શેખ હસીનાના રાજીનામા બાબતે નિવેદન બાદ વિરોધ શરૂ થયો

બાંગ્લાદેશમાં ફરી એકવાર હિંસક વિરોધ શરૂૂ થયો છે. હવે બાંગ્લાદેશના રાષ્ટ્રપતિ મોહમ્મદ શહાબુદ્દીનને હટાવવા માટે વિરોધ થઈ રહ્યો છે. મંગળવારે રાત્રે લગભગ 8.30 વાગ્યે ઢાકામાં રાષ્ટ્રપતિના નિવાસસ્થાન બંગભવનની સામે વિરોધ પ્રદર્શન થયું હતું.

મામલો શાંત કરવા સેનાના જવાનોએ પ્રદર્શનકારીઓ સાથે વાત કરવાનો પ્રયત્ન કર્યો પરંતુ પોલીસનું કહેવું છે કે પ્રદર્શનકારીઓએ પોલીસ પર પથ્થરમારો કરતા અંતે તેમને રોકવા માટે પોલીસે લાઠીચાર્જ કરવો પડ્યો હતો. જેમાં 5 પ્રદર્શનકારીઓ ઘાયલ થયા હતા અને તેમને સારવાર માટે ઢાકા મેડિકલ કોલેજ હોસ્પિટલમાં દાખલ કરવામાં આવ્યા હતા. વિરોધ માટે એકઠા થયેલા ટોળાને હિંસક બનતા જોઈને પોલીસે ટીયર ગેસના સેલ પણ છોડ્યા હતા.

તાજેતરમાં બાંગ્લાદેશના રાષ્ટ્રપતિ મોહમ્મદ શહાબુદ્દીને એક નિવેદન આપ્યું હતું કે, પમારી પાસે એવો કોઈ દસ્તાવેજ નથી જે સાબિત કરી શકે કે શેખ હસીનાએ 5 ઓગસ્ટે બાંગ્લાદેશ છોડતા પહેલા વડાપ્રધાન પદ પરથી રાજીનામું આપી દીધું હતું.થ રાષ્ટ્રપતિના આ નિવેદન બાદ હવે બાંગ્લાદેશમાં એવી ચર્ચા શરૂૂ થઈ ગઈ છે કે શું બંધારણીય રીતે શેખ હસીના હજુ પણ બાંગ્લાદેશના પીએમ છે. લોકો આ નિવેદનનો વિરોધ કરી રહ્યા છે અને રાષ્ટ્રપતિના રાજીનામાની માંગ કરી રહ્યા છે.

અમેરિકામાં એક નવા પ્રકારનો વાયરસ ફેલાયો છે. આ વાયરસનું નામ E. Coli વાયરસ છે જે મેકડોનાલ્ડના ક્વાર્ટર પાઉન્ડર હેમબર્ગરના સેવનથી અમેરિકાના 10 રાજ્યોમાં ફેલાયો છે. યુએસ સેન્ટર ફોર ડિસીઝ કંટ્રોલ એન્ડ પ્રિવેન્શન દ્વારા મંગળવારે આ માહિતી આપવામાં આવી હતી. એવું જાણવા મળ્યું છે કે તેના મોટાભાગના કેસ કોલોરાડો અને નેબ્રાસ્કામાં નોંધાયા છે.

યુએસ સેન્ટર ફોર ડિસીઝ કંટ્રોલ એન્ડ પ્રિવેન્શન (CDC) અનુસાર, આ વાયરસને કારણે અત્યાર સુધીમાં એક વ્યક્તિનું મોત થયું છે. ડઝનેક પણ હોસ્પિટલમાં દાખલ છે. માહિતી આપતા સીડીસીએ કહ્યું કે આ વાતની પુષ્ટિ થઈ નથી કે મેકડોનાલ્ડ્સ ક્વાર્ટર પાઉન્ડર હેમબર્ગર બનાવવામાં ઉપયોગમાં લેવાતી સામગ્રી આ વાયરસના ફેલાવા માટે જવાબદાર છે. પરંતુ તપાસકર્તાઓ તેમાં ઉપયોગમાં લેવાતા ડુંગળી અને બીફની તપાસ કરી રહ્યા છે.

