ગુજરાત
મોદી વિરૂદ્ધ ટીપ્પણી કરનાર વિરજી ઠુમ્મર સામે ગુનો નોંધાયો
ગુજરાત કોંગ્રેસના પૂર્વ સાંસદ વીરજી ઠુમ્મર પીએમ નરેન્દ્ર મોદી વિરુદ્ધ ટીપ્પણી કરી ફસાયા છે, અમેરેલી ભાજપના નેતાએ માનહાની સહિતની ફરિયાદ નોંધાવી છે. રાજ્યના અમરેલી જિલ્લાના સ્થાનિક ભાજપના નેતા દ્વારા ફરિયાદ નોંધાવ્યા બાદ પોલીસે ગુજરાત કોંગ્રેસ નેતા વીરજી થુમ્મર પર કેસ નોંધ્યો છે. જેમાં આરોપ લગાવવામાં આવ્યો છે કે, પૂર્વ સાંસદે વડા પ્રધાન નરેન્દ્ર મોદી વિરુદ્ધ વાંધાજનક ટિપ્પણી કરી છે. ભારતીય જનતા પાર્ટી (BJP)ના અમરેલી જિલ્લા એકમના મહામંત્રી મેહુલ ધોર્જિયાએ નોંધાવેલી ફરિયાદના આધારે, અમરેલી શહેર પોલીસે ભારતીય દંડ સંહિતાની કલમ 499 (ગુનાહિત માનહાનિ), 500 (બદનક્ષી માટેની સજા) અને શનિવારે 504 (શાંતિનો ભંગ કરવા ઉશ્કેરવાના હેતુથી ઇરાદાપૂર્વક અપમાન) હેઠળ ઠુમ્મર સામે ગુનો નોંધ્યો હતો. ધોરાજિયાએ તેમની ફરિયાદમાં જણાવ્યું હતું કે, ઠુમ્મર દ્વારા વડાપ્રધાન વિરુદ્ધ જે શબ્દોનો ઉપયોગ કરવામાં આવ્યો છે તે બદનક્ષીભર્યો છે અને તેનાથી શાંતિ ભંગ થઈ શકે છે. અમરેલીના પોલીસ અધિક્ષકે જણાવ્યું હતું કે, અમને મળેલી ફરિયાદના આધારે, અમે ઠુમ્મર વિરુદ્ધ નોન-કોગ્નિઝેબલ ગુનો નોંધ્યો છે. અમરેલીમાં એગ્રીકલ્ચર પ્રોડ્યુસ માર્કેટ કમિટી (અઙખઈ) ના જૂના પરિસરમાં શુક્રવારે સાંજે જાહેર સભાને સંબોધતા ઠુમ્મરે આરોપ લગાવ્યો હતો કે, પીએમ મોદી કેટલાક મોટા બિઝનેસ હાઉસની તરફેણ કરી રહ્યા છે. તેઓ કોંગ્રેસ દ્વારા પાર્ટીના અમરેલી જિલ્લા એકમના પ્રમુખ તરીકે પ્રતાપ દુધાતની વરણી કરવા માટે આયોજિત જાહેર સભા સ્નેહ સંવાદને સંબોધિત કરી રહ્યા હતા. કોંગ્રેસના નેતાની ટિપ્પણીના એક દિવસ પછી, ભાજપના નેતાઓએ શનિવારે અમરેલીમાં ઠુમ્મરના પૂતળા બાળ્યા હતા, જ્યારે ધોરાજિયાએ ફરિયાદ નોંધાવી હતી. આ દરમિયાન, ઠુમ્મરે પોલીસ ફરિયાદ પણ નોંધાવી હતી, જેમાં જણાવ્યું હતું કે, અમરેલીના ભાજપના સાંસદ નારણ કાછડિયા, સ્થાનિક ભાજપના ધારાસભ્યો અને નેતાઓએ તેમના પૂતળા બાળીને અને તેમના વિશે અપમાનજનક ટિપ્પણીઓ કરીને તેમને બદનામ કર્યા હતા. પોતાના જીવને ખતરો ગણાવતા તેમણે