બાળકીને કાળ ભેટયો, પિતાને ગંભીર ઇજા
નેશનલ હાઈવે પર કેરાળા ગામ નજીક યુવાન 11 વર્ષની દીકરીને બાઈકમાં આગળ બેસાડી જતો હતો ત્યારે ટ્રેક્ટર ટ્રોલીમાં બહાર નીકળેલ લોખંડ ઇન્ગલો સાથે અથડાતા યુવાનને ઈજા પહોંચી હતી અને 11 વર્ષની બાળકીનું મોત થયું હતું પોલીસે ટ્રેક્ટર ચાલક વિરુદ્ધ ફરિયાદ નોંધી તપાસ ચલાવી છે.
રાજકોટ આજીડેમ ચોકડી પાસે રહેતા મનુભાઈ આંબાભાઈ ચાવડા (ઉ.વ.33) વાળાએ ટ્રેક્ટર જીજે 03 ઈએ 153 ના ચાલક વિરુદ્ધ ફરિયાદ નોંધાવી છે કે ફરિયાદી તેની દીકરી દર્શિતા (ઉ.વ.11) વાળીને બાઈકમાં આગળ બેસાડી નેશનલ હાઈવે પરથી જતો હતો કેરાળા ગામના પાટિયા પાસે આગળ જતા ટ્રેક્ટરની ટ્રોલીમાં લોખંડ ઇન્ગલો બહાર કાઢી પુરઝડપે જતો હતો.
અચાનક વણાંક લેતા ટ્રોલી બહાર નીકળેલ ઇન્ગલો સાથે અથડાતા મનુભાઈને ઈજા પહોંચી હતી અને દીકરી દર્શિતાને માથાના ભાગે ઈજા પહોંચતા મોત થયું હતું ટ્રેક્ટર મૂકી ટ્રેક્ટર ચાલક નાસી ગયો હતો વાંકાનેર સીટી પોલીસે ફરિયાદ નોંધી તપાસ ચલાવી છે.