ચાલો તમને જણાવીએ કે E. coli ના O157:H7 સ્ટ્રેન ગંભીર રોગનું કારણ બની શકે છે. 1993 માં, જેક ઇન ધ બોક્સ રેસ્ટોરન્ટમાં અન્ડરકુક્ડ હેમબર્ગર ખાધા પછી આ જ વાયરસને કારણે ચાર બાળકો મૃત્યુ પામ્યા હતા. તે જ સમયે, વિશ્વની સૌથી મોટી ફૂડ ચેઇન મેકડોનાલ્ડ્સના શેરમાં 6 ટકાનો ઘટાડો નોંધવામાં આવ્યો છે.

મેકડોનાલ્ડ્સના ઉત્તર અમેરિકાના મુખ્ય સપ્લાય ચેઇન ઓફિસર સેઝર પીનાએ એક નિવેદનમાં જણાવ્યું હતું કે પ્રારંભિક તપાસ અનુસાર, બિમારીનું કારણ ક્વાર્ટર પાઉન્ડર હેમબર્ગરમાં વપરાતી ડુંગળી સાથે જોડાયેલું હોઈ શકે છે. જે એક જ સપ્લાયર મારફત ત્રણ વિતરણ કેન્દ્રો પર મોકલવામાં આવી હતી.

તમને જણાવી દઈએ કે E. Coli વાયરસના કારણે એક મૃત્યુ અને ડઝનેક લોકો બીમાર પડ્યા પછી, મેકડોનાલ્ડ્સે એક નિવેદનમાં કહ્યું છે કે તે કોલોરાડો, કેન્સાસ, ઉટાહ અને વ્યોમિંગ સહિતના પ્રભાવિત વિસ્તારોમાંથી ક્વાર્ટર પાઉન્ડરને દૂર કરી રહ્યું છે.

કોલોરાડોના પબ્લિક હેલ્થ ડિપાર્ટમેન્ટના જણાવ્યા અનુસાર, ઇ. કોલી વાયરસના લક્ષણો વિશે વાત કરીએ તો, તેમાં અતિશય પેટમાં દુખાવો, ઝાડા અને ઉલ્ટી જેવા લક્ષણોનો સમાવેશ થાય છે. તે જ સમયે, તેનાથી પ્રભાવિત વ્યક્તિ ત્રણથી ચાર દિવસમાં બીમાર થવા લાગે છે.

25 દેશના 35 જેટલા સ્પર્ધકો વચ્ચે નીરૂબેન બોડાએ મલેશિયન માસ્ટર્સ એથ્લેટિક્સની ચક્ર ફેંક સ્પર્ધામાં સિલ્વર મેડલ મેળવ્યો

બાળકોને રમતમાં રસ લેતા કરો, રમત જીવનના અનેક મૂલ્યો શીખવશે: નીરૂબેન બોડા

શિક્ષણ વ્યક્તિના જીવનમાં કેવો બદલાવ લાવી શકે અને રમતગમત જીવનમાં કેવા મૂલ્યો શીખવી શકે તેની વાત આજે ઉડાનમાં કરવી છે. એક જાગૃત શિક્ષક પોતાના વિદ્યાર્થીઓમાં સંસ્કારનું સિંચન કઈ રીતે કરી શકે અને એક શિક્ષણ પ્રેમી પિતા પોતાના સંતાનના જીવન બાગને કઈ રીતે મહેંકાવી શકે એ વાત કરવી છે. એક પતિ પોતાની પત્નીને જીવનના દરેક ડગલે સાથ આપી કઈ રીતે સફળતાના મુકામ સુધી પહોંચાડી શકે તેમ જ એક દીકરી અને પુત્રવધૂ બંને કુળને કઈ રીતે તારી શકે તેની વાત આજે ઉડાનમાં કરવી છે. મોરબીના શિક્ષિકા નીરૂબેન બોડા મલેશિયન માસ્ટર્સ એથ્લેટિક્સની ચક્ર ફેંક સ્પર્ધામાં સિલ્વર મેડલ જીતી લાવ્યા તેની સફળતાની વાત આજે ઉડાનમાં કરવી છે.

