PMJAY યોજનામાં 1500 ઓપરેશન કર્યા છતાં ઓડિટ રિપોર્ટમાં ખોટ દર્શાવી

અમદાવાદ શહેરની બહુચર્ચિત અને કુખ્યાત બનેલી ખ્યાતિ હોસ્પિટલમાં થયેલાં બે લોકોના મૃત્યુ બાદ સત્તાવાર રીતે શરૂૂ કરાયેલી તપાસના અંતે હવે આ કેસમાં એન્ફોર્સમેન્ટ ડિરેક્ટોરેટ (ઇડી) પણ દાખલ થયું છે. આ હોસ્પિટલના કૌભાંડમાં સંડોવાયેલા કેટલાંક આરોપીઓએ મની લોન્ડરિંગ કર્યું હોવાની આશંકાએ ઇડીએ તેઓ વિરુદ્ધ એન્ફોર્સમેન્ટ કેસ ઇન્ફર્મેશન રિપોર્ટ(ઇસીઆઇઆર) એટલે કે ફરિયાદ નોંધી છે.

ક્રાઇમ બ્રાન્ચના ટોચના સૂત્રોએ નવગુજરાત સમયને જણાવ્યું હતું કે ઇડીના અધિકારીઓએ ગુરુવારે રાત્રે તપાસ શરૂૂ કરી હતી અને ફરિયાદ નોંધી હતી. અમે ખ્યાતિ હોસ્પિટલના વર્ષ 2012 થી 2024 સુધીના તમામ એકાઉન્ટના ઓડિટ રિપોર્ટની નકલ ઇડીના અધિકારીઓને પૂરી પાડી છે. ઇડી આ કેસમાં મની લોન્ડરિંગના મુદ્દાને ધ્યાનમાં રાખીને તપાસ કરી રહી છે એમ ક્રાઇમ બ્રાન્ચના અધિકારીએ કહ્યું હતું.

ઉલ્લેખનીય છે કે આ કૌભાંડી હોસ્પિટલે છેલ્લા ત્રણ વર્ષમાં 3800 જેટલા ઓપરેશન હાથ ધર્યા હતા અને સંખ્યાબંધ દર્દીઓની મેડિકલ સારવાર કરી હતી. ગત વર્ષે આ હોસ્પિટલે પીએમજય યોજના અંતર્ગત 1500 લોકોના ઓપરેશન કર્યા હતા તેમ છતાં આશ્ચર્ય તો એ વાતનું છે કે હોસ્પિટલે ગત વર્ષના ઓડિટ રિપોર્ટમાં હોસ્પિટલને નુકસાન થયું હોવાનું દર્શાવ્યું હતું.

તપાસ કરનારા અધિકારીઓના કહેવા મુજબ આ ઘટના બાદ ઇન્કમટેક્ષ વિભાગની અમદાવાદની કચેરીના અધિકારીઓને પણ જાણ કરી દેવામાં આવી છે અને તેઓ પણ આગામી એક-બે દિવસમાં તેઓની સ્વતંત્ર તપાસ શરૂૂ કરી શકે છે. બીજી બાજુ ક્રાઇમ બ્રાન્ચે પણ આ હોસ્પિટલના ડોક્ટરો દ્વારા કરાયેલા ઓપરેશન દરમ્યાન અન્ય ચાર લોકોના થયેલા મોતના કેસમાં તપાસ શરૂૂ કરી દીધી છે. આ અંગે વસ્ત્રાપુર પોલીસ સ્ટેશને અકસ્માતે મોત થયા હોવાની ફરિયાદ નોંધાઇ હતી.

દિવાળીની રજાઓ બાદ સૌરાષ્ટ્ર યુનિવર્સિટી દ્વારા પરિક્ષાઓનો રાઉન્ડ શરૂ કરવામા આવ્યો છે. જેમાં હાલ બીજા તબકકાની પરિક્ષાનું આયોજન કરવામાં આવ્યુ છે. તા.17 ડિસેમ્બરને મંગળવારથી સ્નાતક કક્ષાના સેમેસ્ટર-3ના 54,916 વિદ્યાર્થીઓની પરિક્ષાનો પ્રારંભ થશે જેમાં સૌથી વધારે બીએમાં 20881 અને બી.કોમમાં 17424 પરિક્ષાઓ નોંધાયા છે.

