ગુજરાત
તેજીને બ્રેક: મધ્યમ વર્ગમાં હાઉસિંગ લોનનું પ્રમાણ 48.51 ટકા ઘટયું
મોટા મકાનોની ખરીદી અને લોનના પ્રમાણમાં સતત વધારો: ઉંચા વ્યાજદરના કારણે ગરીબ- મધ્યમ વર્ગ માટે લોન લેવાનું દુષ્કર બન્યું
રીયલ એસ્ટેટ ક્ષેત્રે ધમધમી રહેલા ગુજરાતમાં હવે તેજીને બ્રેક લાગી રહી હોય તેમ હાઉસીંગ લોન લેનારા લોકોની સંખ્યામાં 48.51 ટકાનો તોતીંગ ઘટાડો નોંધાયો છે. જો કે, મોટા કારપેટવાળા મકાન- ફલેટમાં લોન લેવાનું પ્રમાણ વધ્યુ છે. મતલબ કે મધ્યમ અને નાના વર્ગમાં હાઉસીંગ લોન લેવાનું પ્રમાણ 48.51 ટકા ઘટયું છે. પરંતુ અમીર લોકોમાં હાઉસીંગ લોન લેવાના પ્રમાણમાં વધારો થયો છે.
સ્ટેટ લેવલ બેંકર્સ કમિટી (એસએલબીસી) – ગુજરાતના તાજેતરના અહેવાલ મુજબ, હાઉસિંગ ફાઇનાન્સ લેનારાઓની સંખ્યામાં નોંધપાત્ર ઘટાડો થયો છે. નાણાકીય વર્ષ 2025 ના પ્રથમ ત્રિમાસિક ગાળામાં, માત્ર 1.01 લાખ વ્યક્તિઓએ હાઉસિંગ લોન પસંદ કરી હતી, જે નાણાકીય વર્ષ 2024 માં સમાન સમયગાળા દરમિયાન નોંધાયેલા 1.5 લાખ ઉધાર લેનારાઓમાંથી ઘટાડો હતો. એટલે કે 48.51 ટકાનો ઘટાડો થયો છે. રસપ્રદ વાત એ છે કે, હાઉસિંગ લોન અરજદારોની સંખ્યામાં ઘટાડો જોવા મળ્યો હોવા છતાં, આ સમયગાળા દરમિયાન વિતરિત કરવામાં આવેલી કુલ રકમ વાર્ષિક ધોરણે 62% વધી છે. અહેવાલ દર્શાવે છે કે નાણાંકીય વર્ષ 2024 ના ક્યુ-1 માં વિતરણ 8,307 કરોડ રૂૂપિયાથી વધીને કયુ-1 નાણાકીય વર્ષ 2025 માં રૂૂ. 13,433 કરોડ થયું છે. આ હાઉસિંગ ફાઇનાન્સમાં વ્યાજના ઊંચા કદ પહેલા ત્રણ મહીના તરફ સ્પષ્ટ વલણ સૂચવે છે, જે દર્શાવે છે કે જ્યારે ઓછા લોકો લોન લઈ રહ્યા છે, મોટી રકમની પસંદગી કરી રહ્યા છે.
બેન્કર્સ આ વલણને લક્ઝરી અને પ્રીમિયમ હાઉસિંગની વધતી માંગને આભારી છે, જે પરવડે તેવા સેગમેન્ટમાં પ્રમાણમાં મ્યૂટ માંગની વિરુદ્ધ છે. વધારેલા વ્યાજ દરની ઓછી અને મધ્યમ આવકવાળા વર્ગ પર વધુ મોંઘી અસર જોવા મળે છે. આ જૂથો સામાન્ય રીતે પરવડે તેવા હાઉસિંગ સેક્ટરને ચલાવે છે. બીજી તરફ, પ્રીમિયમ અને લક્ઝરી સેગમેન્ટ લિક્વિડિટી સ્ક્વિઝથી ઓછી અસરગ્રસ્ત જણાય છે. આ કેટેગરીના ખરીદદારોમાં સામાન્ય રીતે વધુ નાણાકીય સ્થિતિસ્થાપકતા હોય છે અને તેઓ બાહ્ય ધિરાણ પર ઓછા નિર્ભર હોય છે, જેનાથી તેઓ ઉચ્ચ-મૂલ્યવાળી મિલકતો ખરીદવાનું ચાલુ રાખી શકે છે, તેમ એસએલબીસી ગુજરાતના વરિષ્ઠ અધિકારીએ જણાવ્યું હતું.
