જુનાગઢમાં હોળીના દિવસે રઘુવીર પરામાં બપોરના સમયે ભાજપના પૂર્વ શાસક પક્ષના નેતા અને હાલના ભાજપના મહિલા કોર્પોરેટરના પતિના માણસોએ એક પરિવાર પર હુમલો કર્યો હતો. ત્યારબાદ પરિવાર ફરિયાદ નોંધાવા પોલીસ સ્ટેશન પહોંચ્યું હતું ત્યારે ફરિયાદ કરી પરત ફરતા યુવક પર પૂર્વ કોર્પોરેટર મુન્નાભાઈના દીકરા સહિત સાત લોકોએ છરી, પાઈપ, ધોકા વડે હુમલો કરી સલીમ નામના યુવકની હાથની નસ કાપી નાખી હતી.આ મામલે પોલીસે ભાજપ કોર્પોરેટરના પુત્ર સાવન સહિત છ આરોપીઓને પોલીસે ઝડપી પાડ્યા છે. પકડાયેલા તમામ આરોપીઓ સાથે રાખી સરઘસ કાઢીને પોલીસે ઘટનાનું રીક્ધટ્રક્શન કરાવ્યું હતું.જુનાગઢ એએસપી હર્ષ શર્માએ મીડિયાને જણાવ્યું હતું કે, ગત 14 તારીખે હોળીના દિવસે કિરીટ ભીંભા ઉર્ફે મુન્નાભાઈનો ડ્રાઇવર અનિલ અને નંદા નામનો યુવક સાથે ઉભા હતા ત્યારે વસીમ અને સલીમ નામના યુવક આ બંને યુવકોને ચીડાવતા હતા.
બપોરના ત્રણ વાગ્યાની આસપાસ અનિલ સહિત ત્રણ યુવકો વસીમના ઘરે પહોંચી પરિવારને ધમકાવ્યો હતો. તે સમયે વસીમ ઘરે ન મળતા કિરીટ ભીંભાના ડ્રાઇવર અનિલ સહિત ત્રણ યુવકોએ આ પરિવાર સાથે મારપીટ કરી હતી.આ મામલે વસીમનો પરિવાર ફરિયાદ નોંધાવવા પોલીસ સ્ટેશને પહોંચ્યો હતો. તે સમયે હુમલો કરનાર ત્રણે યુવકોએ કિરીટ ભીંભાને ફોન કર્યો હતો.કિરીટ ભીંભાએ કહ્યું હતું કે તમે ઓફિસે પહોંચો ત્યાં મારો દીકરો સાવન બેઠો છે અહીં માથાકૂટ કરવાની જરૂૂર નથી. ત્યારે આ ત્રણે હુમલો કરનાર યુવક કામરોળ રોડ પર કિરીટની ઓફિસે ગયા. જ્યાંથી સલીમ પસાર થતા કિરીટ ભીંભા ઉર્ફે મુન્નાભાઈના દીકરા સાવને અને અનિલ દ્વારા સલીમને ચાકુ મારી તેના પર જીવલેણ હુમલો કરવામાં આવ્યો.
ત્યારબાદ હુમલો કરનાર આરોપીઓ ફરાર થઈ ગયા હતા. ક્યારે આ હુમલો કરનાર તમામ આરોપીઓને એક જ દિવસમાં ઝડપી પાડવામાં આવ્યા છે.પકડાયેલ આરોપીમાં મુખ્ય આરોપી કિરીટ ભીંભા ઉર્ફે મુન્નાભાઈનો દીકરો સાવન, જયેશ, ડ્રાઇવર અનિલ રાજુ સહિતનાને ઝડપી પાડવામાં આવ્યા છે અને નંદા નામનું યુવક હાલ સારવાર હેઠળ હોસ્પિટલમાં છે. ત્યારે પોલીસે આ તમામ આરોપીઓ વિરુદ્ધ બી એન એસ 118 જેમાં ભયંકર હથિયાર વડે ગંભીર ઈજા પહોંચાડવી અને રાયોટીંગનો ગુનો દાખલ કરી વધુ તપાસ હાથ ધરી છે.
