ક્રાઇમ
શહેરની હોટલ-ગેસ્ટ હાઉસમાં પોલીસનું સરપ્રાઇઝ ચેકિંગ
નવરાત્રી અનુસંધાને ક્રાઇમ બ્રાંચ, એસઓજી, પીસીબીની 20 ટીમો ત્રાટકી
નવરાત્રીના પર્વને લઇને પોલીસ દ્વારા સુરક્ષા વ્યવસ્થાના ભાગરૂપે કોઇ અનિચ્છનીય બનાવ ન બને અને શાંતિ પૂર્ણ રીતે ગરબાનું આયોજન થાય તેને લઇને ગૃહવિભાગ દ્વારા ગાઇડલાઇન જાહેર કરી છે. જેના ભાગરૂપે આજે શહેરના તમામ ગેસ્ટ હાઉસ અને હોટલોમાં પોલીસની અલગ-અલગ ટીમોએ સપ્રાઇઝ ચેકીંગ ર્ક્યુ હતું. ક્રાઇમ બ્રાંચ, એસઓજી, પીસીબીની અલગ-અલગ 20 ટીમો આજે હોટલ ગેસ્ટ હાઉસમાં ત્રાટકી હતી.
રાજ્ય પોલીસ વડા વિકાસ સહાય દ્વારા નવરાત્રીને લઇને ગુજરાતના રાજકોટ, અમદાવાદ, વડોદરા અને સુરતના પોલીસ કમિશનર તેમજ તમામ રેન્જ આઇજી અને જિલ્લા પોલીસ વડા સાથે બેઠક યોજી હતી અને નવરાત્રી દરમિયાન શું-શું તકેદારી રાખવી! અને કેવા પગલા ભરવા તે સહિતની સુચનાઓ આપી મહત્વના મુદ્દાઓ ઉપર ચર્ચા કરવામાં આવી હતી. નવરાત્રી દરમિયાન ભાંગ ફોડ્યા તત્વો ઉપર ખાસ વોચ રાખવા અને હોટલ તેમજ ગેસ્ટ હાઉસમાં સતત ચેકીંગ કરવા સુચના આપવામાં આવી હોય જેના ભાગરૂપે આજે રાજકોટ શહેરની તમામ હોટલ અને ગેસ્ટ હાઉસમાં નવરાત્રી પૂર્વે પોલીસે ચેકીંગ ર્ક્યુ હતું.
ડીસીબી ક્રાઇમ ડો.પાર્થરાજસિંહ ગોહીલની સુચના અને એસીપી ભરત બસીયાના માર્ગદર્શન હેઠળ ક્રાઇમબ્રાંચના પીઆઇ એમ.આર.ગોંડલીયા, એસઓજીના પી.આઇ. એસ.એમ.જાડેજાની અલગ-અલગ 20થી વધુ ટીમોએ સવારથી રાજકોટ શહેર તેમજ આસપાસના વિસ્તારોમાં આવેલી હોટલ-ગેસ્ટ હાઉસમાં ચેકીંગ ર્ક્યુ હતું અને હોટલ અને ગેસ્ટ હાઉસના સંચાલકોને નવરાત્રી દરમિયાન કોઇપણ શંકાસ્પદ વ્યક્તિ રોકાણ કરે તો પોલીસને જાણ કરવા તેમજ હોટેલ અને ગેસ્ટ હાઉસમાં આવતા વ્યક્તિઓનું રજીસ્ટ્રેશન કરી આ અંગે નજીકના પોલીસ સ્ટેશનમાં તેની કોપી આપવા સુચના આપવામાં આવી હતી.