સૌરાષ્ટ્ર યુનિવર્સિટીના પરીક્ષા વિભાગના OSD નિલેશ સોનીએ જણાવ્યું હતુ કે, સૌરાષ્ટ્ર યુનિવર્સિટીમાં સ્નાતકમાં અભ્યાસ કરતા 54,916 વિદ્યાર્થીઓની પરીક્ષા આગામી તારીખ 17 ડિસેમ્બરથી શરૂૂ થશે. જેમાં અમૂક કોર્સની માત્ર 2 દિવસ તો અમૂકની 7 દિવસ પરીક્ષા ચાલશે.પરીક્ષાનો સમય સવારે 10:30થી 1:30 તો બપોરનો 2:30થી 4:30 સુધીનો હશે. 157 પરીક્ષા કેન્દ્રો ઉપરથી આ પરીક્ષા લેવામાં આવશે જેમાં અંદાજે 75 જેટલા ઓબ્ઝર્વર મોનિટરિંગ કરશે.
પરીક્ષામાં ગેરરીતીના કિસ્સાઓ વધી ગયા હતા. દરમિયાન સીસીટીવીના આધારે પ્રાઇવેસી ભંગ થતી હોવાનુ કારણ આપી અગાઉ CCTVબંધ પણ કરવામાં આવ્યા હતા, પરંતુ બાદમાં વિવાદ થતા ફરી વેબસાઈટ ઉપર પરીક્ષાના સીસીટીવી મૂકવાનું શરૂૂ કરાયું.

જોકે હાલના કાર્યકારી કુલપતિ ડો. કમલ ડોડિયાએ ચાર્જ સંભાળ્યા બાદ લેવામાં આવેલી પ્રથમ પરીક્ષામાં પરીક્ષાના સીસીટીવી વેબસાઈટ ઉપર મૂકવામાં આવ્યા ન હતા અને હવે 17 ડિસેમ્બરથી શરૂૂ થઈ રહેલી પરીક્ષામાં પણ વેબસાઈટ ઉપર સીસીટીવી મૂકવામાં નહીં આવે અને તેના માટે નવા સર્વરનું બહાનું આગળ હાથ ધરવામાં આવ્યું છે. એટલે કે, આ રીતે કોઈપણ વિવાદ ન થાય તો હવે આગામી તમામ પરીક્ષાઓના CCTVવેબસાઈટ ઉપર મૂકવામાં ન આવે તેવું પણ બને.

હૃદય રોગ, કેન્સર અને બાળકોને ICU સારવાર આપતી હોસ્પિટલ માટે મેનપાવર, લાઇસન્સ, સર્ટીફિકેશન અને ક્લિનિકલ પ્રોસીઝર માટે વિસ્તૃત માર્ગદર્શિકા જાહેર

હોસ્પિટલોની લાલિયાવડીથી સરકારી તીજોરીને મોટું નુકસાન અટકાવવા માટે ફુલપ્રુફ માળખું તૈયાર, ખ્યાતિકાંડ બાદ સરકાર એકશનમાં

ગુજરાતભરમાં ચકચાર મચાવનાર ખ્યાતિ હોસ્પિટલ કાંડ બાદ સરકાર હવે એલર્ટ બની છે. સરકારે તાત્કાલિક અસરથી PMJAY અંતગર્ત થતા ઓપરેશન માટે SOPબહાર પાડી છે. હાલ મુખ્યત્વે ત્રણ વિભાગ કે જેમાં સૌથી વધુ ઓપરેશન થતા હોય તેમાં ડીટેઇલ ગાઇડલાઇન અપાઇ છે.

આ અંગે મળતી વિગતો પ્રમાણે આરોગ્યમંત્રી ઋષિકેશ પટેલની અધ્યક્ષતામાં ગાંધીનગર ખાતે ગઇ કાલે સાંજે તા. 11 ડિસેમ્બરના રોજ PMJAY-મા યોજનાની સમીક્ષા બેઠક યોજવામાં આવી હતી. આ બેઠકમાં આરોગ્ય વિભાગના અગ્ર સચિવ ધનંજય દ્વિવેદી, કમિશ્નર હર્ષદ પટેલ, નેશનલ હેલ્થ મિશનના મેનેજીંગ ડાયરેક્ટર રેમ્યા મોહન સહિત રાજ્યની વિવિધ સરકારી તેમજ ખાનગી હોસ્પિટલના નિષ્ણાંત તબીબો ઉપસ્થિત રહ્યાં હતા.

PMJAY-મા યોજના અંતર્ગત એમ્પેન્લ્ડ હોસ્પિટલ્સ માટે કાર્ડિયોલોજી, ઓન્કોલોજી(કેન્સર) અને નિઓનેટલ(બાળરોગ) સારવારની પ્રોસીઝર માટે રાજ્ય આરોગ્ય વિભાગ દ્વારા બનાવવામાં આવેલ નવીન SOPસંદર્ભે સર્વગ્રાહી સમીક્ષા હાથ ધરવામાં આવી હતી. જેમાં ક્લિનિકલ એસ્ટાબ્લિસમેન્ટ એક્ટ હેઠળ પી.એમ.જે.એ.વાય. સંલ્ગન હોસ્પિટલએ ફરજીયાત રજીસ્ટ્રેશન કરાવવાનું છે.
વધુમાં જિલ્લા સ્તરે અને રાજ્ય સ્તરે સ્ટેટ એન્ટી ફ્રોડ યુનિટની અલાયદી ટીમો તૈયાર કરવામાં આવશે. જે એમ્પેન્લ્ડ હોસ્પિટલની ફરિયાદ આધારિત, શંકાસ્પદ કામગીરી સંદર્ભે આકસ્મિક મુલાકાત લઇની જરૂૂરી કાર્યવાહી હાથ ધરશે.

