નોર્થ ઈસ્ટ ફ્રન્ટિયર રેલ્વેના રંગીયા રેલ્વે ડિવિઝનમાં નલબાડી-બાઈહાટા સેક્શનમાં ડબલ લાઇનની કામગીરીના લીધે રાજકોટ ડિવિઝનમાંથી પસાર થતી બે ટ્રેનોને અસર થશે. આ ટ્રેનોની વિગતો નીચે મુજબ છે:-

આંશિક રીતે રદ કરાયેલી ટ્રેનોમાં 1) ટ્રેન નંબર 09525 હાપા-નાહરલગુન સ્પેશિયલ 23 ઓક્ટોબર, 2024ના રોજ હાપાથી ઉપડશે અને ન્યૂ બંગાઈ ગાંવ સ્ટેશન પર શોર્ટ ટર્મિનેટ થશે. આ રીતે, આ ટ્રેન ન્યુ બંગાઈ ગાંવ-નાહરલગુન વચ્ચે આંશિક રીતે રદ રહેશે.2) ટ્રેન નંબર 09526 નાહરલગુન-હાપા સ્પેશિયલ 26 ઓક્ટોબર, 2024 ના રોજ નાહરલગુનના બદલે ન્યુ બંગાઈ ગાંવ સ્ટેશનથી ઉપડશે. આ રીતે આ ટ્રેન નાહરલગુન-ન્યુ બંગાઈ ગાંવ વચ્ચે આંશિક રીતે રદ રહેશ. વધુ માહિતી માટે, મુસાફરો કૃપા કરીને વેબસાઇટ www.enquiry.indianrail.gov.inની મુલાકાત લઈ શકે છે.

રાજકોટમાં મોડી સાંજે હાજા ગગડાવી નાખે તેવા વીજળીના કડાકા-ભડાકા સાથે વરસાદ

મંગળવારની રાત્રીના શહેરમાં ભાદરવે અષાઢી માહોલ સર્જાયો હોય તેમ ઓછા વરસાદે વીજળીના કડકા-ભડાકાથી શહેરીજનોમાં ભયનું લખુલખુ પસાર થઈ ગયું હતું. દરમિયાન રાત્રીના શહેરના માયાણી ચોકમાં ત્રાંટકેલી વીજળીથી મકાનને નહીંવત નુક્શાન થતાં અને જાનહાની ટળતા સૌએ રાહતનો દમ ખેંચ્યો હતો.

ગઈકાલે ગાજવીજ સાથે શરૂ થયેલા વરસાદ દરમિયાન વીજળીના ચમકારા અને કડાકાથી શહેરીજનોને મનોમન ભયની અનુમતિ થઈ ગઈ હતી. એકદમ નજીક જ વીજળીના કડાકા દરમિયાન શહેરના માયાણી ચોક નજીક, સુરેન્દ્રનગર મેઈન રોડ, બજરંગ ચોક નજીકના બાબુભાઈ ધનજીભાઈ રાખશિયાના મકાન પર વીજળી ત્રાંટકતા રાખસિયા પરિવાર ઉપરાંત પડોશીના જીવ તાળવે ચોંટી ગયા હતાં.

પરંતુ વીજળી મકાનની છતમાં કાણુ પાડી સોંસરવી પસાર થઈ જતાં જાનહાની ટળ્યાની સૌએ રાહત અનુભવી હતી.પણ શહેરીજનોના હાજા ગગડાવી ગયેલી વીજળીના કડાકા ભડાકા વચ્ચે મનપાના ચોપડે માત્ર અડધો ઈંચ વરસાદ નોંધાયો હતો. આટલા વરસાદથી પણ ઘણી જગ્યાએ શેરી, રોડ પર પાણી ભરાઈ જતાં વાહન ચાલકો રાહદારીઓએ કફોડી હાલતનો સામનો કરવો પડ્યો હતો.

