રાષ્ટ્રીય
વિરાટ કોહલીના પબ સામે નોંધાઈ FIR…મોડી રાત સુધી ચાલી રહ્યું હતું આ કામ ,જાણો શું છે સમગ્ર મામલો
કર્ણાટકની બેંગલુરુ પોલીસે મોટી કાર્યવાહી કરી છે. પોલીસે મોડી રાત સુધી પબ ખુલ્લા રાખવા બદલ કડક કાર્યવાહી કરી છે. તેમજ વિવધ પબના મેનેજમેન્ટ વિરૂદ્ધ એફઆઈઆર નોંધવામાં આવી છે. જેમાંથી એક પબ દિગ્ગજ ક્રિકેટર વિરાટ કોહલીનું છે.
મીડિયા સુત્રોના જણાવ્યા અનુસાર, બેંગલુરૂમાં એમજી રોડ સ્થિત one8 commune પબ છે. જેના માલિક વિરાટ કોહલી છે. બેંગલુરૂ પોલીસે જણાવ્યા અનુસાર, one8 commune પબ સહિત અન્ય પબ વિરૂદ્ધ પણ એફઆઈઆર નોંધવામાં આવી છે. તેમની ઉપર આરોપ છે કે, પબ ખુલ્લો રાખવાની સમય મર્યાદા બાદ પણ મોડી રાત સુધી પબ ખુલ્લા રાખવામાં આવ્યા હતા. તેનું સંચાલન કરવામાં આવતું હતું.
ડીસીપી સેન્ટ્રલએ જણાવ્યું હતું કે તેઓએ બેંગલુરુમાં 3-4 પબ સામે કેસ નોંધ્યો છે, જેની સામે તેમને ફરિયાદ મળી હતી કે તેઓ રાત્રે 1.30 વાગ્યા સુધી ખુલ્લા રહે છે. અમને ત્યાંથી મોટેથી મ્યુઝિક વગાડવાની ફરિયાદ મળી હતી. શહેરમાં પબનો સમય માત્ર રાત્રે 1 વાગ્યા સુધીનો જ છે. જેના પગલે અમે આ કાર્યવાહી હાથ ધરી છે. જેમાં એક પબની માલિકી દેશના સ્ટાર ક્રિકેટર વિરાટ કોહલીની છે.
વિરાટ કોહલી One8 Communeના નામથી દેશના ઘણા શહેરોમાં રેસ્ટોરન્ટ અને પબની ચેઈન ધરાવે છે. બેંગલુરુ અને મુંબઈ ઉપરાંત ગયા વર્ષે જ વિરાટે ગુરુગ્રામમાં પણ આ નામની રેસ્ટોરન્ટ ખોલી છે.
રાષ્ટ્રીય
4 વર્ષથી મોટા બાળકો માટે હેલ્મેટ ફરજિયાત
હરિયાણા, પંજાબ અને ચંદીગઢમાં હવે 4 વર્ષથી વધુ ઉંમરના તમામ બાઇક સવારોએ હેલ્મેટ પહેરવી પડશે. પંજાબ અને હરિયાણા હાઈકોર્ટના ચીફ જસ્ટિસ શીલ નાગુ અને જસ્ટિસ અનિલ ક્ષેત્રપાલની બેંચે 29 ઓક્ટોબર 2024ના રોજ આ મામલે આદેશ આપ્યો હતો. આ જ મામલે આજે ફરી સુનાવણી થઈ હતી. હાઈકોર્ટે કહ્યું કે હેલ્મેટ કેન્દ્ર સરકારના માપદંડોને અનુરૂૂપ હોવું જોઈએ જેથી તે માથાની સુરક્ષા કરી શકે.
ફક્ત તે શીખ પુરુષો અને સ્ત્રીઓ કે જેઓ પાઘડી પહેરે છે તેમને હેલ્મેટ પહેરવામાંથી મુક્તિ આપવામાં આવી છે. હાઈકોર્ટે હરિયાણા, પંજાબ અને ચંદીગઢ પોલીસ પાસેથી હેલ્મેટ વિના દ્વિચક્રી વાહન ચલાવતા પુરૂૂષ અને મહિલા સવારોના ચલણ વિશે પણ માહિતી માંગી છે. આગામી સુનાવણી 4 ડિસેમ્બરે થશે.
