હિન્દુજા ગ્રુપના ચેરમેન અને ભારતીય મૂળના અબજોપતિ ગોપીચંદ પી. હિન્દુજાનું 85 વર્ષની વયે નિધન થયુ છે. તેમણે લંડનની હોસ્પિટલમાં અંતિમ શ્વાસ લીધ હતાં. તેમના નિધનથી હિન્દુજા પરિવાર અને સમગ્ર બિઝનેસ વર્લ્ડમાં શોકની લાગણી છવાઈ છે. ગોપીચંદ હિન્દુજાને વ્યાપારી જગતમાં સૌ “GP” તરીકે ઓળખતા હતા. ન્યૂઝ એજન્સી પીટીઆઈએ પરિવારના સૂત્રોને ટાંકીને અહેવાલ આપ્યો છે કે ગોપીચંદ પી. હિન્દુજા ચાર ભાઈઓમાં સૌથી મોટા હતા અને લાંબા સમયથી બીમાર હતા.
વ્યાપાર જગતમાં “જીપી” તરીકે જાણીતા, તેમના પરિવારમાં તેમની પત્ની સુનિતા, પુત્રો સંજય અને ધીરજ અને પુત્રી રીટા છે. હિન્દુજા પરિવારના બીજી પેઢીના સભ્ય ગોપીચંદે મે 2023 માં તેમના મોટા ભાઈ શ્રીચંદના મૃત્યુ પછી ચેરમેન તરીકેનો કાર્યભાર સંભાળ્યો હતો.
ગોપીચંદ હિન્દુજા કોણ હતા?
યુકે સન્ડે ટાઈમ્સ રિચ લિસ્ટ અનુસાર, જી.પી. હિન્દુજા સતત સાત વર્ષ સુધી યુનાઇટેડ કિંગડમના સૌથી ધનિક વ્યક્તિ હતા. 1940 માં ભારતમાં જન્મેલા, તેમણે હિન્દુજા ઓટોમોટિવ લિમિટેડના ચેરમેન તરીકે પણ સેવા આપી હતી અને 2023 માં તેમના ભાઈ શ્રીચંદ હિન્દુજાના ડિમેન્શિયાથી મૃત્યુ પછી ગ્રુપના ચેરમેન તરીકેનો કાર્યભાર સંભાળ્યો હતો.
ગોપીચંદ હિન્દુજાએ ૧૯૫૯માં મુંબઈની જય હિંદ કોલેજમાંથી સ્નાતક થયા અને યુનિવર્સિટી ઓફ વેસ્ટમિન્સ્ટરમાંથી માનદ ડોક્ટર ઓફ લોની ડિગ્રી મેળવી. તેમને લંડનની રિચમંડ કોલેજમાંથી અર્થશાસ્ત્રમાં માનદ ડોક્ટરેટની પદવી પણ એનાયત કરવામાં આવી હતી.
હિન્દુજા પરિવારનો વ્યવસાય સૌપ્રથમ ૧૯૧૪માં જી.પી. હિન્દુજાના પિતા પરમાનંદ હિન્દુજા દ્વારા સ્થાપિત કરવામાં આવ્યો હતો, જે તેના સ્થાપક પણ હતા. ગોપીચંદ હિન્દુજા અને તેમના ભાઈ શ્રીચંદ હિન્દુજાએ વ્યવસાયનો વિકાસ કર્યો અને તેને આજે અબજો ડોલરના સમૂહમાં પરિવર્તિત કર્યો.
પિચંદ હિન્દુજાનો પરિવાર બ્રિટનમાં સૌથી ધનિક હોવાનું જાણવા મળ્યું હતું, જેની કુલ સંપત્તિ £૩૨.૩ બિલિયન હતી. હિન્દુજા ગ્રુપ ઓટોમોટિવ, બેંકિંગ અને ફાઇનાન્સ, આઇટી, આરોગ્યસંભાળ, રિયલ એસ્ટેટ, પાવર અને મીડિયા અને મનોરંજન સહિત ૧૧ ક્ષેત્રોમાં કાર્યરત છે. તેની કેટલીક જાણીતી બ્રાન્ડ્સમાં અશોક લેલેન્ડ, ઇન્ડસઇન્ડ બેંક અને નેક્સ્ટડિજિટલ લિમિટેડનો સમાવેશ થાય છે.
