મૂળી તાલુકાનાં ખંપાળીયા ગામે રહેતા અને ખેતી કરી જીવન ગુજારતા 32 વર્ષના મહેશભાઇ જીવણભાઇ બાવળીયાને ગામના જ જેન્તિ ઉર્ફે ભુયડી ભાવુભાઇ બાવળીયાની પત્નિ સાથે આડા સંબધો હોવાની શંકાનાં આધારે જેન્તિ બાવળીયાએ તેની પત્ની પાસે જ મહેશને તા. 3-5-2024ની શુક્રવારની મોડી રાત્રે ફોન કરી તારું કામ છે તેમ કહી બોલાવી જેન્તિનાં પિતા ભાવુભાઇ મોહનભાઇ બાવળીયા અને કૌટુબિંક ભાઇ ગોપાલભાઇ જગાભાઇ બાવળીયાએ એક સંપ કરી ધારીયા અને પાઇપ લઇ મહેશભાઇ પર તૂટી પડી ઢોર માર મારી ઇજાઓ પહોંચાડી હતી. મૃતક મહેશ અને જેન્તિની પત્નિ કેટલાક સમયથી ફોન પર વાતો કરતા હોવાથી રાત્રે બાર વાગ્યા બાદ મહેશને તેની પત્નિ પાસે ફોન કરી બોલાવી કાસળ કાઢ્યાનું ચર્ચાઇ રહ્યું છે.

કારણ કે જો બન્ને વચ્ચે સંબંધ હોય તો મહેશ મોડી રાત્રે એકલો આરોપી જેન્તિની વાડી જાય નહીં. આ બનાવમાં મોબાઇલ તેમજ બાઇકમાં તોડફોડ કરી નુકસાન પહોંચાડ્યું હતું. ઇજાગ્રસ્ત મહેશને તાત્કાલિક પ્રથમ મૂળી સરકારી હોસ્પિટલ અને બાદમાં ત્યાંથી સુરેન્દ્રનગર લઇ જતા હતા. ત્યાં ડોક્ટરે મહેશ બાવળીયાને મૃત જાહેર કરતા 3 પુત્રી, 1 પુત્રે પિતાની છત્રછાયા ગુમાવી હતી. આ હત્યાના બનાવમાં પોલીસે આરોપીઓને ઝડપી પાડ્યા હતા. જેમાં ભાવુભાઇ મોહનભાઇ બાવળીયા સુરેન્દ્રનગરની જેલમાં સજા ભોગવતા હતા.પરંતુ તા. 10-11-2024ની રાત્રે ભાવુભાઈનું મોત થયું હતું.

તેમના મૃતદેહને સુરેન્દ્રનગર બાદ પીએમ માટે રાજકોટ લઇ જવાયા હતા. આ અંગે જેલર કે.વી.ગઢવીએ જણાવ્યું કે, આ કેદી અગાઉ બિમાર હતા અને લકવાની અસર હતી. તેમની સારવાર ચાલુ હતી. આ ઉપરાંત તેમને લો બીપીની તકલીફ હતી. આથી બિમારીના કારણે તેમનું મોત થયું છે. તેમ છતા તેમના મૃતદેહને ફોરેન્સિક તપાસ માટે રાજકોટ લઇ જવામાં આવ્યો છે.

વાડિનાર, ખંભાળિયા, દ્વારકા, ભાટિયા, રાજપરા, ભાણવડમાં બન્યા અપમૃત્યુના બનાવો

ખંભાળિયા તાલુકાના વાડીનાર ગામે રહેતા કાસમભાઈ ઓસમાણભાઈ ભાયા નામના 72 વર્ષના વૃદ્ધ તારીખ 28 મી ના રોજ બેંકમાંથી પેન્શનના પૈસા ઉપાડીને જઈ રહ્યા હતા, ત્યારે અહીંના રેલવે સ્ટેશન રોડ પર આવેલા પેટ્રોલ પંપ પાસેથી નીકળતા તેઓ કોઈ કારણોસર રસ્તા ઉપર પટકાઈ ગયા હતા. જેથી તેમને ગંભીર રીતે ઈજાગ્રસ્ત હાલતમાં અહીંની સરકારી હોસ્પિટલ બાદ વધુ સારવાર અર્થે જામનગરની જી.જી. હોસ્પિટલમાં ખસેડવામાં આવ્યા હતા. જ્યાં સારવાર દરમિયાન તેમનું મૃત્યુ નિપજ્યું હતું. આ બનાવ અંગેની જાણ સબીરભાઈ કાસમભાઈ ભાયાએ અહીંની પોલીસને કરી છે.

ખંભાળિયામાં શાંતિનિકેતન વાસ વિસ્તારમાં રહેતા રાજેશભાઈ લખુભાઈ માંડવીયા નામના 45 વર્ષના યુવાનનું રવિવાર તા. 3 ના રોજ કોઈ કારણોસર મૃત્યુ

નિપજ્યું હોવાની જાણ તેમના મોટાભાઈ કિશોરભાઈ લખુભાઈ માંડવીયાએ અહીંની પોલીસને કરી છે.
ભાણવડ તાલુકાના વેરાડ ગામે રહેતા રમીલાબેન ઉર્ફે રીન્કુબા કિશોરસિંહ જેઠવા નામના 30 વર્ષના મહિલાને ઉલટી ઉબકા ઉપડ્યા બાદ છાતીમાં ગભરામણ થતાં તેમને સ્થાનિક સરકારી હોસ્પિટલમાં લઈ જવામાં આવ્યા હતા. જ્યાં સારવાર દરમિયાન તેમનું મૃત્યુ નીપજ્યું હતું. આ બનાવ અંગેની જાણ રણજીતસિંહ બહાદુરસિંહ જેઠવાએ ભાણવડ પોલીસને કરી છે.