પંજાબ અને હરિયાણા હાઈકોર્ટે પોતાના આદેશમાં કહ્યું છે કે 4 વર્ષથી વધુ ઉંમરના દરેક વ્યક્તિએ હેલ્મેટ પહેરવું પડશે, પછી ભલે તે ટુ-વ્હીલર ચલાવતો હોય કે બેઠો બેઠો હોય. આ નિયમમાં બાળકોને પણ સામેલ કરવામાં આવ્યા છે. આ નિયમ તમામ પ્રકારની બાઇક પર લાગુ થશે. હાઈકોર્ટે સ્પષ્ટતા કરી હતી કે માત્ર માથા પર હેલ્મેટ પહેરવું પૂરતું નથી; હેલ્મેટને ધારાધોરણો મુજબ બનાવવા માટે કેન્દ્ર સરકાર દ્વારા નિર્ધારિત માપદંડોનું પાલન કરવું જરૂૂરી રહેશે.
સરકારે એ સુનિશ્ચિત કરવું જોઈએ કે હેલ્મેટનો ઉપયોગ માત્ર સુવિધાની બાબત નથી.
રાષ્ટ્રીય
નાગા વિદ્રોહી સંગઠનની યુદ્ધ વિરામ ખતમ કરવાની ધમકી
નાગા વિદ્રોહી સંગઠન NSCN (IM) એ સરકાર સાથેના તેના 27 વર્ષ જૂના યુદ્ધવિરામ કરારને તોડવાની અને જો અલગ પરાષ્ટ્રીય ધ્વજ અને બંધારણથ માટેની તેની માંગણીઓ પૂરી ન થાય તો તેના સશસ્ત્ર સંઘર્ષમાં પાછા ફરવાની ધમકી આપી છે.
આ જૂથે 1947માં ભારતની આઝાદી પછી તરત જ નાગાલેન્ડમાં હિંસક બળવો શરૂૂ કર્યો હતો તેણે સરકારી વાટાઘાટોકારો સાથે લાંબી શાંતિ વાટાઘાટો શરૂૂ કરતા પહેલા 1997 માં યુદ્ધવિરામ કરાર પર હસ્તાક્ષર કર્યા હતા.
પીટીઆઈએ અહેવાલ આપ્યો હતો કે, શુક્રવારે જાહેર કરાયેલા નિવેદનમાં જૂથના મહાસચિવ અને મુખ્ય રાજકીય વાટાઘાટકાર થુઇંગાલેંગ મુઇવાહે જણાવ્યું હતું કે તેઓ અને ભૂતપૂર્વ પ્રમુખ, સ્વર્ગસ્થ આઇઝેક ચિશી સ્વુ, શાંતિપૂર્ણ વાટાઘાટો દ્વારા સંઘર્ષને ઉકેલવા અને સશસ્ત્ર ચળવળને છોડી દેવા માટે વાટાઘાટના ટેબલ પર ગયા હતા. પૂર્વ વડાપ્રધાનો પીવી નરસિમ્હા રાવ, એચડી દેવગૌડા, અટલ બિહારી વાજપેયી અને અન્યોની સંવાદ દ્વારા સમસ્યાનો ઉકેલ લાવવાની પ્રતિબદ્ધતાનું પણ સન્માન કર્યું હતું.તદનુસાર 1 ઓગસ્ટ 1997ના રોજ રાજકીય વાટાઘાટો શરૂૂ થઈ અને ત્યારથી લઈને અત્યાર સુધી ભારત અને વિદેશમાં કોઈપણ પૂર્વશરતો વિના 600 થી વધુ રાઉન્ડ યોજાઈ ચૂક્યા છે, જેના પરિણામે 3 ઓગસ્ટ, 2015ના રોજ ફ્રેમવર્ક કરાર પર હસ્તાક્ષર કરવામાં આવ્યા હતા.
