જામનગર જિલ્લાના જોડિયા ગામમાં એક ચોંકાવનારી ઘટનામાં ઇકો ગાડી ચલાવવા બાબતે ઇશાક (ઉર્ફે માલમ) સુમારભાઈ ખીચડી (ઉ.વ. 49) નામના વ્યક્તિ પર ધોકા અને પાઇપ વડે હુમલો કરવામાં આવ્યો છે. આ હુમલો કરનારા 6-7 શખ્સોએ જોડિયા ગામમાં આવેલ એસ.ટી. બસ સ્ટેન્ડ નજીક આ વૃદ્ધ પર હુમલો કર્યો હતો.
ગંભીર રીતે ઘાયલ થયેલા ઇશાક ખીચડીને તાત્કાલિક સારવાર અર્થે જામનગરની સરકારી જી.જી. હોસ્પિટલમાં ખસેડવામાં આવ્યા હતા. આ ઘટનાની જાણ થતાં જ જોડિયા પોલીસ સ્ટેશનના જમાદાર કે.કે. ઝાંટીયા ઘટના સ્થળે પહોંચ્યા હતા અને ફરિયાદ નોંધીને તપાસ શરૂૂ કરી દીધી છે. પોલીસે હુમલાખોરોની શોધખોળ શરૂૂ કરી છે. આ ઘટનામાં વૃદ્ધને ગંભીર ઈજાઓ પહોંચી છે અને તેમની હાલત સ્થિર હોવાનું જાણવા મળ્યું છે. આ ઘટનાને પગલે જોડિયામાં ભારે તણાવ ફેલાયો છે. લોકોમાં આ ઘટનાને લઈને રોષની લાગણી જોવા મળી રહી છે. પોલીસે આ મામલે વધુ તપાસ હાથ ધરી છે અને ટૂંક સમયમાં આરોપીઓને ઝડપી લેવાની શક્યતા છે.
