રામ મંદિર પ્રસાદ ચોરી કેસની તપાસ કરી રહેલી સ્પેશિયલ ઇન્વેસ્ટિગેશન ટીમ (SIT) ના ત્રણ સભ્યો ગુરુવારે બપોરે ફરીથી અયોધ્યા પહોંચ્યા અને તપાસ ફરી શરૂૂ કરી. ટ્રસ્ટી ડો. અનિલ કુમાર મિશ્રાની એક કલાક પૂછપરછ કર્યા પછી, પ્રશાસક ગોપાલ રાવને સમન્સ પાઠવવામાં આવ્યા. દાનમાં આપેલા દાગીના અને જમીન ખરીદી અંગે માહિતી એકત્રિત કર્યા પછી, તેમના નિવેદનો ટ્રસ્ટના મહામંત્રી ચંપત રાયના નિવેદનો સાથે ક્રોસ-વેરિફાઇ કરવામાં આવ્યા.
જમીન ખરીદીમાં સામેલ કેટલાક દાતાઓ અને વ્યક્તિઓને શુક્રવારે સમન્સ પાઠવવામાં આવ્યા છે. દરમિયાન, પોલીસે આરોપી અવિનાશ શુક્લાને કોર્ટમાંથી કસ્ટડી રિમાન્ડ પર મોકલી દીધા છે; શુક્રવારે સઘન પૂછપરછ કરવાનું નક્કી કરવામાં આવ્યું છે. તેને પ્રતાપગઢ સ્થિત તેના પૈતૃક ગામ પણ લઈ જવામાં આવશે. પોલીસ ટીમે પરિસરની મુલાકાત લીધી, રોકડ ગણતરી માટે જવાબદાર એક ડઝન કર્મચારીઓની પૂછપરછ કરી, અને દાનપેટીઓ ખાલી કરવાની અને પૈસા ગણતરી કરવાની સમગ્ર પ્રક્રિયા સમજી.
રાજ્ય સરકારે સમયમર્યાદા લંબાવ્યા પછી, સ્પેશિયલ ઇન્વેસ્ટિગેશન ટીમ (SIT) ના ત્રણ સભ્યો 11 દિવસની રાહ જોયા બાદ ગુરુવારે બપોરે 2 વાગ્યે અયોધ્યા પહોંચ્યા. તેમણે પેસેન્જર ફેસિલિટેશન સેન્ટર સંકુલમાં બંધ દરવાજા પાછળ દોઢ કલાક સુધી અનિલ મિશ્રાની પૂછપરછ કરી.
આ દરમિયાન, વહીવટકર્તા, ગોપાલ રાવને રૂૂમની બહાર બેસાડવામાં આવ્યા હતા. બાદમાં, તેમને પણ બોલાવવામાં આવ્યા હતા, અને તેમની પાસેથી ઘરેણાં અને જમીનની ખરીદી અંગેની માહિતી માંગવામાં આવી હતી. લગભગ બે કલાક પછી, સંકુલની બાજુમાં આવેલા તીર્થ ક્ષેત્ર ભવનમાં રહેતા મહામંત્રી ચંપત રાયને બોલાવવામાં આવ્યા. તેમની પાસેથી પણ જમીન અને દાગીના અંગેની માહિતી માંગવામાં આવી હતી.
જમીન રજિસ્ટ્રી સંબંધિત વિવિધ દસ્તાવેજો પર મહામંત્રીના હસ્તાક્ષર દેખાય છે. તાજેતરમાં, અઅઙ સાંસદ સંજય સિંહે SIT ને કેટલાક દસ્તાવેજો સોંપ્યા હતા, જેમાં આરોપ લગાવવામાં આવ્યો હતો કે જમીન વાસ્તવિક કિંમત કરતા અનેક ગણી વધુ કિંમતે ખરીદવામાં આવી હતી. સૂત્રોએ સંકેત આપ્યો હતો કે SIT એ હવે તે વ્યક્તિઓને સમન્સ પાઠવ્યા છે જેમના નામ સંજયસિંહ દ્વારા રજૂ કરાયેલા દસ્તાવેજોમાં સાક્ષીઓ, ખરીદદારો અને વેચાણકર્તાઓ તરીકે દેખાય છે.
શ્રધ્ધાના પાયા પર બનેલું રામમંદિર હવે નૈતિક રીતે તૂટી પડ્યું: શંકરાચાર્ય
બરેલીના ફતેહગંજ પૂર્વમાં આયોજિત એક પત્રકાર પરિષદ દરમિયાન, શંકરાચાર્ય અવિમુક્તેશ્વરાનંદ સરસ્વતીએ રામ મંદિરમાં પ્રસાદની ચોરી અંગે અત્યંત ગંભીર અને ઘૃણાસ્પદ આરોપો લગાવ્યા. તેમણે ટિપ્પણી કરી કે શ્રદ્ધાના પાયા પર બનેલું રામ મંદિર હવે નૈતિક ધોરણે તુટી પડયું છે. મુખ્યમંત્રી યોગી આદિત્યનાથ પર નિશાન સાધતા, શંકરાચાર્યએ કહ્યું કે તેઓ સાચા સંત નથી.
‘હવે આ કલંક સાથે સેવા નહીં કરું’, ચંપત રાયે પાણી પહેલાં પાળ બાંધી
રામ મંદિરમાં થયેલી દાનચોરીના વિવાદની વચ્ચે શ્રી રામજન્મભૂમિ તીર્થ ક્ષેત્ર ટ્રસ્ટના ભૂતપૂર્વ મહાસચિવ ચંપત રાયનું એક મોટું અને ચોંકાવનારું નિવેદન સામે આવ્યું છે. સૂત્રોના જણાવ્યા અનુસાર તેમણે પોતાના અત્યંત નજીકના સહયોગીઓને સ્પષ્ટ શબ્દોમાં કહી દીધું છે કે તેઓ હવે આ બદનામી અને સામાજિક કલંકની સાથે પોતાની સેવાઓ કોઈ પણ કિંમતે આગળ ચાલુ રાખવા માગતા નથી. દાનચોરીનો આ આખો મામલો સામે આવ્યા બાદ ચંપત રાય હાલમાં સંપૂર્ણપણે એકાંતવાસમાં સમય વિતાવી રહ્યા છે. મળતી માહિતી મુજબ ચંપત રાયે પોતાના કેટલાક ખાસ સાથીઓ સાથેની અત્યંત ગોપનીય વાતચીત દરમ્યાન પોતાની ઊંડી પીડા અને આક્રોશ વ્યક્ત કર્યાં હતાં. તેમણે ભાવુક થઈને કહ્યું કે ’મેં જે લોકો પર સૌથી વધુ વિશ્વાસ મૂક્યો અને જેમને પોતાના ગણ્યા તેમણે જ મારી સાથે મોટો વિશ્વાસઘાત કર્યો છે. એનાથી હું અત્યારે ભારે છેતરાયાની લાગણી અનુભવી રહ્યો છું.’
