વરૂણ ચક્રવર્તી ચાર બેટ્સમેનોને આઉટ કરી આ વર્ષ T20 ક્રિકેટમાં સૌથી વધુ વિકેટ લેનાર બોલર બન્યા
ભારતે પાંચમી ઝ20ઈં મેચમાં દક્ષિણ આફ્રિકાને 30 રનથી હરાવ્યું. આ સાથે ટીમ ઈન્ડિયાએ પાંચ મેચની શ્રેણી 3-1થી જીતી લીધી. અમદાવાદના નરેન્દ્ર મોદી સ્ટેડિયમમાં પ્રથમ રમતા, ટીમ ઈન્ડિયાએ 231 રનનો વિશાળ સ્કોર બનાવ્યો. જવાબમાં, દક્ષિણ આફ્રિકા તેમના નિર્ધારિત 20 ઓવરમાં ફક્ત 201 રન જ બનાવી શક્યું. હાર્દિક પંડ્યાએ 16 બોલમાં અડધી સદી ફટકારી, જ્યારે વરુણ ચક્રવર્તી ભારતનો સૌથી સફળ બોલર રહ્યો, તેણે ચાર વિકેટ લીધી.
દક્ષિણ આફ્રિકાએ ટોસ જીતીને બોલિંગ કરવાનો નિર્ણય લીધો, જે તેમના માટે ગેરલાભકારક સાબિત થયો. શુભમન ગિલની ગેરહાજરીમાં, સંજુ સેમસન અભિષેક શર્મા સાથે ઇનિંગની શરૂૂઆત કરી. સમગ્ર શ્રેણીમાં દક્ષિણ આફ્રિકા સામે પોતાની પહેલી મેચ રમી રહેલા સેમસનએ તકનો લાભ ઉઠાવતા 22 બોલમાં 37 રન બનાવ્યા. અભિષેક શર્માએ પણ 34 રન બનાવ્યા.
હાર્દિક પંડ્યાએ પાંચમી ટી20 મેચમાં 25 બોલમાં 63 રનની ઇનિંગ રમી, જે દરમિયાન તેણે 16 બોલમાં પોતાની ફિફ્ટી પૂરી કરી. આંતરરાષ્ટ્રીય ટી20 ક્રિકેટ ઇતિહાસમાં ભારતીય બેટ્સમેન દ્વારા આ બીજી સૌથી ઝડપી ફિફ્ટી હતી. તિલક વર્માએ 42 બોલમાં 73 રન બનાવ્યા, જેનાથી ભારત 231 રનના સ્કોર સુધી પહોંચવામાં મદદ કરી. 232 રનના લક્ષ્યનો પીછો કરતા, દક્ષિણ આફ્રિકાએ ક્વિન્ટન ડી કોક સાથે શાનદાર શરૂૂઆત કરી. હેન્ડ્રિક્સ માત્ર 13 રન બનાવીને આઉટ થયો, પરંતુ ડી કોકના તોફાનને કારણે, દક્ષિણ આફ્રિકાએ પાવરપ્લેમાં એક પણ વિકેટ ગુમાવ્યા વિના 67 રન બનાવ્યા.
10 ઓવર પછી, દક્ષિણ આફ્રિકા 118 રન સુધી પહોંચી ગયું હતું, પરંતુ 11મી ઓવરમાં, જસપ્રીત બુમરાહે ડી કોકને તેની જ બોલિંગમાં કેચ આપીને 65 રન બનાવીને આઉટ કર્યો. ડી કોકે 35 બોલમાં 65 રન બનાવ્યા. આ પછી, દક્ષિણ આફ્રિકાનો રન રેટ ધીમો પડવા લાગ્યો. ડી કોકના આઉટ થયા પછી, દક્ષિણ આફ્રિકા આગામી પાંચ ઓવરમાં ફક્ત 38 રન જ બનાવી શક્યું, જેના કારણે તેમનો જરૂૂરી રન રેટ આસમાને પહોંચ્યો. દક્ષિણ આફ્રિકાની મધ્યમ અને નીચલા ક્રમની બેટિંગ સંપૂર્ણપણે નિષ્ફળ ગઈ.
વરુણ ચક્રવર્તી ભારતનો સૌથી સફળ બોલર હતો. મોંઘો હોવા છતાં, તેણે ચાર ઓવરમાં 53 રન આપ્યા, પરંતુ તેણે દક્ષિણ આફ્રિકાના ચાર બેટ્સમેનોને આઉટ કર્યા. વરુણે તેના સ્પેલની અંતિમ ઓવરમાં ત્રણ છગ્ગા સહિત 21 રન આપ્યા. વરુણ ચક્રવર્તી આ વર્ષે ટી-20 ક્રિકેટમાં સૌથી વધુ વિકેટ લેનાર બોલર બન્યો છે.
ફિફ્ટી ફટકાર્યા બાદ માહિકા શર્માને હાર્દિક પંડ્યાની ફ્લાઈંગ કિસ
હાર્દિકે આ મેચમાં ફાસ્ટેસ્ટ હાફ સેન્ચુરી ફટકારી હતી. હાર્દિકે માત્ર 16 બોલમાં પોતાની અડધી સદી પૂર્ણ કરી. આનાથી તે અડધી સદી પૂર્ણ કરનાર બીજો સૌથી ઝડપી ભારતીય બેટ્સમેન બન્યો. હાર્દિક પંડ્યાએ પોતાની અડધી સદી પૂરી કર્યા પછી કરેલી ઉજવણી વાયરલ થઈ ગઈ. તેણે ફ્લાઈંગ કિસ ફટકારીને ચર્ચા ઊભી કરી હતી. હાર્દિકે સ્ટેન્ડમાં ઉભેલી મહિકા શર્માને ફ્લાઈંગ કિસ આપી હતી. ત્યારબાદ તેની ગર્લફ્રેન્ડ મહિકાએ પણ તેને ફ્લાઈંગ કિસ આપી. હાર્દિકે થોડા મહિના પહેલા જ મહિકા સાથેના પોતાના સંબંધોને સત્તાવાર રીતે જાહેર કરી દીધા હતા.
