સગીરાનુ અપહરણ કરી દુષ્કર્મ આચરનાર પરિણીત શખ્સને આજીવન કેદની સજા ફટકારતી કોર્ટ

બિહારી શખ્સે સગીરાને લગ્નની લાલચ આપી હવસનો શિકાર બનાવ્યાના પોકસો એકટના ગુંનામાં ધરપકડ થઇ’તી

રાજકોટમાં રહેતા પરિવારની સગીર પુત્રીને લગ્નની લાલચ આપી અપરણ કરી દુષ્કર્મ આચરવાના ગુનામાં સંડોવાયેલા પરિણીત બિહારી શખ્સને અદાલતે આજીવન કેદની સજા અને રૂૂ.14 હજારનો દંડ તેમજ ભોગ બનનારને રૂૂ.7 લાખનું વળતર ચૂકવવા હુકમ કર્યો છે.

આ કેસની હકીકત મુજબ રાજકોટમાં મોરબી રોડ ઉપર રહેતા પરિવારની 17 વર્ષની સગીરાને મોરબી રોડ ઉપર રહેતા બિહારના મહંમદ તોફિક ઉર્ફે સિકંદર મહંમદ અનવર નામના શખ્સે લલચાવી ફોસલાવી લગ્ન કરવાની લાલચ આપી અપરણ કરી ગયો હોવાની ભોગ બનનાર સગીરાના પરિવાર બી ડિવિઝન પોલીસ મથકમાં 27/1/2012 માં ફરિયાદ નોંધાવી હતી. ફરિયાદના આધારે પોલીસે માત્ર ચાર માસમાં આરોપીની ભોગ બનનાર સગીરા સાથે અટકાયત કરી હતી. ભોગ બનનાર સગીરાની પૂછપરછ દરમિયાન મહંમદ તોફિક ઉર્ફે સિકંદર તેણીને લાલચાવી ફોસલાવી લગ્નની લાલચ આપી અપહરણ કરી જુદા જુદા રાજ્યોમાં લઈ ગયો હતો અને દુષ્કર્મ આચાર્ય હતું. બાદમાં મહંમદ તોફિક ઉર્ફે સિકંદર પરિણીત અને એક સંતાનો પિતા હોવાનું ભોગ બનનાર સગીરાએ પોલીસ સમક્ષ નિવેદન નોંધાવ્યું હતું.

જેથી પોલીસે આરોપી વિરુદ્ધ પોકસો એક્ટ સહિતની કલમનો ઉમેરો કરી આરોપીની ધરપકડ કરી જેલ હવાલે કર્યો હતો. જે કેસમાં તપાસ અધિકારી દ્વારા આરોપી વિરુદ્ધ પૂરતો પુરાવો મળતા અદાલતમાં ચાર્જશીટ દાખલ કરવામાં આવ્યું હતું. ચાર્જશીટ બાદ કેસ સ્પે. પોકસો કોર્ટમાં ચાલવા ઉપર આવતા બંને પક્ષની રજૂઆત બાદ સરકાર પક્ષે સાહેદો, તબીબ અને તપાસ અધિકારીની જુબાની તેમજ સરકારી વકીલ દ્વારા કરવામાં આવેલી દલીલો અને રજૂ રાખેલા ઉચ્ચ અદાલતના ચુકાદાઓને ધ્યાને લઇ સ્પે. પોકસો અદાલતે આરોપીને સગીરાનું અપહરણ કરી દુષ્કર્મ આચરવાના ગુનામાં તકસીરવાન ઠેરવી આજીવન કેદીની સજા અને રૂૂ.14 હજારનો દંડ તેમજ ભોગ બનના સગીરાને રૂૂ.7 લાખનું વળતર ચૂકવવા હુકમ કર્યો છે.
આ કેસમાં સરકાર પક્ષે સરકારી વકીલ મહેશકુમાર જોષી રોકાયા હત