T-20 વર્લ્ડ કપમાં શ્રીલંકા-આયર્લેન્ડ મેચની ઘટના
T20 વર્લ્ડ કપ 2026 માં શ્રીલંકા અને આયર્લેન્ડ મેચ દરમિયાન એક અનોખી ઘટના બની, જ્યાં આયર્લેન્ડના ફાસ્ટ બોલર બેરી મેકકાર્થીએ એક ઓવરમાં 11 બોલ ફેંક્યા. આ મેચ કોલંબોના આર પ્રેમદાસા સ્ટેડિયમમાં રમાઈ હતી. આ મેચમાં શ્રીલંકાએ 20 ઓવરમાં 6 વિકેટે 163 રન બનાવ્યા હતા. એક સમયે શ્રીલંકાની ટીમ આ સ્કોરથી ઘણી દૂર હતી. પરંતુ બેરી મેકકાર્થીની એક ઓવરે આખી વાર્તા બદલી નાખી અને શ્રીલંકાએ આ ઓવરનો પૂરો ફાયદો ઉઠાવ્યો. શ્રીલંકાની ઈનિંગ દરમિયાન મેકકાર્થીએ 19 મી ઓવર નાખી, જે મોંઘી સાબિત થઈ. ઓવરમાં ઘણી વધારાની ડિલિવરીનો સમાવેશ થયો, જેના કારણે કુલ સ્કોર 11 બોલ પર પહોંચ્યો.
ઓવરની શરૂૂઆત નો-બોલથી થઈ, જેમાં કમિન્ડુ મેન્ડિસે ફોર ફટકારી. ત્યારબાદ બેરી મેકકાર્થીએ સતત બે વાઈડ બોલ ફેંક્યા. ત્યારબાદ મેન્ડિસે ફ્રી-હિટ પર સિક્સર ફટકારી, જે ઓવરનો પહેલો કાયદેસર બોલ હતો. મેન્ડિસ ઓવરના બીજા બોલ પર પણ બે રન બનાવવામાં સફળ રહ્યા. ત્યારબાદ બેરી મેકકાર્થીએ બીજો વાઈડ બોલ ફેંક્યો અને ત્રીજા લીગલ બોલ પર 2 રન બન્યા.
ત્યારબાદ બેરી મેકકાર્થીએ વાપસી કરી અને 2 બોલમાં 2 વિકેટ લીધી. પરંતુ પછીનો બોલ ફરીથી વાઈડ થઈ ગયો. અંતે, તેણે ડોટ બોલથી ઓવર પૂરી કરી. આ ઓવરમાંથી કુલ 19 રન બન્યા, 2 વિકેટ પડી અને 4 વાઈડ + 1 નો-બોલને કારણે ઓવર એટલી ખેંચાઈ ગઈ. આ પહેલા, T20 વર્લ્ડ કપમાં 4 બોલરોએ 11-11 બોલની ઓવર ફેંકી છે.