મુઇવાહે આક્ષેપ કર્યો હતો કે સરકારમાં સત્તાવાળાઓ અને નેતૃત્વએ નાગા સાર્વભૌમ રાષ્ટ્રીય ધ્વજ અને સાર્વભૌમ રાષ્ટ્રીય બંધારણને ઓળખવાનો અને સ્વીકારવાનો ઇનકાર કરીને ફ્રેમવર્ક કરારના પત્ર ઇરાદાપૂર્વક વિશ્વાસઘાત કર્યો છે.તેમણે કહ્યું હતું કે સરકાર અને NSCN વચ્ચે રાજકીય સમજૂતી માટેના માપદંડો ફ્રેમવર્ક કરારની મૂળભૂત ભાવના અનુસાર હોવા જોઈએ, જે અન્ય બાબતો સાથે જણાવે છે કે નાગા સાર્વભૌમ રાષ્ટ્રીય ધ્વજ અને નાગા સાર્વભૌમ રાષ્ટ્રીય બંધારણ એક અભિન્ન હોવું જોઈએ.
મુઇવાહે કહ્યું કે આજે કે કાલે નાગાના અનોખા ઇતિહાસ, સાર્વભૌમત્વ અને સ્વતંત્રતા, સાર્વભૌમ પ્રદેશ, સાર્વભૌમ રાષ્ટ્રધ્વજ અને સાર્વભૌમ રાષ્ટ્રીય બંધારણ સાથે કોઈ બાંધછોડ થઈ શકે નહીં.
રાષ્ટ્રીય
મથુરામાં શ્રીકૃષ્ણ જન્મભૂમિનો નિર્ણય નહીં લેવાય ત્યાં સુધી કૃષ્ણ મંદિરોમાં દર્શન નહીં
જગદગુરુ રામભદ્રાચાર્યએ જયપુરમાં રામકથા દરમિયાન મંચ પરથી કહ્યું કે જ્યાં સુધી મથુરામાં શ્રી કૃષ્ણ જન્મભૂમિનો નિર્ણય નહીં લેવાય ત્યાં સુધી તેઓ કોઈ પણ કૃષ્ણ મંદિરમાં દર્શન માટે જશે નહીં. આ દરમિયાન તેમણે જયપુરની ગલતા ગદ્દીનો પણ ઉલ્લેખ કર્યો.
રાજસ્થાનના જયપુરમાં 9 દિવસની રામકથા કરી રહેલા જગદગુરુ રામભદ્રાચાર્ય મહારાજે કૃષ્ણના જન્મસ્થળ પર મોટું નિવેદન આપ્યું છે.કથા દરમિયાન વ્યાસ ગદ્દી પર બેસીને કહ્યું કે જ્યાં સુધી મથુરામાં શ્રી કૃષ્ણની જન્મભૂમિનો નિર્ણય નહીં લેવાય ત્યાં સુધી તેઓ કોઈ પણ કૃષ્ણ મંદિરમાં દર્શન માટે જશે નહીં. શહેરના સૌથી પ્રસિદ્ધ કૃષ્ણ મંદિર શ્રી ગોવિંદ દેવજીની મુલાકાત લેતી વખતે તેમણે આ વાત કહી હતી.
જયપુરના વિદ્યાધર નગર સ્ટેડિયમમાં 9 દિવસીય રામકથાનું આયોજન કરવામાં આવ્યું છે. આ રામકથા તુલસી પીઠના વડા જગદગુરુ રામભદ્રાચાર્ય દ્વારા સંભળાવવામાં આવી રહી છે. આ સમય દરમિયાન, જ્યારે જગદગુરુ રામભદ્રાચાર્ય વ્યાસ સિંહાસન પર બિરાજમાન હતા, વર્ષે જ્યારે રામ મંદિરનું ઉદ્ઘાટન થયું ત્યારે શંકરાચાર્યે મંદિરના અધૂરા નિર્માણનો વિરોધ કર્યો હતો. ત્યારે રામભદ્રાચાર્યએ કહ્યું હતું કે શંકરાચાર્ય ક્યારેય રામમંદિર આંદોલન સાથે જોડાયેલા નથી.ત્યારે તેમણે શ્રી ગોવિંદ દેવજીના દર્શન વિશે જણાવ્યું હતું કે તેમણે મંદિરમાં દર્શન કરવાનું મન બનાવ્યું હતું. તેમણે કહ્યું કે તેમણે પાછળથી પોતાનો વિચાર બદલી નાખ્યો. આ દરમિયાન તેમણે પોતાનો સંકલ્પ વ્યક્ત કર્યો અને કહ્યું કે જ્યાં સુધી મથુરામાં શ્રી કૃષ્ણ જન્મભૂમિ પર નિર્ણય નહીં લેવાય ત્યાં સુધી તેઓ કોઈ પણ કૃષ્ણ મંદિરમાં દર્શન માટે જશે નહીં.
