BCCI દ્વારા રૂા.25 લાખની જાહેરાત કરવામાં આવી છે

ગુજરાત ક્રિકેટ અસોસિએશનની 88મી વાર્ષિક સાધારણ સભા નરેન્દ્ર મોદી સ્ટેડિયમ, મોટેરા ખાતે મળી હતી. આ બેઠકમાં આઈસીસીના નવા થનાર અધ્યક્ષ અને બીસીસીઆઈના સેક્રેટરી જય શાહ પણ ઉપસ્થિત રહ્યા હતા. બેઠકમાં કેટલાક મહત્વના નિર્ણય લેવામાં આવ્યા હતા.

આ ઉપરાંત તમામ ડિસ્ટ્રિક્ટ એકેડેમીને વધુ સુસજ્જ કરવામાં આવશે અને તેનું ખાસ કમિટી દ્વારા મોનીટરીંગ પણ કરાશે. તાજેતરમાં જ ગુજરાત ક્રિકેટ અસોસિએશનની અંડર-19ની ટીમ બંગાળને હરાવીને ઓલ ઈન્ડિયા વિનુમાંકડ ટ્રોફીમાં ચેમ્પિયન બની હતી.

બીસીસીઆઈ દ્વારા વિજેતા ટીમને રૂૂ. 25 લાખ આપવામાં આવશે અને સાથે જ જય શાહે જણાવ્યું કે, ગુજરાત ક્રિકેટ એસોસિએશન દ્વારા આ વિજેતા ટીમના ખેલાડીઓને વધારાના રૂૂ.31 લાખ પુરસ્કાર રૂૂપે આપવામાં આવશે. જીસીએદ્વારા તાજેતરમાં જીસીએની એકેડેમીને નેશનલ ક્રિકેટ એકેડેમી જેવુ જ સ્વરૂૂપ આપવામાં આવશે. આ એકેડેમી વર્ષ દરમ્યાન દરેક વય ગ્રુપ, સિનિયર તથા મહિલા ખેલાડીઓ પાછળ કાર્યરત રહેશે.

આગામી તા.24 અને 25ના જેદાહમાં યોજાશે મેગા ઓક્શન

ઇન્ડિયન પ્રીમિયર લીગ (IPL)ની આગામી સીઝનના મેગા ઑક્શન સંદર્ભે ભારતીય ક્રિકેટ બોર્ડે જાહેરાત કરી છે કે સાઉદી અરેબિયાના જેદ્દાહમાં 24 અને 25 નવેમ્બરે બે દિવસનું મેગા ઑક્શન યોજાશે. 1574 પ્લેયર્સ માટે 10 ફ્રેન્ચાઇઝી બોલી લગાવશે જેમાં 1165 ભારતીય અને 409 વિદેશી પ્લેયર્સ હશે. આ લિસ્ટમાં 320 કેપ્ડ પ્લેયર્સ, 1224 અનકેપ્ડ પ્લેયર્સ અને અસોસિએટ નેશન્સમાંથી 30 ખેલાડીઓનો સમાવેશ છે.

દરેક ફ્રેન્ચાઇઝી વધુમાં વધુ પચીસ પ્લેયર્સની ટીમ બનાવી શકશે. મહત્ત્વના પ્લેયર્સને રીટેન કર્યા બાદ 10 ટીમ પાસે 204 પ્લેયર્સના સ્લોટ ખાલી છે જેમાંથી 70 સ્લોટ વિદેશી પ્લેયર્સ માટે નિર્ધારિત છે.આ લિસ્ટમાં વિદેશથી સૌથી વધુ સાઉથ આફ્રિકાના 91 ક્રિકેટર્સ ભાગ લેશે. ત્યાર બાદ બીજા ક્રમે ઑસ્ટ્રેલિયાના 76 ક્રિકેટર્સ છે. ઇંગ્લેન્ડના બાવન, ન્યુ ઝીલેન્ડના 39, વેસ્ટ ઇન્ડીઝના 33 અને અફઘાનિસ્તાનના 29-29 પ્લેયર્સ ભાગ લેશે. બંગલાદેશના 13, નેધરલેન્ડ્સના 12, અમેરિકાના 10, આયરલેન્ડના 9, ઝિમ્બાબ્વેના 8, કેનેડાના 4, સ્કોટલેન્ડના બે અને ઇટલી-યુનાઇટેટ આરબ એમિરેટ્સના 1-1 પ્લેયર આ મેગા ઑક્શનનો ભાગ બનશે.

કેપ્ટન રોહિત શર્મા 26મા સ્થાને

સ્ટાર ભારતીય બેટર વિરાટ કોહલીને બુધવારે આઈસીસીએ જાહેર કરેલા લેટેસ્ટ ટેસ્ટ રેન્કિંગમાં નુકસાન થયું છે. ન્યૂઝીલેન્ડ વિરુદ્ધ ખરાબ પ્રદર્શનને કારણે કોહલી બેટરોના રેન્કિંગમાં ટોપ-20માંથી બહાર થયો છે. 2014 બાદ પ્રતમવાર આવું બન્યું છે, જ્યારે કોહલી બેટરોના રેન્કિંગમાં ટોપ-20માંથી બહાર થઈ ગયો છે. કોહલીએ ન્યૂઝીલેન્ડ સામે ત્રણ મેચની ટેસ્ટ સિરીઝમાં માત્ર 93 રન બનાવ્યા હતા.

કોહલી હવે આઈસીસી ટેસ્ટ રેન્કિંગમાં 22માં સ્થાન પર છે. ભારતીય કેપ્ટન રોહિત શર્મા 26માં સ્થાને છે. ટેસ્ટ બેટરોના રેન્કિંડમાં ટોપ પર જો રૂૂટ છે, તેણે પાકિસ્તાન સામે પ્રથમ ટેસ્ટમાં બેવડી સદી ફટકારી હતી. રૂૂટ બાદ કેન વિલિયમસન અને હેરી બ્રૂક છે. ભારતના યુવા બેટર યશસ્વી જાયસવાલને પણ એક સ્થાનનું નુકસાન થયું અને તે ચોથા સ્થાને ખસી ગયો છે. વિકેટકીપર બેટર રિષભ પંતને પાંચ સ્થાનનો ફાયદો થયો અને તે પાંચમાં સ્થાને પહોંચી ગયો છે. જ્યારે શુભમન ગિલ 16માં સ્થાને છે. ભારતનો અનુભવી સ્પિનર રવિન્દ્ર જાડેજા લેટેસ્ટ રેન્કિંગમાં બે સ્થાનના ફાયદા સાથે છઠ્ઠા સ્થાને પહોંચી ગયો છે. આર અશ્વિન પાંચમાં સ્થાને છે. જાડેજાએ મુંબઈ ટેસ્ટમાં 10 વિકેટ લીધી હતી. વોશિંગટન સુંદર ટેસ્ટ બોલરોની રેન્કિંગમાં 46માં સ્થાને પહોંચી ગયો છે. જ્યારે એજાઝ પટેલ 22માં સ્થાન પર પહોંચ્યો છે. એજાઝને 12 સ્થાનનો ફાયદો થયો છે.