IPL 2026 માટે કોમેન્ટ્રી પેનલમાં વિવિધ ક્ષેત્રોના જાણીતા ક્રિકેટ નિષ્ણાતો, પૂર્વ ખેલાડીઓ અને પ્રખ્યાત પ્રેઝેન્ટર્સને આ પેનલમાં સ્થાન મળ્યું છે. આ પહેલ દર્શાવે છે કે લીગને વધુ વ્યાપક દર્શકો સુધી પહોંચાડવાનો ઉદ્દેશ છે. આ વખતે કુલ 12 ભાષાઓમાં કોમેન્ટ્રી કરવામાં આવશે, જેમાં હિન્દી, અંગ્રેજી, તમિલ, તેલુગુ, કન્નડ, મલયાલમ, બંગાળી, મરાઠી અને ગુજરાતી જેવી ભાષાઓનો સમાવેશ થાય છે. આથી દેશના દરેક ખૂણાના દર્શકોને પોતાની ભાષામાં મેચનો આનંદ માણવાનો મોકો મળશે.
કોમેન્ટ્રી પેનલમાં ઘણા દિગ્ગજ ખેલાડીઓનો સમાવેશ થયો છે, જેમણે આંતરરાષ્ટ્રીય સ્તરે ક્રિકેટમાં પોતાની ઓળખ ઉભી કરી છે. તેઓ પોતાના અનુભવ અને વિશ્ર્લેષણ દ્વારા મેચને વધુ રસપ્રદ બનાવશે. સાથે સાથે, કેટલાક નવા અવાજોને પણ તક આપવામાં આવી છે, જે તાજગી લાવશે.
IPL 2026 માટે આ વખતે હિન્દી, અંગ્રેજી અને ભોજપુરી ભાષામાં જાણીતા કોમેન્ટેટર્સનો વિશાળ સમૂહ તૈયાર કરવામાં આવ્યો છે. હિન્દી કોમેન્ટ્રી પેનલમાં રવિચંદ્રન અશ્વિન, સુરેશ રૈના, હરભજન સિંહ, ઈરફાન પઠાણ, વીરેન્દ્ર સેહવાગ, અનિલ કુંબલે, પિયુષ ચાવલા, ઉમેશ યાદવ, આકાશ ચોપરા, ચેતેશ્વર પૂજારા, આદિત્ય તારે, નવજોત સિંહ સિદ્ધુ, સુનીલ ગાવસ્કર, સંજય બાંગર, અજય જાડેજા, મોહમ્મદ કૈફ, સબા કરીમ, દીપ દાસગુપ્તા, પદમજીત સેહરાવત, અનંત ત્યાગી અને સુનિલ તનેજા સામેલ છે.
અંગ્રેજી કોમેન્ટ્રીમાં રવિ શાસ્ત્રી, સુનીલ ગાવસ્કર, એબી ડી વિલિયર્સ, ડેલ સ્ટેન, ફાફ ડુ પ્લેસિસ, કેવિન પીટરસન, એરોન ફિન્ચ, ઇયોન મોર્ગન, માઈકલ ક્લાર્ક, મિશેલ મેકક્લેનાઘન, દીપ દાસ ગુપ્તા, હર્ષા ભોગલે, ઇયાન બિશપ, સિમોન ડૂલી, ડેની મોરિસન, ગંગા, નાઈટ, સ્વાન, મ્બાંગવા, કેટિચ, મુરલી કાર્તિક, ડબલ્યુ.વી. રમન, અંજુમ, મુકુંદ, વિલ્ક્ધિસ, કેટી માર્ટિન અને રૌનક કપૂરનો સમાવેશ થાય છે. જ્યારે ભોજપુરી કોમેન્ટ્રી માટે સૌરભ સિંહ, સુમિત મિશ્રા, શિવમ સિંહ, સત્યપ્રકાશ કૃષ્ણ, ગુલામ હુસૈન, જ્વાલા સિંહ, અભય કુમાર અને શાલિની સિંહને પસંદ કરવામાં આવ્યા છે. બ્રોડકાસ્ટર્સે આ વખતે ડિજિટલ પ્લેટફોર્મ પર પણ ખાસ ધ્યાન આપ્યું છે. ઓનલાઈન સ્ટ્રીમિંગ માટે અલગ કોમેન્ટ્રી ટીમ તૈયાર કરવામાં આવી છે, જેથી યુવા દર્શકોને વધુ સારોઅનુભવ મળે. સોશિયલ મીડિયા સાથે જોડાયેલ સેગમેન્ટ્સ પણ આ વખતે જોવા મળશે.
પ્રેઝેન્ટેશન સ્ટાઈલમાં નવીનતા
આ ઉપરાંત, પ્રેઝેન્ટેશન સ્ટાઈલમાં પણ નવીનતા લાવવામાં આવી છે. મેચ પહેલા અને પછીના વિશ્ર્લેષણમાં ટેક્નોલોજીનો વધુ ઉપયોગ થશે, જેમ કે ડેટા એનાલિટિક્સ અને ગ્રાફિક્સ દ્વારા સમજાવવામાં આવશે. આથી દર્શકોને રમતની વધુ ઊંડી સમજ મળશે. IPL 2026 માટે આ પ્રકારનું ભવ્ય કોમેન્ટ્રી સેટઅપ દર્શાવે છે કે લીગ માત્ર રમત પૂરતી મર્યાદિત નથી, પરંતુ એ એક મનોરંજનનું મોટું પ્લેટફોર્મ બની ગયું છે. આ નવી પહેલથી દર્શકોનો અનુભવ વધુ સમૃદ્ધ અને યાદગાર બનવાની શક્યતા છે.