પરિણામે, ઉધાર લેનારાઓની સંખ્યામાં ઘટાડો થયો હોવા છતાં વિતરિત લોનનું એકંદર મૂલ્ય વધ્યું છે. બેંકરો દ્વારા વિતરણમાં વધારા માટે દર્શાવવામાં આવેલા અન્ય કારણોમાં જંત્રી દરોમાં વધારો છે. જંત્રીના દર એપ્રિલ 2023માં વધારવામાં આવ્યા હતા અને બાદમાં વધારો જુલાઈ 2023 સુધી મુલતવી રાખવામાં આવ્યો હતો. તેથી એપ્રિલથી જૂન ક્વાર્ટર દરમિયાન, વિતરણ વધારે હતું પરંતુ ટિકિટનું કદ પ્રમાણમાં ઓછું હતું. આ વર્ષે, સુધારેલા દરો લાગુ છે, જેના કારણે ખર્ચમાં વધારો થાય છે અને તેથી, વિતરણ થાય છે.
NA અરજી પેન્ડીંગ હોય છતા બાંધકામ રજાચીઠ્ઠી અપાશે
આગામી તહેવારોની સિઝનમાં રીયલ એસ્ટેટ સેક્ટરને તેજીનો બુસ્ટર ડોઝ આપવા માટે સરકાર દ્વારા તૈયારીઓ ચાલુ કરી દેવામાં આવી છે. મધ્યમ વર્ગની માંગ ધીમી પડતા ગુજરાત સરકાર સામાન્ય વિકાસ નિયંત્રણ નિયમોને સરકારની હાલની નીતિઓ સાથે સંરેખિત કરવા અને રિયલ એસ્ટેટ ક્ષેત્રને પ્રોત્સાહન આપવાના ઉદ્દેશ્ય સાથે વ્યાપક સામાન્ય વિકાસ નિયંત્રણ નિયમનો (સીજીડીસીઆર) માં મુખ્ય ફેરફારો કરે તેવી શક્યતા છે.આ ફેરફારોમાં ફાયર સેફ્ટીના ધોરણોને વધુ કડક બનાવવા, ગ્રીન બિલ્ડિંગોને પ્રોત્સાહન આપવું, એફએસઆઇ ધોરણોમાં છૂટ આપવી, એનએ (નોન-એગ્રીકલ્ચર) પ્રક્રિયા ચાલુ હોય ત્યારે યોજનાઓને શરતી મંજૂરી આપવી અને છૂટછાટો આપવાનો સમાવેશ થાય છે.
ગુજરાત
અમદાવાદમાં PMના કાર્યક્રમ સ્થળે ડોમ તૂટતાં 9 ઘવાયા
જીએમડીસી ગ્રાઉન્ડમાં 40 ફૂટ ઊંચો ડોમ ખોલતી વખતે સર્જાયેલી દુર્ઘટના, બે મજૂરોની હાલત ગંભીર
અમદાવાદના જીએમડીસી ગ્રાઉન્ડમાં આજે વહેલી સવારે દૂર્ઘટના સર્જાતા 9 જેટલા શ્રમિકો ઘવાયા હતાં. વડાપ્રધાન નરેન્દ્રભાઈ મોદીના ગત તા. 16ના રોજ જીએમડીસી ગ્રાઉન્ડ ખાતે યોજાયેલ કાર્યક્રમ સ્થળેથી વિશાળ ડોમ ઉતારતી વખતે અચાનક જ ડોમનો એક હિસ્સો તુટી પડતા આ દુર્ઘટના સર્જાઈ હોવાનું જાણવા મળે છે. ઘવાયેલા શ્રમિકોને સારવાર માટે હોસ્પિટલમાં ખસેડાયા છે. આ દુર્ઘટના 9 મજુરો ઘાયલ થયા હતાં. જેમાં બેની હાલત ગંભીર હોવાનું જાણવા મળ્યું છે.