નવરાત્રી દરમિયાન શાંતિ પૂર્ણ રીતે લોકો ગરબામાણી શકે તે માટે પોલીસે એક્શન પ્લાન બનાવ્યો છે. જેને લઇને આ ચેકીંગ હાથ ધરવામાં આવી હતી. હોટેલ-ગેસ્ટ હાઉસ અને ધર્મશાળામાં આવતા ગ્રાહકોની રજીસ્ટ્રારમાં ઇન્ટ્રી ફરજીયાત કરી પોલીસ દ્વારા તૈયાર કરવામાં આવેલ પથીક (પ્રોગ્રામ ફોર એનાલિસિસ ઓફ ટ્રાવેલર એન્ડ હોટલ ઇન્ફોર્મેટીક)માં તેની નોંધ કરવાવા માટે તમામ હોટલ-ગેસ્ટ હાઉસના સંચાલકોને સુચના આપવામાં આવી છે.
ક્રાઇમ
છેતરપિંડી અને મરવા મજબૂર કરવાના કેસમાં દંપતીને 7-7 વર્ષની જેલ અને બે લાખનો દંડ
શહેરના જામનગર રોડ પર આવેલા પરાપીપળીયા ગામ નજીક એકતા સોસાયટીમાં રહેતા પ્રોઢ મહાપાલિકા નું આવાસ અપાવી દેવાનું કહી રૂૂપિયા 1.80 લાખ કટકે કટકે લઇ ક્વાર્ટર અને પૈસા પાછા નહિ આપી છેતરપિંડી કરી ને મરવા મજબૂર કરવાના ગુનાનો કેસ ચાલી અદાલતે સુસાઇડ નોટ ના આધારે દંપતીને સાત સાત વર્ષની કેદ અને રૂૂપિયા બે લાખનો દંડ ફટકારતો હુકમ કર્યો છે.
વધુ વિગત મુજબ જામનગર રોડ પર આવેલા પર આપી પડ્યા ગામ સોસાયટીમાં રહેતા અનિલભાઈ મચ્છોયા નામના 45 વર્ષીય પ્રોઢએ ગત તારીખ 14 /7/ 2017 ના રોજ પોતાના ઘરે ગળાફાસો ખાય આપઘાત કરી લીધો હતો. આ બનાવમાં મૃતક અનિલભાઈના પત્ની ભારતીબેન મૃતકની સુસાઇડ નોટ ના આધારે હારૂૂનભાઇ અને તેમના પત્ની વહીદાબેન સામે ગાંધીગ્રામ પોલીસ મથકમાં ફરિયાદ નોંધાવતા પોલીસે આપઘાતની ફરજ પાડવાની કલમ હેઠળ બંને સામે ગુનો નોંધી ધરપકડ કરી હતી. પોલીસે કબજે કરેલી સ્યુસાઈડ નોટ મા પતિને થોડા દિવસ પહેલા મહાપાલિકાના આવાસ ફોર્મની ડિપોઝિટ પરત મેળવવાના ફોર્મ અરજી આપેલી જેમાં સ્યુસાઈડ નોટ મળી આવી હતી. જેમાં આત્મહત્યા પાછળ હારુન અને વહીદાબેન દ્વારા ક્વાર્ટર અપાવી દેવાનું કહી રૂૂપિયા 1.80 લાખની છેતરપિંડી કરી હતી રૂૂપિયાની ઉઘરાણી કરતા કોઈને કહેતો નહીં નહિતર તમારી પણ હાલત આવી થશે તેવી ધમકી આપતા પગલું ભરી લીધાનું કહેતા પોલીસે દંપત્તિ ની ધરપકડ કરી હતી.
પોલીસે આરોપીઓ સામે પુરતો પુરાવો આવતા ચાર્જશીટ ફાઈલ કરેલ અને કેસ સેશન્સ કોર્ટમાં ચાલવા ઉપર આવતા એડી. ડીસ્ટ્રીકટ એન્ડ સેશન્સ કોર્ટે આરોપીઓ વહીદાબેન હારૂૂનભાઈ રામોદીયા અને હારૂૂનભાઈ સતારભાઈ રામોદીયાને તકસીરવાન ઠરાવી 77 વર્ષનીસખત કેદની સજા અને રૂૂ. બે લાખનો દંડ ફટકાર્યો છે. સદરહુ કેસમાં સરકાર તરફે સરકારી વકીલ પરાગ એન. શાહ રોકાયેલ હતા.
