દેશભરમાં સાદગીપૂર્વક યોજાશે ધ્વજવંદન
પાકિસ્તાન સરકારે આ વર્ષે 23 માર્ચના રોજ યોજાનારી પરંપરાગત રિપબ્લિક ડે (પાકિસ્તાન ડે) પરેડ અને સંબંધિત સમારોહોને સંપૂર્ણપણે રદ્દ કરી દીધા છે. આ નિર્ણય મધ્ય પૂર્વમાં ચાલી રહેલા યુદ્ધને કારણે ઉભી થયેલી વૈશ્વિક તેલ કટોકટી અને ઇંધણની તીવ્ર અછતને કારણે લેવામાં આવ્યો છે. પ્રધાનમંત્રી શેહબાઝ શરીફની કચેરીએ આ અંગે જાહેરાત કરી છે.
પાકિસ્તાનમાં 23 માર્ચના દિવસે પરંપરાગત રીતે ઇસ્લામાબાદમાં 31 તોપોની સલામી અને પ્રાંતીય રાજધાનીઓમાં 21 તોપોની સલામી સાથે સૈન્ય પરેડ યોજાય છે, જેમાં સશસ્ત્ર દળોનું ભવ્ય પ્રદર્શન થાય છે. પરંતુ આ વખતે આ તમામ કાર્યક્રમો રદ્દ કરી દેવામાં આવ્યા છે. તેના બદલે દેશભરમાં યોગ્ય સ્તરે સાદા ધ્વજવંદન સમારોહો યોજાશે.
પીએમઓના નિવેદનમાં કહેવામાં આવ્યું છે કે, આ પગલું એવી રીતે લેવામાં આવ્યું છે કે રાષ્ટ્રની સ્થિતિસ્થાપકતા અને પાકિસ્તાન ડેના આદર્શો પ્રત્યેની અડગ પ્રતિબદ્ધતા ઔસ્ટેરિટી (મ?વ્યયીતા)ના વ્યાપક માળખા સાથે સુસંગત રહે. આ નિર્ણય મધ્ય પૂર્વના વધતા તણાવને કારણે લેવાયો છે, જ્યાં યુનાઇટેડ સ્ટેટ્સ અને ઇઝરાયેલે 28 ફેબ્રુઆરીએ ઇરાન સામે વ્યાપક સૈન્ય કાર્યવાહી શરૂૂ કરી હતી, જેના જવાબમાં ઇરાને ગલ્ફ દેશોમાં અમેરિકી બેઝ અને તેલ ઇન્ફ્રાસ્ટ્રક્ચર પર પ્રતિ હુમલા કર્યા છે.
ગયા અઠવાડિયે જ પીએમ શેહબાઝ શરીફે ઇંધણ બચાવવા માટે અનેક કડક ઔસ્ટેરિટી પગલાં જાહેર કર્યા હતા, જેમાં સરકારી કચેરીઓ માટે ચાર દિવસનું કામકાજ, 50 ટકા કર્મચારીઓને વર્ક ફ્રોમ હોમ, સરકારી વાહનો માટે ઇંધણ ભથ્થું અડધું કરવું, સરકારી વાહનોના 60 ટકા જમીન પર રાખવા અને બે અઠવાડિયા માટે શાળાઓ બંધ કરવાનો સમાવેશ થાય છે.
મંત્રાલયો અને વિભાગોને સૂચના આપવામાં આવી છે કે રિપબ્લિક ડેને ગંભીર અને આદરપૂર્વક ઉજવવામાં આવે, જેથી ઉજવણી ઘટાડા છતાં દિવસનું મહત્વ જળવાઈ રહે. આ અસાધારણ પગલું પાકિસ્તાનની આર્થિક તંગી અને વૈશ્વિક ઊર્જા સંકટને દર્શાવે છે.
