હળવદ તાલુકાનાં વેગડવાવ રોડ ઉપરથી આધેડ બાઇક લઈને જઈ રહ્યા હતા ત્યારે તેના બાઈકની આડે અચાનક ખુટિયો આવ્યો હતો જેથી અકસ્માત થયો હતો અને આધેડને ગંભીર ઇજા થયેલ હતી જેથી કરીને તેને સારવારમાં લઈ ગયા હતા અને ત્યાં સારવાર દરમ્યાન તેનું મોત નીપજયું છે.
હાલમાં જાણવા મળતી માહિતી મુજબ ગુરૂૂવારે મોડી સાંજે સમયે નવા ઇસનપુર ગામે રહેતા રમેશભાઈ દેવજીભાઈ વાણંદ (55) બાઈક લઈને વેગડવાવ રોડેથી જતાં હતા ત્યારે ભવાનીનગર ઢોરા પાસે ઓચિંતા બાઈકની આડે ખુંટીયો આવ્યો હતો જેથી કરીને આધેડને ગંભીર ઇજા થયેલ હતી માટે તેને સારવાર માટે ખસેડાયા હતા અને સારવાર કારગત ન નિવડતા રમેશભાઈ દેવજીભાઈ વાણંદનું મોત નિપજ્યું છે. જેની પોલીસને જાણ કરવામાં આવતા હળવદ પોલીસે નોંધ કરીને આગળની કાર્યવાહી કરેલ છે.
