12 જૂનથી શરૂ થશે વર્લ્ડ કપ, કુલ 104 મેચ રમાશે, બે ફરજિયાત હાઇડ્રેશન બ્રેક રહેશે
ફિફા ફૂટબોલ વર્લ્ડ કપ 2026ની શરૂૂઆત 12 જૂનથી થશે. ફૂટબોલની આ રમત 90 મિનિટ લાંબી હોય છે અને તેમાં 45-45 મિનિટના બે હાફનો સમાવેશ થાય છે, જેમાં તેમની વચ્ચે 15 મિનિટનો બ્રેક હોય છે, પણ 2026ના ફિફા વર્લ્ડ કપમાં આ નિયમ બદલાશે. આટલું જ નહીં પ્રથમ વખત દરેક મેચમાં દરેક હાફની મધ્યમાં પાણી પીવા માટે બ્રેક આપવામાં આવશે. આ બ્રેક ફર્સ્ટ હાફની 22મી મિનિટે અને સેક્ધડ હાફની 67મી મિનિટે થશે. હવામાન ગમે તેવું હોય તો પણ આ બ્રેક જરુરી રહેશે.આ વખતે ફિફા વર્લ્ડ કપ અમેરિકા, મેક્સિકો અને કેનેડામાં યોજાશે અને અહી ગરમી રહેશે.
ઉનાળામાં યોજાનારી આ ટૂર્નામેન્ટને ધ્યાનમાં રાખીને ગરમીથી બચાવ અને ખેલાડીઓના સ્વાસ્થ્યનું ધ્યાન રાખવું ફિફા માટે સૌથી મોટી ચિંતાનો વિષય બની ગયો છે. આવી સ્થિતિમાં ફિફાએ આવો જ નિયમ અપનાવવાનો નિર્ણય લીધો છે, જેનો અમલ દરેક મેચમાં કરવામાં આવશે. આ બ્રેકના કારણે આ ઉનાળામાં ફૂટબોલ ઘણા હદ સુધી હોકી, બાસ્કેટબોલ અને અમેરિકન ફૂટબોલ જેવું દેખાશે.
ફિફા દ્વારા કરવામાં આવેલા આ ફેરફાર પછી ફૂટબોલ અસલમાં ચાર ક્વાર્ટરની રમત બની ગઈ છે. 45 મિનિટ સુધી નોન સ્ટોપ રમવાને બદલે ટીમોને હવે દરેક હાફની મધ્યમાં થોડો બ્રેક મળશે. હોકીના ખેલાડીઓ પહેલાથી જ આ ખ્યાલથી પરિચિત છે. કોચ ક્વાર્ટર વિરામનો ઉપયોગ પ્રેસિંગ પેટર્નને બદલવા, રક્ષણાત્મક માળખાને ફરીથી ગોઠવવા અને રમતની ગતિમાં વધઘટને રોકવા માટે કરે છે.
હવે ફૂટબોલ મેનેજરો પાસે કંઈક આવું જ છે. ત્રણ મિનિટ ભલે વધારે લાગે નહીં, પરંતુ ઉચ્ચ સ્તરે આ નિર્દેશ આપવા, દબાણ હેઠળ રમતા ખેલાડીઓને શાંત કરવા અથવા પિચ પર ઉદ્ભવતી રણનીતિક સમસ્યાઓ પર પ્રતિક્રિયા આપવા માટે ઘણો સમય હશે. હાઇડ્રેશન બ્રેકથી કોચિંગની રીતને પણ બદલી શકે છે. જ્યારે ખેલાડીઓ ટચલાઇનની બહાર પગ મૂકી શકતા નથી, ત્યારે યુએસએના કોચ મૌરિસિયો પોચેટિનોએ તાજેતરની મેચ દરમિયાન મેદાન પર પોતાની ટીમને લેપટોપની આસપાસ તેની ભેગા કરીને વ્યૂહાત્મક ફૂટેજની સમીક્ષા કરી હતી.
હાફ-ટાઇમ સુધી રાહ જોવાને બદલે, કોચ હવે રીઅલ ટાઇમમાં વિઝ્યુઅલ ફીડબેક આપી શકે છે. તેથી બેંચની પાછળ બેઠેલા એનાલિસ્ટ હવે પહેલા કરતા વધુ અસરકારક બનશે અને ટચલાઇન પરથી બૂમો પાડીને સુચના આપવાની મેનેજરોના દિવસો બદલાઇ શકે છે. હાઇડ્રેશન બ્રેકની શરૂૂઆત માટે રેફરીએ વ્હિસલ વગાડ્યાના 20 સેક્ધડની અંદર જાહેરાતો શરૂૂ કરવી જોઈએ નહીં, અને બ્રોડકાસ્ટર્સે રમત ફરી શરૂૂ થયાના 30 સેક્ધડ પહેલાં મેચમાં પાછા ફરવું આવશ્યક છે. આ વર્લ્ડ કપમાં 104 મેચ રમાશે અને દરેક મેચમાં બે ફરજિયાત હાઈડ્રેશન બ્રેક હશે, જે દર હાફમાં એક હશે. દરેક બ્રેક ત્રણ મિનિટનો હશે અને આ સમગ્ર ટૂર્નામેન્ટમાં કુલ 624 વધારાની મિનિટ થાય છે.
જાહેરાતોને મંજૂરી
ફિફાએ બ્રોડકાસ્ટર્સને ફરજિયાત વિક્ષેપો દરમિયાન જાહેરાતો બતાવવાની મંજૂરી આપી છે. તેના નિયમો ઘણા વિચારીને બનાવવામાં આવ્યા છે. જો બ્રોડકાસ્ટર્સ સ્પ્લિટ-સ્ક્રીન કવરેજનો ઉપયોગ કરે અને મેચ બતાવવાનું ચાલુ રાખે તો માત્ર ફિફાના ભાગીદારો અને વર્લ્ડ કપના સત્તાવાર પ્રાયોજકો જ જાહેરાત કરી શકે છે. જો તેઓ મેચ ફીડને સંપૂર્ણપણે દૂર કરે છે, તો બ્રોડકાસ્ટર્સ તે સ્લોટ અન્ય જાહેરાતકર્તાઓને વેચી શકે છે.
