થર્ટી ફર્સ્ટની ઉજવણી પૂર્વે ‘તીસરી આંખ’ની બાજ નજર: બોર્ડર પર ચુસ્ત ચેકિંગ

10 આંતર રાજ્ય બોર્ડર પર પોલીસનો પહેરો,48 જેટલા નાકા પોઇન્ટ ઉભા કરાયા

સુરક્ષા વચ્ચે અરવલ્લી પોલીસ બની હાઇટેક, 24 કલાક સીસીટીવી કેમેરા દ્વારા મોનિટરીંગ

નવા વર્ષના સ્વાગત અને ’31 ડિસેમ્બર’ની ઉજવણી દરમિયાન ગુજરાતમાં દારૂૂબંધીના કાયદાનો ભંગ ન થાય અને અસામાજિક પ્રવૃત્તિઓ પર લગામ લગાવી શકાય તે માટે અરવલ્લી જિલ્લા પોલીસ એક્શન મોડમાં આવી ગઈ છે. રાજસ્થાનની સરહદ સાથે જોડાયેલા આ જિલ્લામાં પોલીસ દ્વારા અભેદ્ય કિલ્લા જેવી સુરક્ષા વ્યવસ્થા ગોઠવવામાં આવી છે.

અરવલ્લી જિલ્લો રાજસ્થાન સાથે લાંબી સરહદ ધરાવતો હોવાથી દારૂૂની હેરાફેરીની શક્યતાઓ વધી જાય છે. આ બાબતને ધ્યાને રાખીને: 10 આંતરરાજ્ય બોર્ડર પર પોલીસનો ચુસ્ત પહેરો ગોઠવી દેવામાં આવ્યો છે. જિલ્લામાં કુલ 48 જેટલા નાકા પોઈન્ટ ઊભા કરવામાં આવ્યા છે. રાજ્યમાં પ્રવેશતા દરેક નાના-મોટા વાહનોનું ઝીણવટભર્યું ચેકિંગ કરવામાં આવી રહ્યું છે.પરંપરાગત સુરક્ષાની સાથે આ વખતે અરવલ્લી પોલીસ હાઈટેક બની છે. પહાડી વિસ્તારો કે છૂપા માર્ગો પરથી થતી અવરજવર પર નજર રાખવા માટે ડ્રોન કેમેરાની મદદ લેવામાં આવી રહી છે. આ ઉપરાંત, અગત્યના જંક્શન અને પોઈન્ટ પર CCTV કેમેરા દ્વારા 24 કલાક મોનિટરિંગ કરવામાં આવશે.થર્ટી ફર્સ્ટની રાત્રે નશો કરીને વાહન ચલાવનારા તત્વો સામે લાલ આંખ કરવામાં આવી છે. પોલીસની તમામ ટીમોને બ્રેથ એનેલાઈઝર ફાળવવામાં આવ્યા છે.

જો કોઈ વ્યક્તિ નશાની હાલતમાં પકડાશે, તો તેની સામે પ્રોહીબિશન એક્ટ હેઠળ કડક કાયદેસરની કાર્યવાહી કરવામાં આવશે. જિલ્લા પોલીસ વડા (SP)ની સીધી દેખરેખ હેઠળ સમગ્ર જિલ્લામાં સુરક્ષા કવચ તૈયાર કરવામાં આવ્યું છે. આ બંદોબસ્તમાં કુલ 432 સુરક્ષા કર્મીઓ જોડાશે, DySP 04, PI (પોલીસ ઈન્સ્પેક્ટર)19, PSI  (સબ ઈન્સ્પેક્ટર)31, પોલીસ કર્મીઓ211 SRP (સ્ટેટ રિઝર્વ પોલીસ)64કુલ જવાનો432
31તિં ડિસેમ્બર દરમિયાન ગુનાહિત પ્રવૃત્તિઓ ડામવા માટે પોલીસ દ્વારા એક ખાસ ’સ્પેશિયલ ડ્રાઈવ’ ચલાવવામાં આવશે. હોટલો, ફાર્મ હાઉસ અને અવાવરુ જગ્યાઓ પર પણ પોલીસની તપાસ ચાલુ રહેશે. પોલીસ પ્રશાસન દ્વારા નાગરિકોને અપીલ કરવામાં આવી છે કે તેઓ કાયદાના દાયરામાં રહીને જ નવા વર્ષની ઉજવણી કરે.