દિલ્હી પોલીસે સામાજિક કાર્યકર્તા મેધા પાટકરની ધરપકડ કરી છે. મેધા પાટકરની દિલ્હીના નિઝામુદ્દીનથી ધરપકડ કરવામાં આવી છે. કોર્ટે મેધા વિરુદ્ધ બિન-જામીનપાત્ર વોરંટ (ગઇઠ) જારી કર્યું હતું. તેને આજે સાકેત કોર્ટમાં રજૂ કરવામાં આવશે. સાકેત કોર્ટે બુધવારે મેધા પાટકર વિરુદ્ધ બિનજામીનપાત્ર વોરંટ જારી કર્યું હતું. તેમના પર માનહાનિના કેસમાં પ્રોબેશન બોન્ડ રજૂ કરવા અને 1 લાખ રૂૂપિયાનો દંડ ભરવાના આદેશનું જાણી જોઈને ઉલ્લંઘન કરવાનો આરોપ હતો.
મળતી માહિતી મુજબ, દિલ્હીના લેફ્ટનન્ટ ગવર્નર વી.કે. સક્સેનાના માનહાનિ કેસમાં મેધા પાટકરની મુશ્કેલીઓ વધી ગઈ છે. કોર્ટે અગાઉ તેમને ત્રણ મહિનાની કેદની સજા ફટકારી હતી, પરંતુ તેમની ઉંમર અને સ્વાસ્થ્યને ધ્યાનમાં રાખીને, તેમને જેલમાંથી રાહત આપવામાં આવી હતી અને પ્રોબેશન પર મુક્ત કરવામાં આવ્યા હતા. શરત એ હતી કે તેણે વળતર તરીકે 10 લાખ રૂૂપિયા ચૂકવવા પડશે અને કોર્ટના આદેશોનું પાલન કરવું પડશે. પરંતુ મેધા પાટકરે ન તો વળતર જમા કરાવ્યું કે ન તો કોર્ટમાં હાજર થયા.
કોર્ટે તેમને 23 એપ્રિલે હાજર રહેવા કહ્યું હતું, પરંતુ તેઓ હાઈકોર્ટના આદેશનો હવાલો આપીને આવ્યા ન હતા. આ પછી, કોર્ટે કડક વલણ અપનાવ્યું અને તેમની સામે બિનજામીનપાત્ર વોરંટ જારી કર્યું અને તેમને 3 મે સુધીમાં કોર્ટમાં હાજર થવાનો આદેશ આપ્યો.
