અમદાવાદની એક પ્રીમિયર ઈન્સ્ટિટ્યૂટ માઈકાના વિદ્યાર્થીની હત્યા સામાન્ય રકઝકમાં રક્ષક કહેવાતા પોલીસ દળના કોન્સ્ટેબલને જ કરી નાખતા સમગ્ર રાજ્યમાં આઘાત સાથે રોષની લાગણી ઊભી થવા પામી છે. છેલ્લા કેટલાક સમયથી ખાખી પહેર્યાનો પાવર સામાન્ય નાગરિક ઉપર બતાવવાનું ચલણ વધી રહ્યું છે. 2024ના વર્ષમાં જ કસ્ટોડિયલ ડેથ, લાંચ લેવાના છટકામાં પોલીસ કર્મચારીઓની નોંધપાત્ર સંખ્યા દેખાઈ છે. મોટી કિંમતનું ડ્રગ્સ કે દારૂૂનો જથ્થો પોલીસે ઝડપી લીધો તેવા છાશવારે ગુણગાન ગાતા ગૃહ વિભાગે આ ઘટના બાદ પોલીસની માનસિકતા બદલવાની અને ફરજ પ્રત્યે વધુ જવાબદેય અને સંવેદનશીલ બનાવવાની માગ લોકોમાં ઉઠી છે. વિદ્યાર્થીની હત્યાના બનાવ પછી સોશિયલ મીડિયા સહિત નાગરિકોના મોટા વર્ગમાં પોલીસ કોન્સ્ટેબલ દ્વારા આવું કૃત્યુ ગુજરાત જેવા શાંતિપૂર્ણ ગણાતા રાજ્યમાં આચરવામાં આવ્યું તે અંગે ભારે ચિંતા વ્યક્ત કરાઇ છે. રાજ્યમાં છેલ્લા કેટલાક સમયથી દારૂૂ અને ડ્રગ્સનો વેપલો વધ્યો છે તેને પકડવા સિવાય તે દૂષણ સદંતર નાબૂદ કરવામાં પોલીસ તંત્ર કે ગૃહ વિભાગને સફળતા મળી નથી.

તો છેલ્લા કેટલાક વર્ષમાં સામાન્ય કોન્સ્ટેબલથી લઇને ઉચ્ચ અધિકારીઓની આવક કરતા વધુ સંપત્તિ હોય તેવા પણ અનેક કિસ્સા છે. ગૃહ વિભાગે સસ્પેન્ડ પોલીસના કિસ્સામાં પણ તે વારંવાર કેવી રીતે ફરીથી નોકરીમાં ગોઠવાઇ જાય છે તેના નિયમોની નવેસરથી સમીક્ષા કરવાની જરૂૂર હોવાનો મત વ્યક્ત થઇ રહ્યો છે. ગોઠવણ કરીને પાછા નોકરીમાં ગોઠવાઈ જતા આવા તત્ત્વોને તેના કારણે નોકરી જવાનો ડર રહેતો નથી. બોપલના કિસ્સામાં પકડાયેલો હત્યાનો આરોપી પોલીસ કોન્સ્ટેબલ વિરેન્દ્રસિંહ પઢિયાર અગાઉ સસ્પેન્ડ થયેલો હતો. જેમ જેમ પોલીસ તંત્રની કાર્યવાહી ઓનલાઇન થતી જાય છે તેમ તેમ છેલ્લા કેટલાક સમયથી પોલીસ તંત્રનું રોડ પર કે જાહેરમાં દેખાવાનું ચલણ પણ ઓછુ થતું જાય છે. એકસમયે અમદાવાદ જેવા મહાનગરમાં મુખ્ય માર્ગ સિવાય અંદરની ગલીઓમાં પણ રાત્રે પોલીસ પેટ્રોલિંગ થતું હતું તે હવે દિવસે પણ થતું નથી. એસીબીના છટકામાં સપડાતા પોલીસના તોડકાંડના આંકડા એટલા તોતીંગ છે કે જે નહીં પકડાતા હોય તેમની કમાણી કેટલી હશે તે બાબત પણ સામાન્ય જનમાં ચર્ચાનો વિષય બનતી જાય છે.

વેરાવળમાં આવેલી સરાત સોસાયટીમાં રહેતા વૃદ્ધા પહેલા માળે સુતા હતા તે દરમિયાન નીચે બાળકો ફટાકડા ફોડતા હતા જે ફટાકડાનો તિખારો ઉડીને બાલકનીમાંથી વૃદ્ધા માથે પડયો હતો. ગંભીર રીતે દાઝી ગયેલા વૃદ્ધાનું સારવારમાં મોત નિપજતા પરિવારમાં શોકની લાગણી પ્રસરી છે.