અમદાવાદમાં જીએમડીસી ગ્રાઉન્ડ વડાપ્રધાન મોદીના ગુજરાત પ્રવાસ વખતે તૈયાર કરાયેલા જર્મન ડોમને ઉતારવામાં આવતી વખતે એક મોટી દુર્ઘટના સર્જાઈ હતી. આ દરમિયાન ડોમની નીચે દટાઈ જતાં 9 લોકો ઈજાગ્રસ્ત થયા હતા. પીએએલ ઈવેન્ટ્સ દ્વારા આ ડોમ તૈયાર કરવામાં આવ્યા હતા.
ઉલ્લેખનીય છે કે વડાપ્રધાન મોદીની સભા માટે અમદાવાદમાં જીએમડીસી ગ્રાઉન્ડ ખાતે 4 વિશાળ વોટરપ્રૂફ જર્મન ડોમ તૈયાર કરાયા હતા. જેમાં 80 હજારથી 1 લાખ લોકો બેસી શકે તેવી વ્યવસ્થા કરાઈ હતી.
વડાપ્રધાન મોદીના ગુજરાત પ્રવાસ વખતે તૈયાર કરાયેલા જર્મન ડોમને ઉતારવામાં આવતી વખતે એક મોટી દુર્ઘટના સર્જાઈ હતી. આ દરમિયાન ડોમની નીચે દટાઈ જતાં 9 લોકો ઈજાગ્રસ્ત થયા હતા. જેમા 2ની હાલત અત્યંત ગંભીર હોવાની જાણકારી મળી રહી છે. પીએએલ ઈવેન્ટ્સ દ્વારા આ ડોમ તૈયાર કરવામાં આવ્યા હતા.
મળતી માહિતી અનુસાર આ ઘટના ડોમ ખોલતી વખતે બની હતી. અહીં એકભાગ ખોલતા શ્રમિકો પણ બીજો ભાગ ઉપરથી પડ્યો હતો. જોકે સદભાગ્યે આ ઘટના ચાલુ કાર્યક્રમે નહોતી બની જેના લીધે હજારો લોકોના જીવ બચી ગયા. કારણ કે આ કાર્યક્રમમાં હજારો લોકોએ હાજરી આપી હતી.
ઈજાગ્રસ્તોને નજીકમાં વસ્ત્રાપુરની હોસ્પિટલમાં ખાનગી વાહનમાં લઈ જવાયા હતા. જ્યાં આ ઘટના વિશે જાણકારી મેળવતાં વિષ્ણુ નામના પીડિતે જણાવ્યું હતું કે અમે લગભગ 40 ફૂટની હાઈટ પરથી આ ડોમ ખોલવાનું કામ કરી રહ્યા હતા અને તે સમયે જ ડોમ પડ્યું જેના લીધે અમે પણ નીચે પટકાયા હતા. અમે કુલ 12 લોકો હતા. આ ઘટના મોડી રાતે 3 વાગ્યે આ ઘટના બની હતી. જેના બાદ અફરા તફરીની સ્થિતિ સર્જાઈ હતી. ઘાયલોને નજીકમાં જ વસ્ત્રાપુર ખાતે ખાનગી વાહનમાં અમને હોસ્પિટલ લઈ જવામાં આવ્યા હતા. હાલમાં બેની હાલત ગંભીર હોવાનું તબીબોએ જણાવ્યું છે.
