સુદાનમાં મોટી દૂર્ઘટના બની છે. સુદાનનું લશ્કરી વિમાન ઓમદુરમન શહેરમાં ક્રેશ થયું. આ દુ:ખદ અકસ્માતમાં ઓછામાં ઓછા 46 લોકોના મોત થયા છે. આ માહિતી લશ્કરી અને આરોગ્ય અધિકારીઓએ બુધવારે (26 ફેબ્રુઆરી) આપી હતી. અહેવાલ મુજબ, સેના દ્વારા જારી કરાયેલા એક નિવેદનમાં કહેવામાં આવ્યું છે કે આ અકસ્માતમાં લશ્કરી કર્મચારીઓ અને નાગરિકોના મોત થયા છે.
સુદાનના આરોગ્ય મંત્રાલયે જણાવ્યું હતું કે મૃત્યુઆંક ઓછામાં ઓછો 46 હતો, અને તેમના મૃતદેહોને ઓમદુરમનની નાઉ હોસ્પિટલમાં મોકલવામાં આવ્યા હતા. આ સાથે પાંચ નાગરિકો પણ ઘાયલ થયા છે, જેમની સારવાર ચાલી રહી છે.
https://x.com/warintel4u/status/1894527532109893734
સુદાનનું ગૃહયુદ્ધ: વધતી જતી દુર્ઘટના
સુદાન 2023થી ગૃહ યુદ્ધની પકડમાં છે. અહીં સેના અને કુખ્યાત અર્ધલશ્કરી જૂથ રેપિડ સપોર્ટ ફોર્સિસ (RSF) વચ્ચેનો તણાવ યુદ્ધમાં ફેરવાઈ ગયો. આ સંઘર્ષ શહેરી વિસ્તારોમાં, ખાસ કરીને ડાર્ફુર પ્રદેશમાં વિનાશકારી છે, અને વંશીય હિંસા અને સામૂહિક બળાત્કાર જેવી ભયાનક ઘટનાઓને જન્મ આપી રહ્યો છે. સંયુક્ત રાષ્ટ્ર અને આંતરરાષ્ટ્રીય અધિકાર સંગઠનોએ આ ઘટનાઓને માનવતા વિરુદ્ધના અપરાધો અને યુદ્ધ અપરાધો ગણાવી છે.
તાજેતરના મહિનાઓમાં સેનાએ ખાર્તુમ અને અન્ય વિસ્તારોમાં આરએસએફ સામેની કાર્યવાહી વધુ તીવ્ર બનાવી છે. વાસ્તવમાં RSF પશ્ચિમી ડાર્ફુરના મોટા ભાગનું નિયંત્રણ કરે છે. તેણે દાવો કર્યો હતો કે તેણે સોમવારે (23 ફેબ્રુઆરી) દક્ષિણ ડાર્ફુર પ્રાંતની રાજધાની ન્યાલામાં સુદાનના લશ્કરી વિમાનને તોડી પાડ્યું હતું. આવી ઘટનાઓ સુદાનના સંકટને વધુ જટિલ બનાવી રહી છે અને નાગરિક સુરક્ષા અને શાંતિ માટે ગંભીર ખતરો છે.
