અમરેલી
ધારીના ગોવિંદપુર ગામે કૂવામાં કેબલમાં ફસાઈ જતાં યુવકનું મોત
ધારીના ગોવિંદપુર ગામે મીત્રો સાથે કુવામાં ન્હાવા પડેલા એક્ યુવાનનુ ઇલેકટ્રીક મોટરની લાઇન ના કેબલમા ફસાઈ જતા પાણીમા ડુબી જવાથી મોત નીપજેલ હતું.
અમરેલી જિલ્લાના ઘારી તાલુકાના ગોવિંદપુર ગામે નવનીતભાઈ જીવરાજભાઈ સોજીત્રાની વાડીએ આવેલ કુવામાં ગુલસીંહ, તેમના પુત્ર રીતેશ, તેમના મિત્રો લોકેશ, લલ્લુભાઈ અને ભાઈદાસભાઈ એકસાથે ન્હાવા માટે ગયા હતા. ન્હાતા-ન્હાતા રીતેશ કુવાની પાળ ઉપરથી કુવાના પાણીમાં ધુબાકા મારતો હતો. આ દરમિયાન કુવાની અંદર રહેલ ઇલેકટ્રીક મોટરની લાઇનના કેબલની અંદર ફસાઈ જતા રીતેશ ડૂબી ગયો જતાં મોત થયાં નું ધારી પોલીસમા જાહેર થયેલ હતું.
અન્ય એક બનાવમાં સાવરકુંડલાના કે.કે. હાઇસ્કુલ ચોકડીએ ગઈકાલે સાંજે એક. બાઈક ચાલક ને એક કાર ચાલકે હડફેટે લઈ મોત નીપજાવી નાશી છૂટ્યા ની ઘટના પોલીસ દફતરે નોંધાયેલ હતી.
પોલીસના જણાવ્યા મુજબ, કનુભાઈ અરજણભાઈ કાનાણી ઉ.49 ગઈ કાલે મોટરસાયકલ લઈને જુના ખોડી ગામ જવાના રસ્તે આવેલ વાડીએ જઈ રહ્યા હતા. તે દરમિયાન કે.કે. હાઇસ્કુલ ચોકડીએ પહોંચતા એસ.વી.દોશી હાઇસ્કુલ તરફથી એક કાર નં.GA-06-F-1460 ના ચાલકે કનુભાઈ સાથે અથડાવી દીધી હતી. આ અથડામણમાં કનુભાઈને શરીર ઉપર નાની-મોટી ઇજા તેમજ માથા ઉપર ગંભીર ઇજા પહોંચી હતી. તેને સારવાર માટે સાવરકુંડલા સિવિલ હોસ્પિટલમાં લઈ જવામાં આવ્યા હતા, જ્યાં સારવાર દરમિયાન તેમનું મોત થયું હતું આ અંગે મૃતકના ભાઈ દિલીપભાઈ કાનાણીએ સાવરકુંડલા ટાઉન પોલીસમાં ફરિયાદ નોંધાવી હતી. પોલીસે આ ગુનો નોંધી ફરાર ચાલકની શોધખોળ હાથ ધરી છે. આ ઘટનાથી સાવરકુંડલામાં ચકચાર મચી જવા પામી છે.
અમરેલી
જાફરાબાદના ટીંબી ગામે રૂા. 1.30 લાખનો શંકાસ્પદ ઘઉંના જથ્થા સાથે બે પકડાયા
જાફરાબાદ તાલુકાના ટીંબીમાથી પોલીસે વાહનમાથી ઘઉંની 40 બોરીનો શંકાસ્પદ જથ્થો કબજે લઇ બે શખ્સોની અટકાયત કરી 1.30 લાખનો મુદામાલ કબજે લઇ ધોરણસરની કાર્યવાહી હાથ ધરી હતી. નાગેશ્રી પોલીસ મથકના પીએસઆઇ પી.વી.પલાસ અને ટીમે ગત રાત્રીના પેટ્રોલીંગ દરમિયાન ટીંબીમાથી એક ટેમ્પો નંબર જીજે 08 વાય 5668ને અટકાવી તલાશી લીધી હતી.
ટેમ્પોમા ઘઉંની 40 બોરી કુલ બે હજાર કિલો ઘઉંનો જથ્થો મળી આવ્યો હતો. આ અંગે પોલીસે પુછપરછ કરતા કોઇ આધાર પુરાવા વગરનો હોય પોલીસે ટીંબીમા રહેતા મુસ્તાક ઉર્ફે બાપુ જુમાશા પઠાણ અને આરીફશા સુલેમાનશા કનોજીયા નામના શખ્સોની અટકાયત કરી હતી. પોલીસે ઘઉંનો જથ્થો તેમજ વાહન મળી કુલ રૂૂપિયા 1.30 લાખનો જથ્થો કબજે લીધો હતો અને બીએનએસએસ કલમ 35(1) ઇ 106 મુજબ કાર્યવાહી કરી હતી.
