સુરતથી અને રાજકોટથી બે આરોપી ઝડપાયા, દંપતી હજુ ફરાર
મવડી પ્લોટ વિસ્તારમાં રહેતા અને ગેમ ઝોનમાં નોકરી કરતા યુવકના મિત્રએ પોતે દુબઈમાં ટ્રેડિંગ કરતો હોય અને જેમાં રોકાણ કરવાથી માસિક 4 થી 5 ટકા વળતરની લાલચ આપી રૂૂ.1.48 કરોડની રકમ ઓળવી જતાં સમગ્ર મામલો આથિક ગુના નિવારણ શાખામાં પહોચ્યો હતોં આ મામલે ગુના નિવારણ શાખાએ બે આરોપીની ધરપકડ કરી હતી.
આ અંગેની વિગતો મુજબ, મવડી પ્લોટમાં ચંદ્રેશનગરમાં રહેતો અને ગેમ ઝોનમાં નોકરી કરતો 28 વર્ષીય વિરેન્દ્રસિંહ વિજયસિંહ પરમારે ક્રાઈમ બ્રાન્ચમાં આરોપી તરીકે મિત્ર સાગર અરવિંદભાઈ ખુંટ, અરવિંદ લાલજીભાઈ ખુંટ જ્યોત્સનાબેન અરવિંદભાઈ ખુંટ અને ગૌરાંગ મનસુખભાઈ ખુંટ સામે ફરિયાદ નોંધાવતા જણાવ્યું હતું કે, આશરે દસ વર્ષ પહેલા ગેમ ઝોનમાં મુલાકાત દરમિયાન સાગર ખુંટ સાથે પરિચય થયો હતો. વર્ષ 2023માં સાગરે ફરિયાદીને જણાવ્યું હતું કે, તે દુબઈ ખાતે મીસા ઇન્વેસ્ટમેન્ટ ક્ધસલ્ટનસ નામની કંપની ચલાવે છે અને ટ્રેડિંગમાં મોટો નફો મેળવે છે.
જો તેમાં રોકાણ કરે તો દર મહિને 4 થી 5 ટકા વળતર આપવાની ખાતરી આપી હતી.સાગરે વિશ્વાસ અપાવ્યો હતો કે રાજકોટમાં તેના પિતા અરવિંદ, માતા જ્યોત્સનાબેન અને પિતરાઈ ભાઈ ગૌરાંગ ખુંટ એજન્ટ તરીકે નાણાકીય વ્યવહાર સંભાળે છે. વિરેન્દ્રસિંહે પ્રથમ તબક્કે 9 લાખનું રોકાણ કર્યું હતું, જેની સામે સાગરે એક મહિના પછી 45,000 વળતર તરીકે ચૂકવ્યા હતા. આ વિશ્વાસના જોરે ફરિયાદીએ પોતાના ભાઈ, મિત્રો અને સગા-વ્હાલાઓ પાસેથી નાણાં મેળવી અલગ-અલગ સમયે બેંક ટ્રાન્સફર અને રોકડા મળી કુલ 1.74 કરોડ જેટલી માતબર રકમ સાગર અને તેના પરિવારને રોકાણ અર્થે આપી હતી. આ કૌભાંડમાં ફરિયાદીના મિત્રો માર્મિક આહ્યા, ધર્મિલ પાંભર અને કેવલ મેનપરાએ પણ લાખોનું રોકાણ કર્યું હતું.
આરોપીઓએ શરૂઆતમાં ટુકડે-ટુકડે 26.77 લાખ જેટલું વળતર ચૂકવી રોકાણકારોનો વિશ્વાસ જીત્યો હતો, પરંતુ ત્યારબાદ મુદલ રકમ કે વળતર આપવાનું બંધ કરી દીધું હતું. અંતે, પોતાની મુડી પરત ન મળતા અને આરોપીઓ દ્વારા સંતોષકારક જવાબ ન મળતા છેતરપિંડી થઈ હોવાનો અહેસાસ થયો હતો. આરોપી અને તેનો પરિવાર આમ જુદા-જુદા લોકો પાસેથી કુલ રૂપિયા 1.48 કરોડ ઓળવી ગયા હતા. બનાવ અંગે ક્રાઇમ બ્રાન્ચે પોલીસ મથકમાં ગુનો નોંધાયો છે અને આગળની તપાસ આર્થિક ગુના નિવારણ શાખા દ્વારા હાથ ધરવામાં આવી હતી.
આર્થિક ગુના નિવારણ શાખાએ બે આરોપીઓ ગૌરાંગ મનસુખ ખુંટ (ઉ.વ.38, રહે. ગાંધી સોસાયટી) અને અરવિંદ લાલજીભાઈ ખૂંટ (ઉ.વ.61, રહે. ઈસ્કોન હાઈટસ, અંબિકા ટાઉનશિપ)ની ધરપકડ કરી હતી. આરોપી અરવિંદને સુરતથી અને ગૌરાંગને રાજકોટથી ઝડપી લેવાયો હતો. બંને આરોપીઓને ત્રણ દિવસના રિમાન્ડ પર લેવાયા છે. આ કેસમાં હજૂ બે આરોપીઓ સાગર અરવિંદ ખુંટ અને જયોત્સનાબેન અરવિંદ ખુંટ વોન્ટેડ છે. આ બંને આરોપીઓની શોધખોળ જારીરખાઈ છે.