આ બનાવ અંગે પોલીસમાંથી જાણવા મળતી વિગત મુજબ વેરાવળમાં આવેલી સરાત સોસાયટીમાં રહેતા રતનબેન પ્રેમજીભાઈ મણીયાર ગામના 87 વર્ષના વૃદ્ધા ત્રણ દિવસ પૂર્વે પોતાના ઘરે પહેલા મળે સુતા હતા તે દરમિયાન નીચે બાળકો ફટાકડા ફોડતા હતા જે ફટાકડાનો તિખારો ઉડીને બાલ્કનીમાંથી વૃદ્ધા ઉપર પડતા વૃદ્ધા ગંભીર રીતે દાઝી ગયા હતા. ગંભીર રીતે દાઝી ગયેલા વૃદ્ધાને તાત્કાલિક સારવાર માટે રાજકોટ સિવિલ હોસ્પિટલમાં દાખલ કરવામાં આવ્યા હતા. જ્યાં સારવાર દરમિયાન વૃદ્ધાનું મોત નિપજતા પરિવારમાં શોકની લાગણી પ્રસરી છે.

આ ઉપરાંત અન્ય બીજા બનાવમાં ચોટીલામાં આવેલી ચામુંડા ટાઉનશિપમાં રહેતા ભગવાનજીભાઈ લાખાભાઈ દુમાદીયા નામના 52 વર્ષના આધેડ પોતાના ઘરે હતા. ત્યારે વહેલી સવારે પાંચ વાગ્યાના અરસામાં લોહીની ઉલટી થયા બાદ બેભાન હાલતમાં તાત્કાલિક સારવાર માટે ચોટીલા બાદ રાજકોટ સિવિલ હોસ્પિટલમાં દાખલ કરવામાં આવ્યા હતા. જ્યાં આધેડનું મોત નિપજતા પરિવારમાં ગમગીની છવાઈ જવા પામી છે. મૃતક ભગવાનજીભાઈ ત્રણ ભાઈ બે બહેનમાં નાના હતા અને તેમને સંતાનમાં પુત્ર અને બે પુત્રી હોવાનું જાણવા મળ્યું છે. ઉપરોક્ત બંને બનાવ અંગે પોલીસે નોંધ કરી વધુ તપાસ હાથ ધરી છે.

જસદણ પંથકમાં બનેલી ઘટના: ગળેફાંસો ખાઇ લેનાર યુવતીને સારવારમાં ખસેડાઇ

જસદણ પંથકમાં ભાવિ ભરથારે તુલસી વિવાહમાં ઠાકોરજીની જાનમાં જવાની ના પાડતા વાગ્દતાને માઠુ લાગી આવ્યું હતું. જેથી યુવતીએ બાવળના ઝાડમાં ચુંદડી બાંધી ગળેફાંસો ખાઇ લીધો હતો. યુવતીને બેભાન હાલતમાં સારવાર માટે ખસેડવામાં આવી હતી.

આ બનાવ અંગે પોલીસમાંથી જાણવા મળતી વિગત મુજબ જસદણ પંથકમાં ભાડલા પોલીસ સ્ટેશન વિસ્તારમાં આવેલા એક ગામમાં રહેતી યુવતી પોતાની વાડીએ હતી ત્યારે ત્રણેક વાગ્યાના અરસામાં બાવળના ઝાડમાં ચુંદડી બાંધી ગળેફાંસો ખાઈ લીધો હતો. યુવતીને બેશુદ્ધ હાલતમાં તાત્કાલિક સારવાર માટે રાજકોટ સિવિલ હોસ્પિટલમાં દાખલ કરવામાં આવી હતી. આ અંગે સિવિલ હોસ્પિટલ પોલીસ ચોકીના સ્ટાફે ભાડલા પોલીસને જાણ કરતા ભાડલા પોલીસ મથકનો સ્ટાફ તાત્કાલિક રાજકોટ સિવિલ હોસ્પિટલ ખાતે દોડી આવ્યો હતો.

પ્રાથમિક પૂછપરછમાં ગળેફાંસો ખાઈ લેનાર યુવતી બે ભાઈ એક બહેનમાં મોટી છે. અને તેણીના પિતા ખેતી કામ કરે છે. આપઘાતનો પ્રયાસ કરનાર યુવતીની દોઢ વર્ષ પહેલા જ જસદણ પંથકના જ એક ગામમાં સગપણ થયું છે અને દેવ દિવાળીના દિવસે તુલસી વિવાહનો પ્રસંગ હોવાથી યુવતીના ગામથી બાજુ ગામમાં ઠાકોરજીની જાન જવાની હતી પરંતુ ભાવી ભરથારે જાનમાં જવાની ના પાડતા યુવતીને માઠું લાગી આવતા બાવળના ઝાડમાં ગળેફાંસો ખાઇ આપઘાતનો પ્રયાસ કર્યો હોવાનું જાણવા મળ્યું છે. આ બનાવ અંગે ભાડલા પોલીસે નોંધ કરી વધુ તપાસ હાથ ધરી છે.