સેન્ટ્રલ બ્યુરો ઓફ ઇન્વેસ્ટિગેશન (સીબીઆઇ) ના ગ્લોબલ ઓપરેશન્સ સેન્ટરે વીરેન્દ્ર મણિ પટેલના ભારત પરત ફરવા માટે અમદાવાદ એરપોર્ટ પર ગુજરાત પોલીસ અને ઇમિગ્રેશન સત્તાવાળાઓ સાથે ઘનિષ્ઠ સંકલન કર્યું હતું,
જેની સામે 2004માં રેડ કોર્નર નોટિસ (આરસીએન) જારી કરવામાં આવી હતી. પટેલ, જેઓ ચરોતર નાગરિક સહકારી બેંક, આણંદના તત્કાલીન ડાયરેક્ટર હતા અને અન્ય આરોપીઓએ કથિત રીતે રૂૂ. 77 કરોડની છેતરપિંડી કરી હતી.
પોલીસે જૂન 2002 માં આણંદ ટાઉન પોલીસ સ્ટેશનમાં બેંકર દ્વારા વિશ્વાસભંગ, ગુનાહિત કાવતરું, દસ્તાવેજોની બનાવટી, બનાવટી દસ્તાવેજોનો ઉપયોગ, છેતરપિંડી અને અપ્રમાણિકપણે મિલકતની ડિલિવરી કરવા માટેના ગુનાઓ સંબંધિત કેસ નોંધ્યો હતો.
ગુજરાત પોલીસની વિનંતી પર સીબીઆઈને માર્ચ 2004માં ઈન્ટરપોલ મારફત તેમની સામે આરસીએન ઈશ્યુ કરવામાં આવ્યું હતું. પટેલને અમેરિકાથી આવ્યા બાદ અમદાવાદ એરપોર્ટ પર અટકાયતમાં લેવામાં આવ્યો હતો અને પોલીસને સોંપવામાં આવ્યો હતો.
