સિકયુરિટીના સ્ટાફે પકડી પોલીસને સોંપ્યા
શહેરની સિવિલ હોસ્પિટલમાં વાહન ચોરીના બનાવો અવાર નવાર સામે આવતા રહે છે ત્યારે આજે સિવિલમાં સાયકલ ચોરી કરવા આવેલા 3 શખ્સોને સિકયુરીટીના સ્ટાફે રંગે હાથ ઝડપી લઇ પોલીસ હવાલે કરતા પ્રનગર પોલીસે ત્રણેયની ધરપકડ કરી વધુ તપાસ હાથ ધરી છે.
જાણવા મળતી વિગત મુજબ સિવિલ હોસ્પિટલમાં ઓપીડી બિલ્ડીંગના પાર્કિંગ પાસે 3 અજાણ્યા શખ્સો સાયકલ ચોરી કરીને જતા હોય દરમિયાન સિકયુરીટી ગાર્ડ અફઝલ મકરાણીના ધ્યાને આવતા તેણે સિકયુરીટી ઇન્ચાર્જ એ.ડી. જાડેજાને જાણ કરતા સિકયુરીટી સ્ફાટે તાત્કાલીક દોડી જઇ સાયકલ ચોરી કરી ભાગતા ત્રણેય શખ્સોને ઝડપી લઇ સિવિલ ચોકીમાં લઇ ગયા હતા. આ અંગે જાણ થતા પ્રનગર પીઆઇ ઝણકાટ સહિતનો સ્ટાફ હોસ્પિટલે દોડી ગયો હતો અને સાયકલ ચોરી કરનાર ત્રણેય શખ્સોને પકડી પ્રનગર પોલીસ મથકે લઇ જવામાં આવ્યા હતા.
