પોસ્ટની એડિટ હિસ્ટ્રીએ પાક વડાનો ભાંડો ફોડ્યો
અમેરિકા અને ઈરાન વચ્ચેના તણાવ વચ્ચે પોતાને ‘ચૌધરી’ બતાવવાનો પ્રયાસ કરી રહેલા પાકિસ્તાનના વડાપ્રધાન શાહબાઝ શરીફની મૂર્ખામીનો ભાંડો ફરી એકવાર ફૂટી ગયો છે. શાહબાઝ શરીફની એક ઓનલાઈન પોસ્ટ સામે આવી છે, જેનાથી ઈરાન સંકટમાં પાકિસ્તાનની ભૂમિકા પર સવાલો ઉઠી રહ્યા છે. આ શાહબાઝની ડ પરની એક પોસ્ટ પછી થયું, જેને તાત્કાલિક એડિટ કરવામાં આવી હતી. પરંતુ આ એડિટે લોકોનું ધ્યાન ઝડપથી ખેંચ્યું અને હવે તેને લઈને પાકિસ્તાનના વડાપ્રધાનની મજાક ઉડી રહી છે. શરીફે મંગળવારે ટ્રમ્પના યુદ્ધવિરામની જાહેરાત પહેલા ડ પર એક પોસ્ટ કરી હતી. પાકિસ્તાનના વડાપ્રધાને તેમાં ટ્રમ્પને ઈરાન પરના તેમના હુમલાની સમયમર્યાદા વધારવા અને રાજદ્વારી વાટાઘાટોને તક આપવા અપીલ કરી હતી. શરીફે લખ્યું, રાજદ્વારીને પોતાનો માર્ગ નક્કી કરવા દેવા માટે, હું રાષ્ટ્રપતિ ટ્રમ્પને સમયમર્યાદા બે અઠવાડિયા માટે વધારવા નમ્ર વિનંતી કરું છું. આ જ પોસ્ટમાં તેમણે ઈરાનને હોર્મુઝને ફરીથી ખોલવા વિનંતી પણ કરી હતી.
પરંતુ ટૂંક સમયમાં જ યુઝર્સનું ધ્યાન પાકિસ્તાની વડા પ્રધાનની પોસ્ટની એડિટ હિસ્ટ્રી પર ગયું, જેના પરથી જાણવા મળ્યું કે તેમની આ પોસ્ટ કોઈ બીજાએ તૈયાર કરી હતી. આ પોસ્ટમાં અમેરિકાની મહત્વની હસ્તીઓને ટેગ કરવામાં આવી હતી, જેમાં રાષ્ટ્રપતિ ટ્રમ્પ, ઉપરાષ્ટ્રપતિ જેડી વેન્સ, મિડલ ઈસ્ટના વિશેષ અમેરિકી દૂત સ્ટીવ વિટકોફ અને વિદેશ મંત્રી માર્કો રુબિયોનો સમાવેશ થતો હતો. રસપ્રદ વાત એ છે કે, શાહબાઝ શરીફની પોસ્ટના અગાઉના વર્ઝનનો જે સ્ક્રીનશોટ શેર કરવામાં આવી રહ્યો છે, તેના પર લખેલું છે- ’ડ્રાફ્ટ- પાકિસ્તાનના પીએમનો એક્સ પર મેસેજ’. મેસેજની એડિટ હિસ્ટ્રી પછી એવો અંદાજ લગાવવામાં આવી રહ્યો છે કે શું આ મેસેજ અગાઉથી લખીને મોકલવામાં આવ્યો હતો.
લોકોએ સવાલ ઉઠાવ્યો છે કે શું પાકિસ્તાનનો રાજદ્વારી સંદેશ બહારથી મોકલવામાં આવી રહ્યો છે. કેટલાક યુઝર્સે કહ્યું છે કે પોસ્ટ પહેલા “Draft : Pakistan’s PM message on X’’ જોઈને એવું લાગે છે કે પાકિસ્તાનના ઙખની ટીમ તરફથી નહીં, પરંતુ બહારથી આવેલો ડ્રાફ્ટેડ મેસેજ છે. કારણ કે કોઈ દેશના ઙખની ટીમ ડ્રાફ્ટ મેસેજમાં પોતાના દેશનું નામ નહીં લખે. તે સીધું ’ડ્રાફ્ટ: ઙખ મેસેજ’ લખી શકે છે. ઘણા યુઝર્સ સવાલ ઉઠાવી રહ્યા છે કે શું આ મેસેજ ટ્રમ્પની ટીમ તરફથી મોકલવામાં આવ્યો હતો. ડ પર એક પોસ્ટમાં દાવો કરવામાં આવ્યો હતો કે એવું લાગે છે કે શરીફ વ્હાઇટ હાઉસના નિર્દેશો હટાવવાનું ભૂલી ગયા હતા. એક અન્ય યુઝરે તો તેનાથી પણ આગળ વધીને આરોપ લગાવ્યો કે ડોનાલ્ડ ટ્રમ્પ પાકિસ્તાનને કંટ્રોલ કરી રહ્યા છે. જોકે, સોશિયલ મીડિયા પર ચાલી રહેલા આ દાવાઓની હજુ સુધી પુષ્ટિ થઈ નથી.