ભરૂૂચ જિલ્લાના ઝઘડિયા તાલુકામાં રહેતા સતીશકુમાર રમેશચંદ્ર વ્યાસ નામના 50 વર્ષના એડવોકેટ આધેડ રવિવાર તારીખ 3 ના રોજ દ્વારકા વિસ્તારમાં આવ્યા હતા. ત્યારે સુદર્શન બ્રિજ પર આવેલા એક પિલર પાસે એકાએક તેમને હૃદયરોગનો હુમલો આવી જતા તેમનું મૃત્યુ નીપજ્યું હતું. આ બનાવ અંગેની જાણ મૃતકના નાનાભાઈ પીયુષકુમાર રમેશચંદ્ર વ્યાસએ ઓખા મરીન પોલીસને કરી છે.

કલ્યાણપુર તાલુકાના ભાટીયા ગામે રહેતા મૂળજીભાઈ માવાભાઈ ડાભી નામના 52 વર્ષના આધેડ ગત તારીખ 1 ના રોજ પોતાના નવા મકાનના ચાલી રહેલા કામની અગાસી પર હતા. ત્યારે તેમને હૃદયરોગનો જીવલેણ હુમલો આવી જતા તેઓ અગાસી પરથી નીચે પટકાઈ પડ્યા હતા. જેથી તેમને માથાના ભાગે ગંભીર ઈજાઓ થતા તેમનું સારવાર દરમિયાન તેમનું મૃત્યુ નીપજ્યું હતું. આ અંગેની જાણ મૃતકના પુત્ર વિશાલભાઈ ડાભીએ કલ્યાણપુર પોલીસને કરી છે.

કલ્યાણપુર તાલુકાના રાજપરા ગામે રહેતા અરશીભાઈ ઓઘડભાઈ ગોરાણીયા નામના 45 વર્ષના યુવાન ઘરની અગાસી પરથી ગેલ્વેનાઈઝના પાઈપ નીચે ઉતારી રહ્યા હતા, ત્યારે પાઈપનો એક છેડો જીવંત વીજ લાઈનને અડકી જતા તેમને જોરદાર વીજ કરંટ લાગી હતો. જેના કારણે તેમનું મૃત્યુ નીપજ્યું હતું. આ અંગેની જાણ મૃતકના પત્ની લીલુબેન ગોરાણીયાએ કલ્યાણપુર પોલીસને કરી છે.

ભારત અને ઇટાલી પહેલેથી જ ના પાડી ચુકયા છે\

રાષ્ટ્રપતિ શી જિનપિંગના ડ્રીમ પ્રોજેક્ટ બેલ્ટ એન્ડ રોડને મોટો ઝટકો લાગ્યો છે. બ્રાઝિલે જાહેરાત કરી છે કે તે બીઆરઆઇમાં જોડાશે નહીં. અગાઉ, ચીને આયોજન કર્યું હતું કે નવેમ્બરમાં શી જિનપિંગની બ્રાઝિલની મુલાકાત દરમિયાન, આ લેટિન અમેરિકન દેશમાં બીઆરઆઇનો વ્યાપકપણે વિસ્તરણ કરવા પર ધ્યાન કેન્દ્રિત કરવામાં આવશે.

આ પહેલા અમેરિકાએ બ્રાઝિલને બીઆરઆઈના જોખમની સમીક્ષા કરવાની ચેતવણી આપી હતી, જેને ચીનની ડેટ ટ્રેપ કહેવામાં આવે છે. આનાથી ચીનગુસ્સે થયું હતું. બ્રાઝિલ ઉપરાંત ભારત પણ બીઆરઆઇથી દૂર રહ્યું છે. ઇટાલી પણ તેમાંથી બહાર નીકળી ગયું છે. ભારત અને બ્રાઝિલ બંને બ્રિક્સના સ્થાપક સભ્યો છે અને ગાઢ મિત્રો છે. રિપોર્ટ અનુસાર, બ્રાઝિલે નિર્ણય લીધો છે કે બીઆરઆઇમાં સામેલ થવાને બદલે તે ચીનના રોકાણકારોને વૈકલ્પિક રીતે સહયોગ કરશે. બ્રાઝિલ સરકારના ટોચના સલાહકારે સોમવારે આની જાહેરાત કરી હતી. બ્રાઝિલના રાષ્ટ્રપતિના આંતરરાષ્ટ્રીય બાબતોના વિશેષ સલાહકાર સેલ્સો અમોરિમે સ્થાનિક મીડિયા સાથેની વાતચીતમાં કહ્યું કે બ્રાઝિલ સાથેના સંબંધોને નવા સ્તરે લઈ જવા જોઈએ પરંતુ અમે બીઆરઆઇને આગળ લઈ જવા પર હસ્તાક્ષર કરીશું નહીં.

તેણે એમ પણ કહ્યું કે જો ટ્રમ્પ રાષ્ટ્રપતિ બને અને બ્રાઝિલ બીઆરઆઇમાં જોડાય તો ટૂંકા ગાળામાં ફાયદો થશે પરંતુ લાંબા ગાળે અમેરિકા સાથેના સંબંધો વધુ બગડશે. અગાઉ, અમેરીમ અને બ્રાઝિલના રાષ્ટ્રપતિના ચીફ ઓફ સ્ટાફ રુઇ કોસ્ટાએ બેઇજિંગની મુલાકાત લીધી હતી અને બીઆરઆઇ પર ઊંડાણપૂર્વક ચર્ચા કરી હતી. એવું કહેવામાં આવી રહ્યું છે કે તે ચીનની ઓફરથી બહુ ખુશ ન હતા.