નીરૂબેનનો જન્મ ટંકારા તાલુકાના લખધીરગઢ ગામમાં થયો. એકથી સાત ધોરણ ગામમાં જ ભણ્યા ત્યાર બાદ ટંકારા ખાતે શાળા અને કોલેજનો અભ્યાસ કર્યો. પિતાજીને એવી ઈચ્છા હતી કે દીકરી શિક્ષિકા બને આ માટે તેઓએ નીરૂબેનને સર્ટિફિકેટ કોર્સ ઇન ફિઝિકલ એજ્યુકેશનનો બે વર્ષનો કોર્સ કરવા માટે જૂનાગઢ મોકલ્યા.ત્યાં સુભાષ એકેડેમીમાં ઊંચી ફી ભરીને પણ સીપીએડ પૂર્ણ કર્યું.2007ની સાલમાં મોરબીના જીકીયાળી ગામમાં શિક્ષક તરીકે જોડાયા અને હાલ મોરબીમાં મેઘાણી વાડી સ્કૂલમાં શિક્ષક છે. નીરૂબેન પોતાના શિક્ષક બનવાનું શ્રેય પોતાના પિતાજીને આપે છે કારણ કે પિતાજી પણ ઓલ્ડ એસએસસી પાસ હતા અને સામાન્ય પરિસ્થિતિ હોવા છતાં ત્રણ બહેન અને એક ભાઈ બધાને ઉચ્ચ અભ્યાસ કરાવ્યો. 2009માં લગ્ન થયા ત્યાર બાદ બે બાળકો પ્રેય અને પ્રયુશનો જન્મ થયો. સાસરા પક્ષમાં પણ બધા જ લોકો શિક્ષિત છે.તેમના સસરા પણ પ્રિન્સિપાલ રહી ચૂક્યા હતા જેથી તેઓએ પણ પુત્રવધૂને કારકિર્દીમાં આગળ વધવા સહયોગ આપ્યો.

નીરૂબેને જૂનાગઢમાં સીપીએડ કર્યું ત્યારથી જ રમતગમત પ્રત્યે રસ જાગ્યો હતો. ખેલ મહાકુંભમાં તેઓએ અનેક વખત ભાગ લીધો છે અને જિલ્લા તથા રાષ્ટ્રીય કક્ષા સુધી પહોંચ્યા છે પરંતુ આંતરરાષ્ટ્રીય ક્ષેત્રે તેઓએ પ્રથમ વખત ભાગ લઈ મેડલ જીત્યો છે. એથ્લેટિક્સમાં દોડ, કૂદ અને ફેંક એમ ત્રણ વિભાગ હોય છે જેમાં તેઓ ફેંક વિભાગમાં આગળ વધ્યા છે. ફેંકમાં પણ ચક્ર ફેંક,ગોળા ફેંક અને બરછી ફેંક હોય છે તેમાં નીરૂબેનના રસનો વિષય છે ચક્ર ફેંક. તેઓએ મલેશિયામાં જે સ્પર્ધામાં ભાગ લીધો તેમાં જુદા-જુદા દેશોમાંથી 23 જેટલા સ્પર્ધકો હતા અને તેમની પોતાની રમતમાં 35 જેટલા સ્પર્ધકો હતા આ બધા જ સ્પર્ધકોને હરાવીને તેઓ સિલ્વર મેડલ સુધી પહોંચ્યા છે. ઉંમર પ્રમાણેની અલગ-અલગ કેટેગરીમાં 40 વર્ષની એઈજ ગ્રૂપમાં તેઓએ મેડલ મેળવ્યો છે. બાળકોમાં પણ રમતગમત વિકસે તે માટે તેઓ સતત પ્રયત્નશીલ રહે છે.તેઓ નિયમિત રીતે પ્રેક્ટિસ કરે છે અને જેમાં તેમના પતિ હીરેનભાઈ રૈયાણીનો ખૂબ જ સાથ છે. હીરેનભાઈ પણ શાળામાં શિક્ષક તરીકેની ફરજ બજાવે છે આમ છતાં શાળાએથી આવીને નીરૂબેનને પ્રેક્ટિસમાં સાથ આપે છે.

