રશિયા-યુક્રેન યુદ્ધ વચ્ચે ભારત પર મોટા આરોપો લાગ્યા છે. જેના પર ભારતીય વિદેશ મંત્રાલયે પ્રતિક્રિયા આપી છે. વાસ્તવમાં ન્યૂઝ એજન્સી રોયટર્સે તાજેતરમાં જ એક રિપોર્ટમાં દાવો કર્યો હતો કે ભારતીય દારૂૂગોળો યુક્રેન મોકલવામાં આવી રહ્યો છે. ભારતીય વિદેશ મંત્રાલયે ગુરુવારે (19 સપ્ટેમ્બર) રોઇટર્સના આ અહેવાલને ફગાવી દીધો હતો.

વિદેશ મંત્રાલયે યુક્રેનમાં હથિયારો મોકલવાના રિપોર્ટને કાલ્પનિક અને ભ્રામક ગણાવ્યો છે. મંત્રાલયે કહ્યું હતું કે આ તમામ આરોપો સંપૂર્ણપણે પાયાવિહોણા છે કારણ કે ભારતે કોઈ નિયમ તોડ્યો નથી. ખઊઅએ કહ્યું કે અમે રોયટર્સનો રિપોર્ટ જોયો છે, તે સંપૂર્ણપણે અટકળો પર આધારિત છે અને તેમાં કોઈ સત્ય નથી.

ભારતે રોયટર્સના અહેવાલને સંપૂર્ણપણે ખોટો ગણાવ્યો છે. વિદેશ મંત્રાલયે કહ્યું હતું કે ભારત તેની આંતરરાષ્ટ્રીય જવાબદારીઓને સંપૂર્ણ નિષ્પક્ષતાથી નિભાવે છે. ભારત પાસે નિકાસ માટે મજબૂત કાનૂની અને નિયમનકારી માળખું પણ છે. સંરક્ષણ સામગ્રીની નિકાસમાં ભારતનો રેકોર્ડ બેદાગ છે. તમામ માપદંડો હેઠળ ઉપયોગકર્તાની જવાબદારીઓ અને પ્રમાણપત્રોનું મૂલ્યાંકન કરવામાં આવે છે. રોયટર્સના અહેવાલમાં ભારતની છબી ખોટી રીતે દર્શાવવામાં આવી છે.

વિદેશ મંત્રાલયે કહ્યું હતું કે , સંરક્ષણ નિકાસ માટેનું નિયમનકારી માળખું હંમેશા સુનિશ્ચિત કરે છે કે તમામ આંતરરાષ્ટ્રીય કાયદાઓ અને કરારનું સંપૂર્ણ પાલન કરવામાં આવે. આ અંતર્ગત કોઈપણ પ્રકારની ભૂલને અવકાશ નથી. ભારતની તમામ પ્રવૃત્તિઓ સંપૂર્ણપણે કાયદા હેઠળ છે અને તેમાં ક્યારેય કોઈ અનિયમિતતા જોવા મળી નથી.

શું છે રોયટર્સનો રિપોર્ટ?
રોયટર્સના રિપોર્ટમાં દાવો કરવામાં આવ્યો હતો કે નિર્માતાઓ મારફતે વેચવામાં આવેલા ભારતીય હથિયાર યુરોપ થઈને યુક્રેન પહોંચ્યા છે. રશિયાએ આ મામલામાં હસ્તક્ષેપ કર્યો હોવાનો પણ આક્ષેપ કરવામાં આવ્યો હતો પરંતુ તેમ છતાં ભારત દ્વારા આ ખરીદ-વેચાણ રોકવા માટે કોઈ પગલાં લેવામાં આવ્યાં નથી. એવો પણ દાવો કરવામાં આવ્યો હતો કે છેલ્લા એક વર્ષથી હથિયારોની નિકાસ કરવામાં આવી રહી છે.

