લંડનમાં બ્રિટિશ વડાપ્રધાન કીર સ્ટાર્મરના ઘરમાં આગ લાગી હતી. સોમવારના રોજ વહેલી સવારે તેમના નિવાસસ્થાને આગ લાગી હતી. ઘટનાની જાણ થયા બાદ ઘટનાસ્થળે પહોંચેલા ફાયર બ્રિગેડે આગ પર કાબૂ મેળવ્યો હતો. પોલીસે હવે સમગ્ર મામલાની તપાસ શરૂૂ કરી દીધી છે, જોકે આગ લાગવાના કારણ અંગે હજુ સુધી કોઈ સત્તાવાર માહિતી આપવામાં આવી નથી. આ ઘટનામાં કોઈ જાનહાનિ થઈ નથી.
જુલાઈમાં પદ સંભાળ્યા પછી, સ્ટાર્મર વડા પ્રધાનના સત્તાવાર ડાઉનિંગ સ્ટ્રીટ નિવાસસ્થાનમાં રહે છે અને બાજુમાં તેમના પરિવારનું ઘર ભાડે રાખે છે. પોલીસ દળે જણાવ્યું હતું કે આગની તપાસ કરવામાં આવી રહી છે અને પૂછપરછ ચાલુ રહે ત્યાં સુધી ઘેરાબંધી કરવામાં આવી છે. સોમવારે, પોલીસની એક ટીમ ઘરને ઘેરી લેતી જોવા મળી હતી.
મેટ્રોપોલિટન પોલીસે એક નિવેદન જારી કરીને જણાવ્યું હતું કે 12 મેના રોજ સવારે 1.35 વાગ્યે લંડન ફાયર બ્રિગેડે પોલીસને આગ વિશે જાણ કરી હતી. આ પછી અધિકારીઓ ઘટનાસ્થળે પહોંચ્યા, જેને અડધા કલાકમાં કાબુમાં લઈ લેવામાં આવ્યું. સાવચેતીના ભાગ રૂૂપે, હવે તેની તપાસ મેટ પોલીસના કાઉન્ટર ટેરરિઝમ કમાન્ડ દ્વારા કરવામાં આવશે.
