પહેલગામ આતંકવાદી હુમલા બાદ પાકિસ્તાન ભારતની કાર્યવાહીથી ડરી ગયું છે. આ દરમિયાન, દિલ્હીમાં એક કાર્યક્રમને સંબોધિત કરતી વખતે, ગૃહમંત્રી અમિત શાહે આતંકવાદ અને આતંકવાદીઓના માસ્ટર્સને ચેતવણી આપી છે. ગૃહમંત્રી અમિત શાહે કહ્યું કે જો કોઈ એવું વિચારે છે કે કાયરતાપૂર્ણ હુમલો કરીને આ તેમની જીત છે, તો તેણે સમજવું જોઈએ કે અમે બધા પાસેથી બદલો લઈશું. આ નરેન્દ્ર મોદીનું ભારત છે.
ગૃહમંત્રી અમિત શાહે કહ્યું, “વડાપ્રધાન મોદીના નેતૃત્વમાં, પછી ભલે તે ઉત્તર પૂર્વ હોય, ડાબેરી ઉગ્રવાદનો વિસ્તાર હોય કે કાશ્મીર પર આતંકવાદનો પડછાયો હોય, અમે દરેક વસ્તુનો સખત જવાબ આપ્યો છે. જો કોઈ એવું વિચારે છે કે કાયરતાપૂર્ણ હુમલો કરીને આ તેમની મોટી જીત છે, તો સમજો કે આ નરેન્દ્ર મોદી સરકાર છે, કોઈને પણ બક્ષવામાં આવશે નહીં. આ દેશના દરેક ઇંચમાંથી આતંકવાદને જડમૂળથી ઉખેડી નાખવાનો અમારો સંકલ્પ છે અને તે સાબિત થશે.”
કેન્દ્રીય ગૃહમંત્રીએ કહ્યું કે જ્યાં સુધી આતંકવાદનો નાશ ન થાય અને જેમણે આ કૃત્ય કર્યું છે તેમને સજા ન મળે ત્યાં સુધી અમારી લડાઈ ચાલુ રહેશે.
અમિત શાહે કહ્યું, ‘આજે કોઈ એવું ન વિચારતા કે આપણા 27 લોકોને મારીને તેમણે આ યુદ્ધ જીતી લીધું છે.’ હું તેમને કહેવા માંગુ છું કે દરેક વ્યક્તિને જડબાતોડ જવાબ મળશે. જવાબ લેવામાં પણ આવશે. ‘જો કોઈ કાયર હુમલો કરીને એવું વિચારતો હોય કે આ તેમની જીત છે તો સમજી લેશો. એક એકને વીણી વીણીને મારીશું. આ નરેન્દ્ર મોદીનું ભારત છે. આજે દુનિયાના તમામ દેશો ભારતની સાથે ઉભા છે’
ગૃહમંત્રીએ કહ્યું, ‘આજે ફરી એકવાર હું આ સંકલ્પને યાદ કરાવવા માંગુ છું કે આતંકવાદ સામેની આપણી લડાઈ ચાલુ રહેશે. પીએમ નરેન્દ્ર મોદીના નેતૃત્વમાં, પછી ભલે તે ડાબેરી ઉગ્રવાદ હોય કે કાશ્મીર મુદ્દો, જો કોઈ કાયરતાપૂર્ણ કૃત્ય કરશે તો તે કોઈને પણ બક્ષવામાં આવશે નહીં.
અમિત શાહે કહ્યું કે ભારતની એક એક ઈંચ જમીન પરથી આતંકવાદનો નાશ કરીશું. આતંકવાદ સામે વિશ્વના તમામ દેશો એક થયા છે અને ભારતની સાથે ઉભા છે. આતંકવાદનો અંત ન આવે ત્યાં સુધી તેમને સજા આપવામાં આવશે.