ભારત અને બાંગ્લાદેશ વચ્ચે ટેસ્ટ મેચ રમાઈ રહી છે. પ્રથમ બેટિંગ કરતા ભારતે 376 રન બનાવ્યા હતા. આ રનને ચેઝ કરતા બાંગ્લાદેશ 149 રનમાં ઓલઆઉટ થઈ ગયું છે. આજે શરુઆતથી જ ભારતીય ફાસ્ટબોલરો બાંગ્લાદેશની ટીમ પર હાવી થઈ જતાં ટપોટપ વિકેટો પડી હતી. ભારત વતી 4 વિકેટ ઝડપીને જસ્પ્રીત બુમરાહે ટેસ્ટ ક્રિકેટની 400 વિકેટ પુરી કરી વિશ્ર્વનો 6ઠો ખેલાડી બન્યો હતો. મ.સિરાજ અને નવા યુવા ખેલાડી આકાશ દિપે બે બે વિકેટો ઝડપી હતી. રવિન્દ્ર જાડેજાએ બે વિકેટ ઝડપી હતી. સારી બેટીંગ ક્ધડીશનને ધ્યાનમાં લઈ ભારતીય ટીમે ફરી વખત બેટીંગમાં ઉતરવાનો નિર્ણય લીધો હતો.

બાંગ્લાદેશની પહેલી વિકેટ ફકત બે રને જ પડી હતી. બન્ને ઓપનર એક આંકડાના સ્કોર માંજ પેવેલીયન ભેગા થયા હતા. ત્યારબાદ બાંગ્લાદેશના કેપ્ટન નજમુલ સાંતોએ 20 રન કર્યા હતા. ઓલરાઉન્ડર શાકીબે 32 રન કર્યા હતા.

બાંગ્લાદેશની ટીમ કુલ 48 ઓવરમાં જ 149 રને ઓલઆઉટ થઇ ગઇ હતી.બુમરાહે 11 ઓવરમાં 50 રન આપી 4 વિકેટ ઝડપી હતી જયારે મહમદ સિરાજે 10 ઓવરમાં 30 રન આપી બે વિકેટ ઝડપ હતી.

‘સાલો: ઓર ધ 120 ડેઝ સદોમ’ના ડાયરકેટરનું પણ મર્ડર થઇ ગયું હતું

તમે દુનિયાની આવી ઘણી ફિલ્મો વિશે સાંભળ્યું જ હશે કે આ અત્યાર સુધીની સૌથી ખરાબ અને ફ્લોપ ફિલ્મ હતી. પરંતુ આજે અમે તમને એક એવી ફિલ્મ વિશે જણાવવા જઈ રહ્યા છીએ જેને દુનિયાની સૌથી ખરાબ ફિલ્મ તરીકે ટેગ કરવામાં આવી છે. આ ફિલ્મ વર્ષો પહેલા બની હતી, પરંતુ 150 દેશોએ રિલીઝ પહેલા ફિલ્મ પર પ્રતિબંધ લગાવી દીધો હતો. ફિલ્મના દ્રશ્યો એટલા હેરાન કરે છે કે તેને જોવું કોઈના માટે શક્ય નથી. એવો પણ દાવો કરવામાં આવે છે કે કેટલાક લોકોએ આ ફિલ્મ જોવાની ચેલેન્જ લીધી હતી, પરંતુ તેઓ પણ આ ફિલ્મ સંપૂર્ણ રીતે જોઈ શક્યા ન હતા. ફિલ્મના દ્રશ્યો એટલા ગંદા અને હ્રદયસ્પર્શી છે કે તેની સીધી અસર માનસિક સ્વાસ્થ્ય પર પડી શકે છે.