કાર્ડિયો પ્રોસીઝર
તાત્કાલિક અસરથી કાર્ડિયો પ્રોસિઝરની જાહેર કરાયેલ માર્ગદર્શિકામાં કાર્ડિયોલોજી અને કાર્ડિયોવાસક્યુલર સર્જરીની પ્રોસીઝર માટે હોસ્પિટલએ ફરજીયાત પણે સાથે જ બંને સ્પેશયાલિટી લેવાની તથા બંને સ્પેશ્યાલિસ્ટ ફરજીયાત પણે ફુલ ટાઇમ રાખવાની જોગવાઇ કરાઇ છે. કાર્ડિયોની પ્રોસિઝર કરતી હોસ્પિટ્લસએ એન્જીયોગ્રાફી કે એન્જીયોપ્લાસ્ટી પ્રોસિઝરની CDદર્દીઓને અને SHA/IC/ISA ને જમા કરાવવાની રહેશે.

વધુમાં આ CDપોર્ટલ પર પણ અપલોડ થાય તે માટેની પણ વ્યવસ્થા હાથ ધરવા મંત્રીએ સૂચન કર્યું હતુ. યોજના સાથે સંલગ્ન હોસ્પિટ્લસ ઉપરની માર્ગદર્શિકા મુજબ બંને સ્પેશ્યાલિટી સાથે સંલગ્ન ના થઇ શકે તેવા સંજોગોમાં લાભાર્થીઓની ઇમરજન્સી સારવાર માટે પ્રાથમિક એન્જીયોપ્લાસ્ટી પ્રોસિઝર કરવા માટેની જ માન્યતા આપવામાં આવશે. આ ઉપરાંત મેનપાવર, સાધનસામગ્રી અને જરૂૂરી લાયસન્સ તેમજ સર્ટીફિકેશન, ક્લિનિકલ પ્રોસીઝર જેવી બાબતો પણ આ નવીન માર્ગદર્શિકામાં સામેલ કરવામાં આવી છે.

ઓન્કોલોજી (કેન્સર)
તદ્ઉપરાંત ઓન્કોલોજીની રેડિયોથેરાપી સારવાર માટે પણ નિયત કરેલી મશીન અને સારવાર પધ્ધતિ હોય તેવા જ સેન્ટરને આ યોજના અંતર્ગત એમ્પેન્લ્ડ રાખવા માટેની દિશામાં પ્રયત્નો હાથ ધરાયા છે.

IGRT (ઇમેજ ગાઇડેડ રેડિએશન થેરાપી) માટે CBCT(કોન બીમ કોમ્પ્યુટેડ ટોમોગ્રાફી સિસ્ટમ) કરવા માટેની ઇમેજ KV(કિલો વોટ) મા જ લેવાનું ફરજીયાત કરવામાં આવ્યું છે. વધુમાં આ થેરાપી ક્યા કયા ટ્યુમરમાં કરી શકાશે તેની પણ વિગતવાર ગાઇડલાઇન બનાવવામાં આવી રહી છે. કેન્સરની કેટલીક ટ્રિટમેન્ટ માટે ટ્યુમર બોર્ડનું સર્ટિફિકેટ પણ ફરજીયાત કરવામાં આવશે. જેના માટે જઇંઅ દ્વારા ઓનલાઇન પોર્ટલ વિકસાવવામાં આવશે. વધુમાં કેન્સરની ટ્રિટમેન્ટ માટેના કેટલાક પેકેજમાં પણ સુધારા કરવામાં આવશે.

નિયોનેટલ કેર
નિનોનેટલ કેર અને ખાસ કરીને બાળકોને આઇ.સી.યુ.માં આપવામાં આવતી સારવાર માટેની પણ નવીન માર્ગદર્શિકા તૈયાર કરવામાં આવી છે. જેમાં NICU/SNCU જેવી સારવાર માટે ફરજીયાત પણે સી.સી.ટી.વી. ઇન્સટોલેશન સહિતના વિવિધ મુદ્દાઓ આવરી લઇને ગેરરીતીને કોઇપણ અવકાશ ન રહે તેનું ધ્યાન રાખવામાં આવ્યું છે.