બીજી બાજુ કોડીનાર પંથકમાં બે જગ્યાએ વીજળી પડી હોવાના અહેવાલો મળ્યા હતાં. જેમાં મોટી ફાંફણી ગામના બાબુભાઈ વાજાના મકાન પર વીજળી પડતા ઘટના તમામ વીજળી ઉપકરણો બળી ગયા હતાં તેવીજ રીતે કડવાસણ ગામના ફાટક નજીક કડાકાભેર ત્રાંટકેલી અવકાશી વીજળીથી વીજતંત્રની વિજળી ગુલ થઈ જતાં ચારેબાજુ અંધારપટ છવાઈ ગયો હતો.ગત રાત્રીના વીજળી પડવાની રાજકોટ સહિતની ત્રણેય ઘટનામાં જાનહાની ટળતા લોકોએ રાહત અનુભવી હતી.

આજે સવારે ઇસ્યુ ખૂલતાં જ બોન્ડ લેવા પડાપડી, સોમવારે લીસ્ટિંગ થશે

રાજયની મહાનગર પાલિકાઓમાં બોન્ડ દ્વારા પૈસા મેળવવાની પહેલ કરનાર રાજકોટ મનપાને જબરો પ્રતીસાદ મળ્યો છે. આજે સવારે બોન્ડ માટે અડધી મીનીટમાં જ પાંચ ગણી રકમની બોલીઓ લાગી ગઇ હતી. આશ્ર્ચર્યજન રીતે રૂા.100 કરોડના બોન્ડ સામે અમુક સેક્ધડોમાં જ રૂા.495 કરોડની બીડ મળી ગઇ હતી. ઓછા વ્યાજદરે મનપાને 100 કરોડની રકમ આપવા માટે રોકાણકારોએ લાઇનો લગાવી હતી.

રાજકોટ મહાનગરપાલિકા દ્વારા તા. 16-10-2024 ના રોજ ઇસ્યુ કરેલ બોન્ડ ગણતરીના જ સેક્ધડમાં સોથી નીચા વ્યાજદરે 7.90%એ 05 ગણો ભરાઈ ગયો છે. તમામ રોકાણકારોએ રાજકોટ મહાનગરપાલિકાની નાણાકીય સ્થિરતા પર વિશ્વાસ રાખી ઇસ્યુ ભરેલ છે.

જે રાજકોટ મહાનગરપાલિકા તેમજ રાજકોટના શહેરીજનો માટે ખૂબ જ ગર્વની વાત કહેવાય. રાજકોટ મહાનગરપાલિકાએ ‘અમૃત’ મિશન-2.0 અંતર્ગત ઇસ્યુ કરેલા રૂૂ. 100 કરોડના બોન્ડને કુલ રૂૂ.495 કરોડની કિંમતની 14 બિડ મળેલ છે.

આ અંગે વધુ માહિતી આપતા રાજકોટ શહેરના મેયર નયનાબેન પેઢડીયા, ડેપ્યુટી મેયર નરેન્દ્રસિંહ જાડેજા, સ્ટેન્ડિંગ કમિટી ચેરમેન જયમીનભાઈ ઠાકર, મ્યુનિસિપલ કમિશનર ડી.પી. દેસાઇ, શાસક પક્ષ નેતા લીલુબેન જાદવ, શાસક પક્ષ દંડક મનીષભાઇ રાડીયા, નાયબ કમિશ્નર સી.કે. નંદણી, ચીફ એકાઉન્ટન્ટ એ.એલ. સવજિયાણીએ જણાવ્યું હતું કે, વર્ષ 2024ના અંદાજપત્રમાં કેન્દ્ર સરકારની અટલ મિશન ફોર રેજુવિનેશન એન્ડ અર્બન ટ્રાન્સફોર્મેશન યોજના અખછઞઝ-2.0 અંતર્ગત રાજકોટ મહાનગરપાલિકાએ રજૂ કરેલ રૂૂ.344.28 કરોડની કિંમતના પ્રોજેક્ટના 35% રાજકોટ મહાનગરપાલિકાના ફાળાની રકમ ભરપાઈ કરવાના ભાગરૂૂપે રૂૂ.100 કરોડના બોન્ડ બહાર પાડવા માટે જહેમત શરૂૂ કરી હતી.