પોતાની સફળતા વિશે તેઓએ જણાવ્યું કે, ‘મારી હાઈટ પાંચ ફીટ સાત ઇંચ છે જેનો ફાયદો મને રમતમાં મળે છે જ્યારે ઇવેન્ટ નજીક હોય ત્યારે સવાર અને સાંજ એમ સતત પ્રેક્ટિસ કરવી પડે છે. ખેલ મહાકુંભમાં અનેક વખત જીત્યા છે પરંતુ આંતરરાષ્ટ્રીય રમતનો એક અલગ અનુભવ મળ્યો. મારી આ સફળતામાં શાળાના સ્ટાફ, આચાર્ય, ટ્રસ્ટી સહિત બધાનો ખૂબ જ સપોર્ટ મળ્યો છે આ ઉપરાંત સાસુ નિર્મળાબેન રૈયાણી,સસરા ખીમજીભાઈ રૈયાણી, માતા મુક્તાબેન બોડા અને પિતાજી ગોકળભાઈ બોડાના આશીર્વાદ અને સહયોગ મળ્યો છે. આ બધા ઉપરાંત ડગલે ને પગલે પતિનો સાથ મળે છે તેના કારણે જ અહી સુધી પહોંચી છું. પરિવારના સાથ વગર બધું જ અધૂરું છે’. નીરૂબેન એ ક્ષણને ક્યારેય નહીં ભૂલે જ્યારે તેમને સિલ્વર મેડલ મળે છે અને અન્યના ફોનમાંથી ઘરે સમાચાર આપે છે ત્યારે સસરા, પતિ,પિતા દરેક આનંદથી ઉછળી પડે છે અને નીરૂબેનની આંખોમાંથી અશ્રુની ધારા વહે છે.

મલેશિયાનો પોતાનો અનુભવ જણાવતા તેઓએ કહ્યું કે, ‘મલેશિયામાં સ્ટેડિયમમાં હજારો વિદ્યાર્થીઓ આવ્યા હતા પરંતુ કોઈના પણ હાથમાં મોબાઈલ નહોતો. અહીં શાળાના વિદ્યાર્થીઓ પણ મોબાઈલના વ્યસની થઈ ગયા છે તે ખૂબ દુ:ખની વાત છે. બીજું અહી યુવાપેઢી ફેશન અને મોબાઇલમાં વ્યસ્ત છે ત્યારે ત્યાં મલેશિયામાં કોઈને પણ પોતાના કપડાં વિશે કે દેખાવ વિશે મહત્ત્વ જોવા મળ્યું નહોતું. તેઓ પોતાની મસ્તીમાં અને કામમાં જ વ્યસ્ત હતા. અમુક વસ્તુ આપણે વિદેશમાંથી શીખવા જેવી છે તે આ છે’. હવે પછીની સ્પર્ધા 31 જાન્યુઆરી 2025માં ત્રિવેન્દ્રમમાં યોજાશે અને ત્યારબાદ ઇન્ટરનેશનલ કોમ્પિટિશન તાઈવાનમાં છે બંને સ્પર્ધામાં વિજેતા થવા માટે નીરૂબેનને ખૂબ ખૂબ શુભેચ્છાઓ…

બાળકોને રમતમાં રસ લેતા કરો
પોતાના અનુભવ પરથી નીરૂૂબેને માતાઓને ખાસ સંદેશ આપ્યો હતો કે, ‘બાળકો કોઈ પણ રમતમાં રસ લે તેવું વાતાવરણ ઉભું કરો. રમતગમતમાં રસ લેવાથી બાળકોના અનેક ગુણોનો વિકાસ થાય છે તે વ્યક્તિને જીવંત રાખે છે. ડિસિપ્લિન શીખવે છે, હાર પચાવતા શીખવે છે. વ્યક્તિ ફિટ રહેવા માટે જાગૃત બને છે. અન્યને મદદરૂૂપ થવાના ગુણો વિકસે છે તેથી માતાઓને ખાસ વિનંતી કે બાળકોને રમત રમતા કરે’

WRITTEN BY: Bhavna Doshi