રવિવારે શરૂ થનાર મહિલા બિગ બૈશ લીગથી લાગુ પડી શકે
બિગ બેશ લીગમાં એક નવો નિયમ લાગુ થવા જઈ રહ્યો છે. જેના કારણે ચાહકોને મોટો ફાયદો મળી શકે છે. 9 નવેમ્બરથી શરુ થનારી મહિલા બિગ બૈશ લીગમાં આ નિયમ લાગુ કરવામાં આવી શકે છે. આ નિયમ લાગુ થતાં મોટી સંખ્યામાં ચાહકો ઉત્સાહની સાથે મેચ જોવા માટે આવી શકે છે. આ નિયમ માત્ર બેસબોલમાં લાગુ છે પરંતુ પહેલી વખત બિગ બૈશ લીગમાં લાગુ કરવામાં આવી રહ્યો છે. જે મુજબ જેમણે કેચ પકડ્યો બોલ તેનો થઈ જશે.
આ વખતે બિગ બૈશ લીગમાં બેસબોલનો પ્રતિષ્ઠિત ફેન કેચ નિયમ લાગુ થવા જઈ રહ્યો છે. 9 નવેમ્બરથી શરુ થનારી મહિલા બિગ બેશ લીગમાં તેની શરુઆત થઈ શકે છે. આ નિયમ મુજબ કેચ દરમિયાન જો કોઈ પણ બોલ ચાહકોની પાસે પહોંચી જાય છે અને ચાહકો કેચ લે છે. તો આ બોલ પોતાની પાસે રાખી શકશે.
આ નિયમ બેસબોલ સંસ્કૃતિને દર્શાવે છે. જ્યાં ચાહકો નિયમિત રુપે ફાઉલ બોલ પકડવા માટે મોજા પહેરે છે અને સ્ટેન્ડમાં બોલ પડે તેની ઉત્સાહથી રાહ જુએ છે. ક્રિકેટમાં આ પહેલી વાર આ નિયમ લાગુ કરવામાં આવ્યો છે. આ નિયમ વેસ્ટપેક દ્વારા સ્પોન્સર કરવામાં આવી રહ્યો છે, જે આ વર્ષની શરૂૂઆતમાં કોમનવેલ્થ બેંક સાથેના કરાર બાદ ક્રિકેટ ઓસ્ટ્રેલિયાના બેંક સ્પોન્સર બન્યા હતા.
