કચ્છના કંડલામાં એક દુર્ઘટના સર્જાઈ છે. કંડલાની એગ્રો ટેક કંપનીમાં વેસ્ટ પ્રવાહીની ટાંકી સાફ કરવા દરમ્યાન 5 શ્રમિકોનો મોત થયાં છે. આ ઘટના કંપનીમાં રાત્રીના 12.30 કલાકે સર્જાઈ હતી.

આ ઘટના અંગે મળતી માહિતી અનુસાર, આ દુર્ઘટનામાં સુપરવાઈઝર સહિત પાંચ કર્મચારીઓના મોત થયાં છે. આ મામલે કંડલા પોલીસ અને ફેક્ટરી ઈન્સ્પેક્ટરે વધુ તપાસ હાથ ધરી. દુષિત પાણીની સફાઈ કરતી વખતે આ દુર્ઘટના સર્જાઈ 1:16 PM 10/16/2024હતી.

રૂા.40 હજારના પિત્તળના સળિયા કબજે કરી ચોરીનો ભેદ ઉકેલતી પોલીસ

જામનગર શહેરમાં થયેલી ચોરીના અનડિટેક્ટ ગુનાઓને ઝડપી લેવાના ઉદ્દેશ્યથી જામનગર સિટી એ ડીવીઝન પોલીસે સફળતા મેળવી છે. પોલીસે બે મહિલા આરોપીઓને ઝડપી પાડી, ચોરી થયેલ આશરે 40,000 રૂૂપિયાની કિંમતના પીતળના સળિયા કબજે કર્યા છે.

પોલીસ સૂત્રોના જણાવ્યા મુજબ, જામનગર સિટી એ ડીવીઝન પોલીસ સ્ટેશન વિસ્તારમાં પેટ્રોલિંગ દરમિયાન પોલીસ કર્મચારીઓને બાતમી મળી હતી કે, તન્ના હોલની સામે પ્રદર્શન ગ્રાઉન્ડના ગેઇટ પાસે બે શંકાસ્પદ મહિલાઓ ચોરી થયેલ પીતળના સળિયા સાથે ઉભી છે. આ બાતમીના આધારે પોલીસે તાત્કાલિક કાર્યવાહી કરીને ગીતાબેન પરમાર અને સામુબેન પરમાર નામની બે મહિલાઓને ઝડપી પાડી હતી. તેમની પાસેથી ચોરી થયેલ આશરે 80 કિલો વજનના પીતળના સળિયા કબજે કરવામાં આવ્યા હતા.

પોલીસે જણાવ્યું હતું કે, ઝડપાયેલી બંને મહિલાઓ સામે ચોરીનો ગુનો નોંધવામાં આવ્યો છે અને તેમની સામે આગળની કાર્યવાહી હાથ ધરવામાં આવી રહી છે. આ કામગીરીમાં પોલીસ ઇન્સ્પેક્ટર એન.એ. ચાવડા અને તેમની ટીમે સફળતા મેળવી હતી.આ ઘટનાએ જામનગર શહેરમાં ચોરીના ગુનાઓ સામે પોલીસની કાર્યવાહીને વેગ મળ્યો છે.

રોકડ-મોબાઇલ મળી રૂા.6500નો મુદ્દામાલ કબજે

જામનગરના સિટી એ. ડિવિઝન ના પોલીસ સ્ટાફે આણદાબાવા વિસ્તારમાંથી એક વેપારીને પોતાના મોબાઈલ ફોનની આઈડી માં ક્રિકેટ મેચનો સટ્ટો રમવા અંગે ઝડપી પાડ્યો છે, અને મોબાઈલ સહિતનું સાહિત્ય કબજે કર્યું છે.

જામનગરના સીટી એ. ડિવિઝન ના ડી. સ્ટાફને ચોક્કસ બાતમી મળી હતી કે જામનગરના આંણદાબાવા ચકલા વિસ્તારમાં રહેતો એક વેપારી નિરવ વિજયભાઈ શાહ કે જે પોતાના મોબાઈલ ફોનની આઇડી મારફતે શ્રીલંકા અને વેસ્ટ ઇન્ડીઝની ટીમ વચ્ચેની ક્રિકેટ મેચ પર સટો રમી રહ્યો છે, જે બાતમીના આધારે ગઈકાલે રાતે પોલીસે દરોડો પાડી નીરવ શાહને ઝડપી લીધો છે, અને તેની પાસેથી મોબાઇલ ફોન તથા રૂૂપિયા 1500 ની રોકડ રકમ સહિતનું સાહિત્ય કબજે કર્યું છે.

જુગાર રમી રમતા મળી આવતા રેઇડ દરમ્યાન રોકડા રૂૂપીયા 1,500/- તથા મોબાઇલ ફોન નંગ-1 કી.રૂૂ.5,000/ મળી કુલ રૂૂપીયા 6,500/- ના મુદામાલ સાથે રેઇડ દરમ્યાન પકડાઈ જઇ ગુન્હો કર્યા બાબત.