શરીફની ટીમે એક મિનિટની અંદર જ પોતાની આ ભૂલ પકડી લીધી અને મધરાતે 12.47 વાગ્યે તેને એડિટ કરીને સીધો મેસેજ જ પોસ્ટ કરી દીધો. આ રીતે એક મિનિટની અંદર ડ્રાફ્ટ મેસેજને હટાવીને સીધો પોસ્ટ કર્યા પછી સોશિયલ મીડિયા પર ઘણા સવાલો ઉઠવા લાગ્યા છે. દાવા સાથે-સાથે આ સવાલ પણ કરવામાં આવી રહ્યો છે કે શું આ મેસેજ ટ્રમ્પની ટીમ તરફથી મોકલવામાં આવ્યો હતો?શરીફે પોતાની પોસ્ટમાં લખ્યું, મિડલ ઈસ્ટમાં ચાલી રહેલા યુદ્ધના શાંતિપૂર્ણ સમાધાન માટે રાજદ્વારી પ્રયાસો સતત, મજબૂતીથી અને જોરશોરથી આગળ વધી રહ્યા છે, જેનાથી જલ્દી જ નક્કર પરિણામો મળવાની પૂરી સંભાવના છે.
રાજદ્વારીઓને પોતાનું કામ પૂરું કરવાનો મોકો આપવા માટે, હું રાષ્ટ્રપતિ ટ્રમ્પને પૂરી નમ્રતા સાથે વિનંતી કરું છું કે તેઓ પોતાની ડેડલાઇનને 2 અઠવાડિયા માટે લંબાવી દે.પોસ્ટમાં તેમણે આગળ કહ્યું, સાથે જ પાકિસ્તાન પૂરી ઇમાનદારી સાથે પોતાના ઇરાની ભાઈઓથી પણ આ અનુરોધ કરે છે કે તેઓ સદ્ભાવનાના ભાગરૂૂપે, આ જ 2 અઠવાડિયાના સમયગાળા માટે ‘સ્ટ્રેટ ઓફ હોર્મુઝ’ને ખોલી દે. અમે યુદ્ધમાં સામેલ તમામ પક્ષોથી પણ અનુરોધ કરીએ છીએ કે તેઓ આ ક્ષેત્રમાં લાંબા સમય સુધી શાંતિ અને સ્થિરતા જાળવી રાખવાના હિતમાં, કૂટનીતિને યુદ્ધનો નિર્ણાયક અંત લાવવાની તક આપવા માટે, દરેક જગ્યાએ 2 અઠવાડિયા સુધી યુદ્ધવિરામનું પાલન કરે.યુદ્ધવિરામને લઈને કોણે નેતૃત્વ કર્યું તે અંગે અલગ-અલગ દાવા કરવામાં આવી રહ્યા છે.
સમાચાર એજન્સી એપી સાથે સંકળાયેલા સૂત્રો દ્વારા કહેવામાં આવી રહ્યું છે કે ચીની અધિકારીઓએ યુદ્ધવિરામમાં મહત્વપૂર્ણ યોગદાન આપ્યું છે. ચીની અધિકારીઓએ ઈરાનને અમેરિકા સાથેના યુદ્ધમાં યુદ્ધવિરામની દિશામાં કોઈ રસ્તો શોધવા માટે પ્રોત્સાહિત કર્યા. જ્યારે અમેરિકી મીડિયા પણ આ મામલે વહેંચાયેલું દેખાઈ રહ્યું છે. ન્યૂયોર્ક ટાઈમ્સ યુદ્ધવિરામમાં ચીનની ભૂમિકા જણાવી રહ્યું છે, જ્યારે સીએનએનનું કહેવું છે કે આ મામલે પાકિસ્તાનની મહત્વની ભૂમિકા રહી છે. જે કોઇ હવે સ્વીકારવા તૈયાર નથી.