અમરેલી
અમરેલીની સગીરા પર કૌટુંબિક ભાઈનું દુષ્કર્મ
અમરેલીમા કુંકાવાવ રોડ પર ભારતનગર વિસ્તારમા રહેતી એક સગીરા પોતાના ઘરે એકલી હતી ત્યારે કૌટુંબિક ભાઇએ જ એકલતાનો લાભ લઇ છરી બતાવી નદીના પટમા લઇ જઇ દુષ્કર્મ ગુજારી મારી નાખવાની ધમકી આપતા આ બારામા તેની સામે અમરેલી તાલુકા પોલીસ મથકમા ફરિયાદ નોંધાવાઇ છે.
સગીરા પર દુષ્કર્મની આ ઘટના અમરેલીમા કુંકાવાવ રોડ પર ભારતનગર વિસ્તારમા નદીના પટમા બની હતી. અહી રહેતી એક સગીરાએ અમરેલી તાલુકા પોલીસ મથકમા નોંધાવેલી ફરિયાદમા જણાવ્યુ઼ હતુ કે તે બિમાર હોય મજુરીકામે ગઇ ન હતી અને ઘરે એકલી હતી ત્યારે તેના મોટાબાપુના દીકરા ભાઇ અબ્દુલ દિનમહમદ ઝુણેજા તેના ઘરે આવ્યો હતો.આ શખ્સે તેને છરી બતાવી બળજબરીપુર્વક સાથે લઇ ગયો હતો. આ શખ્સે નદીના પટમા તેના પર દુષ્કર્મ ગુજાર્યુ હતુ અને છરી બતાવી મારી નાખવાની ધમકી પણ આપી હતી. બનાવની વધુ તપાસ પીઆઇ કે.બી.જાડેજા ચલાવી રહ્યાં છે.
અમરેલી
ધારીમાં પાંચ વર્ષની બાળા સાથે અડપલાં કરનાર આધેડ ઝડપાયો
લોકોએ પકડી લમધારી પોલીસને હવાલે કર્યો
ધારીમાં એક પાંચ વર્ષની બાળાને મોબાઇલ બતાવવાના બહાને એકાંતમા લઇ જઇ અહીના જ શખ્સે અડપલા કર્યાના કેસમાં પોલીસે આ શખ્સની ધરપકડ કરી છે. ધારી પોલીસે આ પ્રકરણમા ધારીમાં રહેતા અને શાકભાજીનો વેપાર કરતા હિમત હસમુખ બોસમીયા (ઉ.વ.45) નામના શખ્સની પોકસો એકટ અને ભારતીય ન્યાય સંહિતાની જુદીજુદી કલમો હેઠળ તેની ધરપકડ કરી છે. ગત 13મી તારીખની બપોરે હિમત બોસમીયા પાંચ વર્ષની એક બાળાને રમાડવાના બહાને તથા મોબાઇલ બતાવવાના બહાને અહીની લક્ષ્મી લોજની અંદરના ભાગે લઇ ગયો હતો. બાળકીના મા-બાપ કામમા વ્યસ્ત હતા તેનો લાભ લઇ આ શખ્સે બાળકીના શરીરે અડપલા કરી નિર્લજજ વર્તન કર્યુ હતુ. જેને પગલે લોકોએ તેને મેથીપાક ચખાડી પોલીસને જાણ કરી હતી.
પીઆઇ એ.એમ.દેસાઇ સ્ટાફના જીતેન્દ્રભાઇ ભેડા, કુમારસિંહ રાઠોડ, સંજયભાઇ સરધારા વિગેરેએ આ શખ્સની ધરપકડ કરી છે. અત્રે ઉલ્લેખનીય બની રહેશે કે, અમરેલી જિલ્લામાં નરાધમોએ હદ વટાવી છે. 43 વર્ષના આધેડે બાળાના માતા-પિતા કામમાં વ્યસ્ત હોવાનો ગેરલાભ ઉઠાવી લઇ જઇ અડપલા કરતા ભારે ચકચાર જાગી હતી.
-
રાષ્ટ્રીય2 days ago
‘દિલ્હીના CM કેજરીવાલ જ રહેશે, ભાજપે ષડયંત્ર કરીને ફસાવ્યા…’, મુખ્યમંત્રી ચૂંટાયા બાદ આતિશીની પહેલી પ્રતિક્રિયા
-
ગુજરાત2 days ago
દ્વારકા નજીકના દરિયામાંથી વધુ એક વખત ચરસનો જથ્થો ઝડપાયો
-
આંતરરાષ્ટ્રીય2 days ago
બાંગ્લાદેશમાં હિંદુઓ પર હુમલા અંગે કેનેડાની સંસદમાં ચર્ચા
-
ગુજરાત2 days ago
PMના જન્મદિવસ પૂર્વે જવાહર ચાવડાએ ફોડ્યો લેટર બોંબ
-
અમરેલી2 days ago
અમરેલીની સગીરા પર કૌટુંબિક ભાઈનું દુષ્કર્મ
-
આંતરરાષ્ટ્રીય2 days ago
અમેરિકા ઉઠી જશે: જેપી મોર્ગન ચેઝની આગાહી
-
ગુજરાત2 days ago
મોદી@74: કુંડળી જ મંગળ તો અમંગળ કોણ કરી શકે?
-
ગુજરાત2 days ago
મોદી વડાપ્રધાન બનશે: 34 વર્ષ પહેલાં ધીરૂભાઇ અંબાણીએ ભાખ્યું હતું