સતત વરસી રહેલા ભારે વરસાદ વચ્ચે વાંકાનેર શહેરમાં સર્જાયેલી વિકટ પરિસ્થિતિમાં પોલીસ માત્ર કાયદો-વ્યવસ્થા જાળવનાર તંત્ર તરીકે નહીં, પરંતુ માનવજીવનની સુરક્ષાને સર્વોચ્ચ પ્રાથમિકતા આપતી સંવેદનશીલ સંસ્થા તરીકે સામે આવી છે.
પ્રોબેશનર પીઆઈ પી.આર. સોલંકી, યશપાલસિંહ તથા તેમની ટીમે શહેરના વિવિધ વિસ્તારોમાં સતત પેટ્રોલિંગ કરી જોખમવાળા વિસ્તારોનું નિરીક્ષણ કર્યું હતું. જકાતનાકા વિસ્તારમાં વરસાદી પાણી ભરાઈ જતા વાહનચાલકો મુશ્કેલીમાં ન મુકાય અને અકસ્માતો ન સર્જાય તે માટે તાત્કાલિક ટ્રાફિક ડાયવર્ટ કરવાની કાર્યવાહી હાથ ધરવામાં આવી હતી. જેના કારણે ટ્રાફિક વ્યવસ્થા જળવાઈ રહી અને મોટી દુર્ઘટના ટળી હતી.તે જ સમયે કેરાલા નદીમાં પાણીનું સ્તર ઝડપથી વધતા નદી ઉપરથી પસાર થતા માર્ગ પર અવરજવર સંપૂર્ણપણે બંધ કરાવી દેવામાં આવી હતી. વરસાદી સંજોગોમાં લોકો જોખમ ન લે તે માટે પોલીસ દ્વારા સતત સમજાવટ અને સ્થળ પર દેખરેખ રાખવામાં આવી હતી.
અલંગ હાઉસ પાછળના નીચાણ વાળા વિસ્તારમાં કેટલાક ગરીબ પરિવારો પાણીમાં ફસાઈ જવાની સ્થિતિ સર્જાતાં પોલીસ ટીમે તાત્કાલિક ટીડીઓ સહિતના સંબંધિત તંત્રને જાણ કરી અને અસરગ્રસ્ત લોકોને સુરક્ષિત સ્થળે ખસેડવાની કામગીરી હાથ ધરી હતી. આ કામગીરીમાં પોલીસની સમયસૂચકતા વાંકાનેર પોલીસની આ કામગીરી એ સ્પષ્ટ સંદેશ આપે છે કે “પોલીસ માત્ર કાયદાની રક્ષક નથી, પરંતુ મુશ્કેલીની ઘડીએ લોકોની સૌથી નજીક ઊભી રહેનારી સાચી જનસેવક પણ છે.