આ અંગે આજ રોજ બોન્ડ ઇસ્યુ કરવાના કામ માટે આખરી ઓપ અપાયાની સાથે ઇસ્યુ ખૂલતાં જ રોકાણકારો જાણે રાહ જોતાં હોય તેમ ઇસ્યુ 05 ગણો ભરાઈ ગયો છે. 21મી ઓક્ટોબર 2024ના રોજ આ બોન્ડનું નેશનલ સ્ટોક એક્સચેન્જમાં લિસ્ટિંગ થનાર છે. રાજકોટ મહાનગરપાલિકા બોન્ડ થકી કેપિટલ રેઇઝ કરવામાં સફળ થઇ હોવાથી ભારત સરકાર તરફથી રૂૂ.13 કરોડ ઇન્સેન્ટીવ મેળવવાને પણ પાત્ર બની છે.

રાજકોટ મહાનગરપાલિકાને માત્ર 7.90% ટકા વ્યાજ ચુકવીને રાજકોટ કોર્પોરેશનને રૂૂપિયા મળી રહ્યા છે. જેમાં રૂૂ.13 કરોડના કેન્દ્ર સરકારશ્રીના ઇન્સેન્ટીવ બાદ કરતા માત્ર 4.63%ના વ્યાજદર ચુકવવું પડશે. જે ફિક્સ ડીપોઝીટ કરતા પણ ઓછા વ્યાજદરે રાજકોટ મહાનગરપાલિકાને બોન્ડની રકમ મળેલ છે. આ તમામ કામગીરીમાં મર્ચન્ટ બેન્કર/અરેંજર તરીકે અ ઊં ઈફાશફિંહ જયદિશભયત કમિં. દ્વારા સફળતાપૂર્વક કામગીરી કરવામાં આવેલ છે.

બોન્ડની રકમ ક્યાં વપરાશે?
ક્રમ પ્રોજેક્ટનું નામ પ્રોજેકટ કોસ્ટ ઇસ્યુમાથી ઉપયોગમાં પૂર્ણ થવાની
(રૂૂ કરોડમાં) લેવા પાત્ર રકમ તારીખ

1 RMC: પાણી પુરવઠા પ્રોજેક્ટ – મુંજકા વિસ્તારમાં નવા હેડવર્ક 22.11 6.00 10-09-2027
2 અમૃત 2.0 : પાણી પુરવઠા વોર્ડ નંબર -12 વિતરણ નેટવર્ક 44.54 11.00 03-09-2025
3 RMC: રૈયા વિસ્તારમાં ડ્રેનેજ શાખા જઝઙ 29.95 9.00 14-02-2026
4 અમૃત 2.0 : ગટર વ્યવસ્થા, વોર્ડ નં. 01 અને 03 ઘંટેશ્વર, 74.05 22.00 10-07-2025

રૈયાધાર, માધાપર અને મનહરપર-1
5 અમૃત 2.0 : પાણી પુરવઠા વોર્ડ નંબર – 11 વિતરણ નેટવર્ક (મોટા મવા) 71.75 19.00 06-09-2025
6 અમૃત 2.0 : પાણી પુરવઠા વોર્ડ નંબર -11 57.56 19.00 06-09-2025
7 RMC: પાણી પુરવઠો, ગુરુકુલ વિસ્તાર 32.53 11.00 01-06-2025
8 અમૃત 2.0 : પાણી પુરવઠા વોર્ડ નંબર -11 વિતરણ નેટવર્ક વોર્ડ 10 11.79 3.00 06-09-2025
કુલ 344.28 100.00