ક્રાઇમ
ક્રેડિટ કાર્ડના નાણાની ઉઘરાણી માટે રેલવે કર્મચારીને ઓફિસમાં ઘુસી માર માર્યો
કોઠી કંપાઉન્ડ ખાતે આવેલી રેલવેની કંટ્રોલ ઓફિસમાં ફરજ બજાવતાં રેલવે કર્મચારીને ક્રેડીટ કાર્ડના નાણાની ઉઘરાણી માટે રિકવરી એજન્ટોએ ઓફિસમાં ઘુસી માર મારી જાનથી મારી નાખવાની ધમકી આપ્યાની ફરિયાદ પોલીસ ચોપડે નોંધાતાં પોલીસે બે શખ્સો સામે ગુનો નોંધી વધુ તપાસ હાથ ધરી છે.
જાણવા મળતી વિગત મુજબ, રેલનગર શેરી નં.15માં રહેતા અને કોઠી કંપાઉન્ડ ખાતે કંટ્રોલ ઓફિસમાં ખલાસી તરીકે નોકરી કરતાં પ્રકાશભાઈ ધનજીભાઈ શામળ (ઉ.34)એ પ્ર.નગર પોલીસ મથકમાં નોંધાવેલી ફરિયાદમાં આરોપી તરીકે બીપીન હરીભાઈ સોલંકી અને અશ્ર્વિન વસંતભાઈ કુગશીયાના નામ આપ્યા છે. ફરિયાદમાં જણાવ્યા મુજબ તેઓ એસબીઆઈ બેંકનું ક્રેડીટ કાર્ડ વાપરતાં હોય ગત તા.17નાં બપોરે તેઓ પોતાની ઓફિસમાં ફરજ પર હતાં ત્યારે આરોપી બીપીને ફોન કરી તમારા ક્રેડીટ કાર્ડનું રૂા.2,34,068નું પેમેન્ટ બાકી છે તેમ જણાવતાં ફરિયાદીએ છ વાગ્યા પછી વાત કરશું તેમ કહેતા આરોપી ઓફિસે ધસી આવ્યો હતો અને ઓફિસમાં દાદાગીરી કરી રોફ જમાવી બળજબરીથી નાણા પડાવવા પ્રયાસ કર્યો હતો.
ત્યારબાદ તેને ફોન કરી અન્ય આરોપીને બોલાવતાં અશ્ર્વિન કુગશીયા ધસી આવ્યો હતો અને તેણે પેમેન્ટ તાત્કાલીક કરી દેજો. નહીંતર ખાલી મારું નામ જ કાફી છે તેમ કહી ધમકી આપી હતી અને બન્નેએ માર મારી તેનો શર્ટ ફાડી નાખ્યો હતો. બાદમાં ક્રેડીટ કાર્ડના પૈસા નહીં આપો તો જાનથી મારી નાખશી તેવી ધમકી આપી હતી. ઉપરાંત આ બાબતે પોલીસમાં ફરિયાદ કરશો તો અમારા વિરૂધ્ધ એટ્રોસિટીની ફરિયાદ દાખલ કરવાની ધમકી આપી હતી.આ અંગે ફરિયાદીએ પ્ર.નગર પોલીસ મથકમાં ફરિયાદ નોંધાવતાં પોલીસે બન્ને શખ્સો સામે ગુનો નોંધી વધુ તપાસ હાથ ધરી છે.
ગુજરાત
સાયપર ગામે પ્રાથમિક શાળામાં પાઈપલાઈન રીપેર કરતાં ભડકો થયો: વિદ્યાર્થી-શિક્ષક દાઝયા
શિક્ષક લાકડું અને કપડુંસળગાવી પાઈપ જોડતા હતા ત્યારે બનાવ: વિદ્યાર્થી પણ ઝપટે ચડયો
રાજકોટની ભાગોળે કુવાડવા નજીક આવેલા સાયપર ગામે પ્રાથમિક શાળામાં પાઈપલાઈન રીપેર કરતી વેળાએ ભડકો થતાં એક વિદ્યાર્થી અને શિક્ષક દાઝી ગયા હતાં. જેથી બન્નેને સારવાર માટે સિવિલ હોસ્પિટલમાં ખસેડવામાં આવ્યા હતાં. શાળામાં પાઈપલાઈન તુટી ગઈ હોવાથી શિક્ષક લાકડુ અને કપડુ સળગાવી પાઈપ લાઈન જોડતાં હતાં ત્યારે અચાનક ભડકો થયો હતો જેમાં વિદ્યાર્થી પણ ઝપટે ચડી ગયો હતો.