જગદગુરુ રામભદ્રાચાર્યએ મંચ પરથી જ કહ્યું, નઅમે ગોવિંદ દેવજીને કહ્યું છે કે તમે મને ગમે તેટલી મનાવવાની કોશિશ કરો, જગદગુરુ રામભદ્રાચાર્યે કહ્યું કે, જ્યાં સુધી શ્રી કૃષ્ણના જન્મસ્થળ મથુરામાં વિજય પ્રાપ્ત ન થાય ત્યાં સુધી હું કોઈ પણ કૃષ્ણ મંદિરમાં જઈશ નહીં. તેઓ ઇચ્છે છે કે શહેરની નજીકના પવિત્ર ધાર્મિક સ્થળોમાંના એક ગલાતા ગદ્દી પર તેમના લોકોનું નિયંત્રણ હોવું જોઈએ. તેમણે કહ્યું કે રામાનંદીનો વિજય સ્તંભ ગલતા ગદ્દી પર પણ હશે.
તુલસી પીઠના વડા જગદગુરુ રામભદ્રાચાર્ય પણ લાંબા સમયથી શ્રી રામ મંદિર આંદોલન સાથે જોડાયેલા છે. આ વર્ષે જ્યારે રામ મંદિરનું ઉદ્ઘાટન થયું ત્યારે શંકરાચાર્યે મંદિરના અધૂરા નિર્માણનો વિરોધ કર્યો હતો. ત્યારે રામભદ્રાચાર્યએ કહ્યું હતું કે શંકરાચાર્ય ક્યારેય રામમંદિર આંદોલન સાથે જોડાયેલા નથી. તેમણે રામ મંદિરના ઉદ્ઘાટનને ગૌરવની ક્ષણ ગણાવી હતી અને તેમાં પૂરા ઉત્સાહથી ભાગ લીધો હતો
-
ગુજરાત1 day ago
જૂની પેંશન યોજનાને લઈ સરકારનો મહત્વનો નિર્ણય, 2005 પહેલાંના કર્મીઓને મળશે જૂની પેન્શનનો લાભ
-
રાષ્ટ્રીય2 days ago
શેરબજાર ધબાય નમઃ, ફરી રોકાણકારોના પૈસાનો ધુમાડો, સેન્સેક્સ 300 અંક તૂટયો
-
ગુજરાત1 day ago
જંગલેશ્ર્વરના દબાણકારોને સાંભળી 3 સપ્તાહમાં જવાબ આપવા HCનો હુકમ
-
ગુજરાત1 day ago
મુખ્ય માર્ગો પરથી વધુ 371 રેંકડી-કેબિન, બોર્ડ-બેનર, પાથરણાં જપ્ત
-
ગુજરાત1 day ago
ગુલાબવિહાર સોસાયટીમાં બિમારીથી કંટાળી નેપાળી યુવાનનો આપઘાત
-
ક્રાઇમ1 day ago
તહેવારમાં રાજસ્થાન ફરવા ગયેલા દેવનગરના પરિવારના મકાનમાંથી 1.13 લાખની ચોરી
-
ગુજરાત1 day ago
મોરબી સબ જેલમાંથી 40 ફાકી પકડાઇ, જેલરની રાજકોટ જેલમાં બદલી
-
રાષ્ટ્રીય1 day ago
ઓવરલોડ હોડીએ લીધી જળ સમાધી, 8 લોકો હતાં સવાર, 2ના મોત, જુઓ ઘટનાનો LIVE વીડિયો