડિયમમાં રમાશે.

આ સિવાય પાકિસ્તાન ક્રિકેટ બોર્ડ એ પણ સ્વીકારવા તૈયાર છે કે ટીમ ઈન્ડિયા તેની બાકીની ગ્રુપ સ્ટેજ મેચો હાઈબ્રિડ મોડલ હેઠળ રમી શકે છે. જો ટીમ ઈન્ડિયા સેમીફાઈનલમાં પહોંચશે તો આ મેચ પાકિસ્તાનની બહાર પણ યોજાશે. પરંતુ પાકિસ્તાન ક્રિકેટ બોર્ડ ઈચ્છે છે કે જો ટીમ ઈન્ડિયા ફાઈનલમાં પ્રવેશ કરે છે તો તેને પાકિસ્તાન આવવું પડશે. ડ્રાફ્ટ શેડ્યૂલ અનુસાર આ ફાઈનલ મેચ લાહોરમાં રમાવવાની છે. આવી સ્થિતિમાં ટીમ ઈન્ડિયા તેની બાકીની મેચો ઞઅઊ અથવા શ્રીલંકામાં રમી શકે છે, જે 2023 એશિયા કપ દરમિયાન જોવા મળી હતી.
ભારતીય ટીમે 2008થી પાકિસ્તાનનો પ્રવાસ કર્યો નથી. છેલ્લા કેટલાક સમયથી ભારત અને પાકિસ્તાન વચ્ચેના સંબંધો સારા નથી. આને કારણે, બંને ટીમો વચ્ચે કોઈ શ્રેણી રમાતી નથી, માત્ર ICC ટૂર્નામેન્ટ અને એશિયા કપ દરમિયાન ભારત અને પાકિસ્તાન વચ્ચે મેચો રમાય છે. આવી સ્થિતિમાં ટીમ ઈન્ડિયા આ ટૂર્નામેન્ટ હાઈબ્રિડ મોડલ પર રમવા માંગે છે. પાકિસ્તાનને એશિયા કપ 2023ની યજમાની પણ મળી છે.

પરંતુ તેમ છતાં ભારતીય ટીમે પાકિસ્તાનનો પ્રવાસ કર્યો ન હતો. આ ટુર્નામેન્ટનું આયોજન હાઈબ્રિડ મોડલમાં કરવામાં આવ્યું હતું. ટીમ ઈન્ડિયાએ પોતાની તમામ મેચ શ્રીલંકામાં રમી હતી અને ફાઈનલ પણ અહીં જ યોજાઈ હતી. આવી સ્થિતિમાં હવે તમામની નજર BCCI પર ટકેલી છે કે તે PCBના નવા પ્રસ્તાવને સ્વીકારે છે કે નહીં.