ક્રાઇમ
આનંદનગરમાં આતંક મચાવનાર નામચીન શખ્સ વિરુદ્ધ અંતે ગુનો નોંધતી પોલીસ
શહેરના કોઠારીયા રોડ પર આવેલા આનંદરનગરના કવાર્ટરમાં થોડા દિવસો પહેલા આંતક મચાવનાર નામચીન ટીકીટ બંધુ અને તેમની ટોળકી દ્વારા પત્રકારને અને ત્યાંના રહીશોને ધમકાવવા મામલે અનેકવાર સ્થાનિક પોલીસને રજુઆત ર્ક્યા બાદ પણ ફરિયાદ નોંધવામાં ન આવતા પોલીસ કમિશનરને ગઇકાલે રજુઆત કરવામાં આવી હતી. જેને ધ્યાને લઇ અંતે ભક્તિનગર પોલીસે નામચીન શખ્સ વિરુદ્ધ ધમકી આપ્યાની ફરિયાદ નોંધાવવામાં આવતા પોલીસે આરોપીને સંકજામાં લેવા તજવીજ શરૂ કરવામાં આવી છે.
આનંદનગરના ક્વાર્ટરમાં રહેતા પત્રકાર અશોકભાઇ મુળુભા ગઢવીએ નામચીન શખ્સ કાનો ઉર્ફે ટીકીટ (રહે.આનંદનગર કોલોની એપાર્ટમેન્ટ નં.04)વિરુદ્ધ ધમકી આપ્યાની ફરિયાદ ભક્તિનગર પોલીસમાં નોંધાવી છે. આ મામલે પી.એસ.આઇ. પી.એસ.ગોહીલ સહિતના સ્ટાફે તપાસ શરૂ કરી છે. અશોકભાઇએ ફરિયાદમાં જણાવ્યું હતુ કે, તેઓ જ્યાં રહે છે ત્યાં સોસાયટીમાં 2000 મકાન આવેલા છે અને અંદાજિત 10000 લોકોની વસતી છે. ત્યાં અવાર નવાર માથાકુટ કરતો કાનો ઉર્ફે ટીકીટ પણ ત્યાં જ પોતાનું રહેઠાંણ ધરાવે છે. કાનો અવાર નવાર પોતાનું બુલેટ લઇ મોડી રાત્રે વિસ્તારમાં લઇ સાઇલેન્શરમાંથી મોટા અવાજ કરતો હોય જેથી મોડી રાત્રે લોકોને ખલેલ પહોંચતી હોય તેમજ લોકો તેમના વિરુદ્ધ ફરિયાદ કરતા ડરતા હતા.
ત્યાર બાદ ગઇ તા.30ના રોજ રાત્રીના અગ્યાર વાગ્યે અશોકભાઇ તેમજ તેમના પાડોશીઓ ત્યાં સોસાયટીમાં એપાર્ટમેન્ટ નીચે ખુરશી રાખીને બેઠા હતા. ત્યારે કાનો ઉર્ફે ટીકીટ આવ્યો અને અશોકભાઇના ખંભે હાથ રાખી કહ્યુ કે, આ મીટિંગ શું ભરીને બેઠા છો? મારા વિરુદ્ધ કોઇ ફરિયાદ કરશો તો, હું તમારું છરાથી ગળુ કાપી નાખીશ. તેમ કહીં ગાળો આપી જાનથી મારી નાખવાની ધમકી આપી અને ત્યાંથી જતો રહ્યો હતો.