જાણવા મળતી વિગત મુજબ, મોરબી રોડ પર રામાણી પાર્ક શેરી નં.3માં રહેતા અને સાયપર ગામે આવેલી પ્રાથમિક શાળામાં શિક્ષક તરીકે ફરજ બજાવતાં દિલીપભાઈ મગનભાઈ પંચાલ (ઉ.48) આજે સવારે સાયપર ગામે પ્રાથમિક શાળામાં પોતાની ફરજ પર હતાં ત્યારે શાળામાં પાણીની પાઈપલાઈન તુટી ગઈ હોવાથી રિપેર કરતાં હતાં. ત્યારે કપડુ અને લાકડામાં સેનેટાઈઝર નાખી તેને સળગાવી પાઈપ લાઈન જોડતાં હતાં દરમિયાન અચાનક ભડકો થયો હતો જેમાં શિક્ષક દિલીપભાઈ અને તેની બાજુમાં ઉભેલો ધો.7માં અભ્યાસ કરતો આદર્શ કિશોરભાઈ પરમાર નામનો છાત્ર પણ ઝપટે ચડી જતાં બન્ને ગંભીર રીતે દાઝી ગયા હતાં. જેથી બન્નેને દાઝી ગયેલી હાલતમાં સારવાર માટે રાજકોટ સિવિલ હોસ્પિટલમાં ખસેડવામાં આવ્યા હતાં.
વધુ તપાસમાં ધો.7માં અભ્યાસ કરતો આદર્શ શિક્ષક દિલીપભાઈ પાઈપ લાઈન કરતાં હતાં ત્યાં નજીક જઈને ુઉભો હતો ત્યારે શિક્ષકે તેને દૂર કરવાનુ કહ્યું હતું. આમ છતાં તે દૂર ન જતાં આગની ઝપેટમાં આવી ગયો હતો. આ અંગે સિવિલ ચોકીના સ્ટાફે પ્રાથમિક નોંધ કરી કુવાડવા પોલીસને જાણ કરતાં પોલીસે હોસ્પિટલે દોડી જઈ જરૂરી કાર્યવાહી હાથ ધરી હતી.
-
ગુજરાત1 day ago
જવાહર ચાવડા હવે ભાજપ સામે લડી લેવાના મૂડમાં, બીજા પત્રો વાઈરલ કર્યા
-
રાષ્ટ્રીય1 day ago
બજાજ હાઉસિંગ ફાઈનાન્સનો શેર આજે ઘટ્યો, જાણો કિંમત
-
રાષ્ટ્રીય1 day ago
‘વન નેશન-વન ઇલેક્શન’ના પ્રસ્તાવને લીલી ઝંડી, મોદી સરકારની કેબિનેટે આપી મંજૂરી
-
કચ્છ1 day ago
રાપરના ગાગોદરમાં પાણીના ખાડામાં સાત બાળકો ડૂબ્યાં, ભાઈ-બહેનનાં મોત
-
આંતરરાષ્ટ્રીય1 day ago
ઈન્ટરનેટ કે મોબાઈલ નેટવર્ક ન હોવા છતાં પેજરમાં વિસ્ફોટ, મોબાઈલ ફોનમાં આવું થાય તો કરોડો લોકો પર ખતરો
-
ગુજરાત1 day ago
આજી-4 ડેમના પૂરથી પ્રભાવિત ખેડૂતો સરકાર સામે મોરચો માંડશે
-
ગુજરાત1 day ago
રાજકોટ ક્લાઇમેટ રેસિલિયન્ટ એક્શન પ્લાનનું ન્યૂ દિલ્હી ખાતે કરાયું લોન્ચિંગ
-
ગુજરાત1 day ago
રાજકોટના કેટરર્સ સંચાલકનું દિલ્હીની યુવતી ઉપર દુષ્કર્મ