શ્રધ્ધા કપૂર, વરૂણ ધવન, અરિજિતસિંહ ઇડન ગાર્ડનમાં રંગ જમાવશે, પ્રથમ મેચ કોલકાતા-બેંગ્લોર વચ્ચે
ઇન્ડિયન પ્રીમિયર લીગની 18મી સીઝન 22 માર્ચથી શરૂૂ થઈ રહી છે. IPL 2025 ની શરૂૂઆત કોલકાતાના ઇડન ગાર્ડન્સ ખાતે કોલકાતા નાઈટ રાઇડર્સ (KKR) અને રોયલ ચેલેન્જર્સ બેંગ્લોર (RCB) વચ્ચે રોમાંચક ઓપનિંગ મેચ સાથે થશે. પ્રથમ મેચ પહેલા એક ઓપનિંગ સેરેમની થશે. અહીં સિતારાઓનો મેળાવડો જોવા મળશે. ઈડન ગાર્ડનમાં ઘણા સ્ટાર્સ પરફોર્મ કરતા જોવા મળશે.
ઓપનિંગ સેરેમનીમાં બોલિવૂડ સ્ટાર્સ શ્રદ્ધા કપૂર અને વરુણ ધવન પોતાના પાવર પેક્ડ પરફોર્મન્સથી દર્શકોને મંત્રમુગ્ધ કરતા જોવા મળશે. પોતાની ફિલ્મ સ્ત્રી 2 ની સફળતા પછી, શ્રદ્ધા આ સિઝનની શરૂૂઆત તેના ABCD 2 ના સહ-અભિનેતા વરુણ સાથે ધમાકેદાર રીતે કરશે. અરિજિત સિંહ પણ ઉદ્ઘાટન સમારોહમાં ગ્લેમર ઉમેરશે. લીગની પહેલી મેચ પહેલા જ દર્શકોનું ભરપૂર મનોરંજન કરવામાં આવશે.
18 મી સીઝન 22 માર્ચે કોલકાતા નાઈટ રાઇડર્સ અને રોયલ ચેલેન્જર્સ બેંગ્લોર વચ્ચેની મેચથી શરૂૂ થશે. IPL 2025 ની ફાઇનલ મેચ 25 મે ના રોજ રમાશે. લીગની 18મી સીઝન એક ભવ્ય કાર્યક્રમ સાથે સમાપ્ત થશે.
ઇન્ડિયન પ્રીમિયર લીગની 18મી સીઝનના લાઇવ સ્ટ્રીમિંગ અધિકારો જિયો સિનેમા પાસે છે. આવી સ્થિતિમાં, IPL ની સાથે, તમે ઉંશજ્ઞ સિનેમા પર ઉદ્ઘાટન સમારોહનું સ્ટ્રીમિંગ પણ જોઈ શકો છો. હિન્દી અને અંગ્રેજી ઉપરાંત, તે ઘણી અન્ય ભાષાઓમાં પણ ઉપલબ્ધ થશે. પ્રસારણ અધિકારો સ્ટાર સ્પોર્ટ્સ નેટવર્ક પાસે છે. ઇન્ડિયન પ્રીમિયર લીગ 2025 દરમિયાન 10 ટીમો વચ્ચે 74 મુકાબલા થશે. લીગની 18મી સીઝન દરમિયાન 12 ડબલ હેડેડ મેચ રમાશે. દિવસની મેચો બપોરે 3:30 વાગ્યે શરૂૂ થશે અને ટોસ બપોરે 3 વાગ્યે થશે. સાંજની મેચો સાંજે 7:30 વાગ્યે શરૂૂ થશે અને ટોસ અડધો કલાક વહેલો સાંજે 7 વાગ્યે થશે. લીગની બધી મેચો 13 સ્થળોએ રમાશે. ફાઇનલ મેચ 25 મેના રોજ કોલકાતાના ઇડન ગાર્ડન્સ ખાતે રમાશે.