આ મામલે ભક્તિનગર પોલીસે ફરિયાદ નોંધી આરોપીને સંકજામાં લેવા તજવીજ શરૂ કરવામાં આવી છે. અત્રે ઉલ્લેખનીય છે કે, કાનો ઉર્ફે ટીકીટ અગાઉ દારૂ, મારામારી, ખુની હુમલા સહિતના ડઝનેક ગુનામાં સંડોવાઇ ચૂક્યો છે. તેમજ પોતે બાબરીયા કોલોનીમાં પણ પોતાની ધાક જમાવી દેશી દારૂનો ધંધો કરતો હોવાનું ચર્ચાઇ રહ્યું છે.
ક્રાઇમ
કુવાડવા અને ગઢકા પાસે DCB-PCB ત્રાટકી: 2.30 લાખનો દારૂ પકડાયો
કુવાડવા ક્રિષ્ના વોટર પાર્ક પાસેથી ક્રાઇમ બ્રાન્ચે રાજસ્થાનીને 336 બોટલ સાથે ઝડપી લીધો, 8.68 લાખનો મુદ્દામાલ જપ્ત
ગઢકા પાસેથી દારૂ ભરેલી કાર સાથે પીસીબીએ બે શખ્સોને પક્ડયા, બોટાદના શખ્સનું નામ ખુલતા શોધખોળ
રાજકોટ શહેરમાં પીસીબીની સાથે હવે ક્રાઇમ બ્રાન્ચ પણ એક્ટીવ મોડમાં આવી ગઇ છે. રાજકોટ અમદાવાદ હાઇવે પર આવેલા ક્રિષ્ના વોટર પાર્ક પાસેથી ક્રાઇમ બ્રાંચે રાજસ્થાની શખ્સને 336ને દારૂની બોટલ, એક ક્રેટા કાર સહિત રૂા.8.68 લાખનો મુદ્દામાલ કબ્જે ર્ક્યો હતો. જ્યારે પીસીબીએ રાજકોટની ભાગોળે આવેલા ગઢકા ગામ પાસેથી વાહન ચેકીંગ દરમ્યાન એક કારને અટકાવી તલાશી લેતા 156 દારૂની બોટલ મળી આવી હતી. પીસીબીએ બે શખ્સોને ઝડપી રૂા.3.69 લાખનો મુદ્દામાલ કબ્જે ર્ક્યો હતો અને બંન્નેની પૂછપરછમાં બોટાદના શખ્સનું નામ ખુલતા તેમની શોધખોળ શરૂ કરાઇ છે.
મળતી વિગતો મુજબ, ક્રાઇમ બ્રાંચના પીઆઇ એમ.આર.ગોંડલીયાની રાહબરીમાં પીએસઆઇ એ.એસ.ગરચર, હેડ કોન્સ્ટેબલ અનિલભાઇ સોનારા, ધર્મરાજસિંહ રાણા, હરપાલસિંહ જાડેજા સહિતનો સ્ટાફ પોતાના ખાનગી વાહનમાં રાજકોટ-અમદાવાદ હાઇવે પર આવેલા ક્રિષ્ના વોટર પાર્ક પાસે પેટ્રોલીંગમાં હતા ત્યારે બાતમીના આધારે એક ક્રેટા કાર અટકાવી કારમાં બેઠેલા ચાલકની પૂછપરછ કરતા પોતે પોતાનું નામ નરેશ ઓમપ્રકાશ બ્રીશ્ર્નોઇ (રહે. ગામ-કબુલી તા.ધોરીમના જી-બાડમેર રાજસ્થાન) હોવાનું જણાવ્યું હતુ. તેમજ કારની તલાસી લેતા તેમાંથી ઇમ્પીરીયલ બ્લુ વ્હિસ્કી અને રોયલ સ્ટગ વ્હિસ્કીની 336 બોટલ રૂા.1.68 લાખની મળી આવી હતી. જેથી તેમની ધરપકડ કરી કાર સહિત રૂા.8.68 લાખનો મુદ્દામાલ કબ્જે ર્ક્યો હતો. આ દારૂનું જથ્થો કોણે મંગાવ્યો અને ક્યાંથી લઇ આવ્યો? તે અંગે આરોપીની પૂછપરછ કરવામાં આવી રહી છે.
