ઇરાન ઘૂંટણિયે પડી ગયું છે, ટૂંક સમયમાં યુદ્ધ પુરું : ટ્રમ્પની ફરી જાહેરાત

ગલ્ફ દેશોની વિનંતી પર અમે હુમલો મુલતવી રાખ્યો, તેલના ભાવ પણ ઘટવાની આશા વ્યકત કરતા યુએસ પ્રેસીડેન્ટ

અમેરિકા અને ઈરાન વચ્ચે ચાલતા યુદ્ધને અંતે લાવવા માટે કૂટનીતિક પ્રયાસો તેજ થયા છે. અમેરિકી રાષ્ટ્રપતિ ડોનાલ્ડ ટ્રમ્પે કહ્યું છે કે તેહરાન શાંતિ સમજૂતી માટે ‘બહુ જ’ આતુર છે અને યુદ્ધ ઝડપથી સમાપ્ત થશે. તેમણે આગાહી કરી છે કે સમજૂતી પછી તેલના ભાવમાં ભારે ઘટાડો થશે. ટ્રમ્પે જણાવ્યું કે ગલ્ફ દેશોની વિનંતી પર તેમણે તેહરાન પર હુમલો મોકૂફ રાખ્યો છે. તેમણે કહ્યું, અમે આ યુદ્ધને ખૂબ જ ઝડપથી સમાપ્ત કરીશું. તેઓ સમજૂતી કરવા માટે બહુ આતુર છે. તેલના ભાવ ઘટશે અને ભારે પડશે. વાઈસ પ્રેસિડેન્ટ જેડી વાન્સે પણ કહ્યું છે કે બંને પક્ષ વચ્ચે સમજૂતી તરફ ઘણી પ્રગતિ થઈ છે.

ઈરાનના વિદેશમંત્રી અબ્બાસ અરાઘચીએ ચેતવણી આપી છે. કે જો યુદ્ધ ફરી શરૂૂ થશે તો ઘણી વધુ આશ્ચર્યજનક વાતો બનશે. તેમણે કહ્યું કે ઈરાને અગાઉના સંઘર્ષોમાંથી પાઠ શીખ્યા છે. રશિયન પ્રેસિડેન્ટ વ્લાદિમીર પુતિને પણ યુદ્ધ સમાપ્ત કરવા માટે મદદી હાથ વધારવાની તૈયારી દર્શાવી છે. પુતિન ચીનના પ્રવાસે છે જ્યાં તેઓ શી જિનપિંગ સાથે વાતચીત કરી રહ્યા છે. ચીને પણ યુદ્ધના તાત્કાલિક અંત માટે અપીલ કરી છે.

ઈઝરાયેલી હુમલાઓમાં લેબનોનમાં 9 લોકોના મોત થયા છે, જ્યારે માર્ચથી અત્યાર સુધીમાં 3042 લોકો માર્યા ગયા છે. ગાઝામાં માનવતાવાદી સહાય મોકલતા જહાજોને ઈઝરાયેલે અટકાવ્યા છે, જેમાં 77મું જહાજ કેપ્ચર કરવામાં આવ્યું છે. હોર્મુઝ સ્ટ્રેટમાં તનાવ વચ્ચે ઈરાને તેનું રક્ષણ કરવાની પ્રતિબદ્ધતા દર્શાવી છે. આ વિસ્તાર વૈશ્વિક તેલ પુરવઠાનો મહત્વનો માર્ગ છે. રશિયન તેલને આ યુદ્ધમાં લાભ થયો છે કારણ કે વિકલ્પિક સપ્લાયર્સની માંગ વધી છે.ભારતમાં પણ રૂૂપિયો નબળો પડ્યો છે અને વૈશ્વિક બજારોમાં અસ્થિરતા જોવા મળી રહી છે. ટ્રમ્પ વહેલી સમજૂતીની આશા રાખે છે જ્યારે ઈરાન સખત વલણ અપનાવી રહ્યું છે.