આખી દુનિયામાં આવી ઘણી ફિલ્મો બની છે, જેની કહાની અથવા તો બીજી કોઈ વસ્તુ અથવા અન્ય વસ્તુ માટે ટીકા કરવામાં આવી છે. એવી કેટલીક ફિલ્મો હતી જેણે વિશ્વભરમાં વિવાદો સર્જ્યા હતા. આમાંની ઘણી ફિલ્મો પર પ્રતિબંધ પણ મૂકવામાં આવ્યો હતો અને કેટલાક નિર્માતાઓએ જીવ ગુમાવ્યો હતો. આવી જ એક ફિલ્મ ઈટાલીની છે, જે 1975માં રિલીઝ થઈ હતી. આ ફિલ્મમાં બાળકોના એક જૂથનું અપહરણ કરવામાં આવે છે, જે નાઝીઓના હાથની કઠપૂતળી બની જાય છે. આ ફિલ્મ એટલી ડરામણી છે કે તે હૃદયને હચમચાવી દે તેવી છે.

તેનું નામ છે ‘સાલો: ઓર ધ 120 ડેઝ ઓફ સદોમ’, જેમાં બાળકો પર બળાત્કાર, સૃષ્ટી વિરુદ્ધના કૃત્યો, હત્યા, લોહીયાળ જંગ અને ત્રાસ બતાવવામાં આવ્યો છે. આ ફિલ્મમાં એનલ સેક્સ જેવા ઘણા ગંદા કૃત્યોનો પણ સમાવેશ થાય છે. આ ફિલ્મને ઓસ્ટ્રેલિયામાં 1993માં પ્રતિબંધિત કરવામાં આવી હતી, પરંતુ બાદમાં 1998માં આ ફિલ્મ પર ફરીથી પ્રતિબંધ મૂકવામાં આવ્યો હતો. આટલું જ નહીં ફિલ્મ રિલીઝ થયા બાદ ફિલ્મમેકર પાઓલો પાસોલોનીની પણ હત્યા કરવામાં આવી હતી. ફિલ્મમાં જાતીય અત્યાચારની વાર્તા બતાવવામાં આવી છે.

ફિલ્મમાં, કેટલાક કિશોર મિત્રોનું અપહરણ કરવામાં આવે છે અને એકબીજા સાથે ઘનિષ્ઠ બનવા માટે દબાણ કરવામાં આવે છે. ફિલ્મમાં હિંસાના ઘણા દ્રશ્યો બતાવવામાં આવ્યા હતા, જે એવા હતા કે તેમને જોવું કોઈના માટે સરળ નહોતું. કહેવાય છે કે ફિલ્મની હીરોઈન સેન્ડ્રા પીબોડી પોતે શૂટિંગ દરમિયાન એટલી પરેશાન થઈ ગઈ હતી કે તેણે પોતે જ શૂટિંગ સેટ છોડી દીધો હતો. આટલું જ નહીં, ફિલ્મને લઈને વિવાદ એટલો વધી ગયો હતો કે ફિલ્મના ડિરેક્ટર બર્નાર્ડોને ચાર મહિના જેલમાં પણ રહેવું પડ્યું હતું.

આ ફિલ્મ પર ઈટાલી, પોર્ટુગલ અને ચિલીમાં 30 વર્ષ માટે પ્રતિબંધ મૂકવામાં આવ્યો હતો. આ ફિલ્મનું નિર્દેશન કવિ પાઓલો પાસોલોનીએ કર્યું હતું અને આ ફિલ્મની વાર્તા પણ તેમણે જ લખી હતી. આ ફિલ્મમાં પાઓલો બોનાસેલ્લી, જ્યોર્જિયો કેટાલ્ડી, અમ્બર્ટો પાઓલો ક્વિન્ટાવલે, એલ્ડો વેલેટી, કેટેરીના બોરાટ્ટો, એલ્સા ડી જ્યોર્ગી, હેલેન સર્ગેર, સોનિયા સેવિએન્ઝ જેવા કલાકારો જોવા મળ્યા હતા. આ ફિલ્મ 1975માં રિલીઝ થઈ હતી, પરંતુ 150 દેશોએ રિલીઝ પહેલા જ ફિલ્મ પર પ્રતિબંધ લગાવી દીધો હતો.