જામનગર ની સરકારી જી જી હોસ્પિટલ ની દવા બારી પાસે થી ત્રણેક મહિના પહેલાં એક આસામી નો મોબાઈલફોન ચોરાઈ ગયો હતો. તેની તપાસ માં પોલીસે એક શખ્સને ચોરાઉ મોબાઈલ સાથે પકડી પાડ્યો છે.
જામનગર શહેરમાં ત્રણેક મહિના પહેલા એક આસામીનો મોબાઈલ ચોરાઈ ગયા ની પોલીસ માં ફરિયાદ કરવા માં આવી હતી. તે ફોન ની વિગતો મેળવી ને પોલીસે તપાસ શરૂૂ કરી હતી . જેમાં આ નંબર ની કોલ રેકોર્ડ ની ડીટેલ પણ કઢાવાઈ હતી.
ત્યારપછી સર્વેલન્સ સ્ટાફ ને મળેલી બાતમીના આધારે આયુર્વેદિક યુનિ. પાસે થી બેડેશ્વરમાં રહેતા ઉદય રાજેશ મેણીયા નામના શખ્સને ઝડપી લેવાયો હતો. આ શખ્સની તલાશી લેવાતા તેની પાસેથી મોબાઈલ સાંપડ્યો હતો. તેની પૂછપરછ કરાતા તેણે આ મોબાઈલ ત્રણેક મહિના પહેલાં જી.જી. હોસ્પિટલમાં દવાબારી પાસેથી તફડાવ્યો હોવાની કબૂલાત કરી છે.