અમેરિકાના રાષ્ટ્રપતિ ડોનાલ્ડ ટ્રમ્પ અને ચીનના રાષ્ટ્રપતિ શી જિનપિંગ વચ્ચે 6 વર્ષ બાદ મુલાકાત થઇ હતી. ટ્રમ્પ અને જિનપિંગ આજે (30 ઓક્ટોબર) દક્ષિણ કોરિયાના બુસાન એરપોર્ટ પર મળ્યા હતા. બંને વચ્ચે 100 મિનિટની વાતચીત થઇ હતી. છેલ્લી વખત 2019 માં મળ્યા હતા બને નેતા.
પીટીઆઈના અહેવાલ મુજબ, ટ્રમ્પે કહ્યું, “અમે ચીનના ખૂબ જ ખાસ અને આદરણીય રાષ્ટ્રપતિ સાથે વાતચીત કરવા જઈ રહ્યા છીએ. મારું માનવું છે કે અમે ઘણી બાબતો પર કરાર પર પહોંચી ગયા છીએ, અને અમે કેટલીક વધુ બાબતો પર કરાર પર પહોંચવાનું ચાલુ રાખીશું. રાષ્ટ્રપતિ શી જિનપિંગ એક મહાન દેશના મહાન નેતા છે, અને હું માનું છું કે અમારા લાંબા ગાળાના સારા સંબંધો રહેશે. તેમની સાથે મુલાકાત કરવી સન્માનની વાત છે.”
શું ચીન અને અમેરિકા વચ્ચે ટેરિફ પર કોઈ કરાર થયો છે?
રાષ્ટ્રપતિ ટ્રમ્પ અને શી જિનપિંગની મુલાકાત એવા સમયે થઈ જ્યારે બંને દેશો વચ્ચે લાંબા સમયથી ટેરિફ યુદ્ધ ચાલી રહ્યું છે. જો કે, હવે આશા છે કે ચીન અને અમેરિકા વચ્ચે ટેરિફનો મુદ્દો ઉકેલાઈ શકે છે. ટ્રમ્પે કહ્યું, “આજે એક વેપાર કરાર પર હસ્તાક્ષર થઈ શકે છે.” ટ્રમ્પે ચીન પર ટેરિફ વધાર્યા પછી, શી જિનપિંગે ચીન પાસેથી સોયાબીન ખરીદવાનું બંધ કરી દીધું, જેનાથી અમેરિકન ખેડૂતોને નુકસાન થઈ રહ્યું હતું. ટેરિફ એકંદર વેપાર પર અસર કરી રહ્યા હતા. જોકે, હવે તેમના સંબંધો કદાચ પીગળી રહ્યા છે.
ટ્રમ્પને મળ્યા પછી શી જિનપિંગે શું કહ્યું
ચીનના રાષ્ટ્રપતિ શી જિનપિંગે અમેરિકા સાથેના સંબંધો પર પણ ચર્ચા કરી. તેમણે ટ્રમ્પને કહ્યું, “હું તમારી સાથે કામ કરવા તૈયાર છું. આપણા બંને દેશો એકબીજાને સફળ થવામાં મદદ કરી શકે છે. આનાથી આપણા બંને માટે પ્રગતિ થશે. હું ચીન-અમેરિકા સંબંધો માટે મજબૂત પાયો બનાવવા માટે કામ કરવાનું ચાલુ રાખવા માટે તૈયાર છું.”