જ્યારે પીસીબી શાખાના પીએસઆઇ એમ.જે.હુણ, પી.બી.ત્રાજીયા, એ.એસ.આઇ. મયુરભાઇ પટેલ, સંતોષભાઇ મોરી, કુલદિપસિંહ જાડેજા, યુવરાજસિંહ રાણા, વિજયભાઇ મેતા અને કરણભાઇ મારૂ સહિતના સ્ટાફે રાજકોટની ભાગોળે આવેલા ગઢકા ગામથી આર.કે.યુનિવર્સિટી જવાના રસ્તે એક શંકાસ્પદ કારને અટકાવી તેમાં બેઠેલા બે શખ્સોની પૂછપરછ કરતા બન્નેએ પોતાનું નામ કુલદીપ ભાભલુભાઇ ખાચર(રહે. નડાળા ગામ તા.સાયલા જી.સુરેન્દ્રનગર) અને નિમેશ ઉર્ફે અભુ પ્રવિણભાઇ મેસવાણીયા (રહે. અજમેર ગામ તા.વીંછીયા) હોવાનું જણાવ્યું હતુ. કારમાં તલાશી લેતા તેમાંથી 156 મેકડોવેલ્સ નં.1 ડીલક્ષ વ્હીસ્કીની બોટલ મળી આવી હતી.
રૂા.3.69 લાખનો મુદ્દામાલ કબ્જે ર્ક્યો હતો. તેમજ દારૂ બાબતે બન્નેની પૂછપરછ કરતા દારૂનો જથ્થો બોટાદના ગઢડા તાલુકાના વનાળી ગામના ક્રિપાલસિંહ જયદેવસિંહ ગોહિલનું નામ ખુલતા તેમની શોધખોળ કરવામાં આવી રહી છે. પોલીસે જણાવ્યું હતુ કે, નવરાત્રી આવતા જ બુટલેગરો એક્ટીવ થતા શહેરમાં પ્યાસીઓ સુધી દારૂ પહોંચાડે તે પહેલા ક્રાઇમ બ્રાંચ અને પીસીબી શાખા એક્ટીવ થઇ ગઇ છે.
-
ગુજરાત1 day ago
મોરબીમાં કારમાં આગ ભભૂકી: સિરામિક ઉદ્યોગપતિ ભડથું
-
ક્રાઇમ1 day ago
VIDEO: અમદાવાદમાં શિક્ષકે વિદ્યાર્થીના વાળ ખેંચી માથું દીવાલ પછાડ્યું, સેકન્ડોમાં 10 લાફા મારનાર શિક્ષક સસ્પેન્ડ
-
ગુજરાત10 hours ago
એઈમ્સમાં નવી રમત: મહિલા તબીબની માનસિક સંતાપની ફરિયાદમાં બિલાડીને જ દૂધના રખોપા
-
રાષ્ટ્રીય2 days ago
શેરબજારની ‘મંગળ’ શરૂઆત, સેન્સેક્સમાં 300 પોઈન્ટનો ઉછાળો તો નિફ્ટી 25,900ને પાર
-
રાષ્ટ્રીય1 day ago
‘મંદિર હોય કે મસ્જીદ, કોઈપણ ધાર્મિક સ્થળ અડચણ ન બની શકે..’ બુલડોઝરની કાર્યવાહી પર સુપ્રીમ કોર્ટેની ટીપ્પણી
-
ક્રાઇમ1 day ago
ફલેવરવાળો વિદેશી દારૂ બનાવવાનું કારખાનું પકડાયું
-
ગુજરાત1 day ago
રિંગ રોડ-2 ફોરલેન બનાવવા 80 કરોડના ખર્ચને મંજૂરી
-
ગુજરાત1 day ago
ગાંધી મ્યુઝિયમ ખાતે કાલે સ્વચ્છ ભારત દિવસ કાર્યક્રમ યોજાશે