પોલીસ રક્ષણની પણ માંગણી કરી હતી. ઠુમ્મરે જણાવ્યું હતુ કે, કાછડિયાએ મને ધમકીઓ આપી છે અને તેથી, મેં ફરિયાદ નોંધાવી છે અને પોલીસ સુરક્ષા પણ માંગી છે. કોંગ્રેસના વરિષ્ઠ નેતાએ કહ્યું કે, તેમણે પીએમ વિશે અપમાનજનક કંઈ કહ્યું નથી. જ્યારે કોંગ્રેસ સત્તામાં હતી અને મનમોહન સિંહ વડા પ્રધાન હતા, ત્યારે ભાજપના નેતાઓ કહેતા હતા કે, વડા પ્રધાનની વિશ્વસનીયતા ભારતીય રૂૂપિયાના મૂલ્યની જેમ ઝડપથી ઘટી રહી છે. પરંતુ આવી સરખામણીઓને ક્યારેય અપમાનજનક ગણવામાં આવી ન હતી. મેં શુક્રવારે અપમાનજનક કંઈ કહ્યું નથી. મેં કહ્યું કે, લોકોના પૈસા કેવી રીતે હડપ કરવામાં આવે છે, તેના વિવિધ ઉદાહરણો આપવામાં આવી રહ્યા છે. અમરેલી એસપી સિંઘે જણાવ્યું હતું કે, પોલીસ ઠુમ્મરની ફરિયાદની હકીકત શોધી રહી છે. સિંઘે કહ્યું કે, અમને તેની ફરિયાદ મળી છે અને તેમના દ્વારા જણાવ્યા મુજબ કોઈ ગુનો કરવામાં આવ્યો છે કે, કેમ તેની તપાસ કરી રહ્યા છીએ. જો કે, હજુ સુધી કોઈ ગુનો નોંધવામાં આવ્યો નથી. ઠુમ્મરે એમ પણ કહ્યું કે, પીડિત વ્યક્તિએ ફોજદારી માનહાનિની ફરિયાદ નોંધાવવી પડશે. જો કે, સિંહે જણાવ્યું હતું કે ઈંઙઈની કલમ 504 હેઠળ પણ ગુનો દાખલ કરવામાં આવ્યો છે, તેથી કોઈપણ વ્યક્તિ ફરિયાદ નોંધાવી શકે છે. તેમણે કહ્યું કે, ગુનાહિત માનહાનિ સંબંધિત કલમો ગુના સંબંધિત અન્ય વિભાગોમાં છે.
ગુજરાત
અમદાવાદમાં PMના કાર્યક્રમ સ્થળે ડોમ તૂટતાં 9 ઘવાયા
જીએમડીસી ગ્રાઉન્ડમાં 40 ફૂટ ઊંચો ડોમ ખોલતી વખતે સર્જાયેલી દુર્ઘટના, બે મજૂરોની હાલત ગંભીર
અમદાવાદના જીએમડીસી ગ્રાઉન્ડમાં આજે વહેલી સવારે દૂર્ઘટના સર્જાતા 9 જેટલા શ્રમિકો ઘવાયા હતાં. વડાપ્રધાન નરેન્દ્રભાઈ મોદીના ગત તા. 16ના રોજ જીએમડીસી ગ્રાઉન્ડ ખાતે યોજાયેલ કાર્યક્રમ સ્થળેથી વિશાળ ડોમ ઉતારતી વખતે અચાનક જ ડોમનો એક હિસ્સો તુટી પડતા આ દુર્ઘટના સર્જાઈ હોવાનું જાણવા મળે છે. ઘવાયેલા શ્રમિકોને સારવાર માટે હોસ્પિટલમાં ખસેડાયા છે. આ દુર્ઘટના 9 મજુરો ઘાયલ થયા હતાં. જેમાં બેની હાલત ગંભીર હોવાનું જાણવા મળ્યું છે.
અમદાવાદમાં જીએમડીસી ગ્રાઉન્ડ વડાપ્રધાન મોદીના ગુજરાત પ્રવાસ વખતે તૈયાર કરાયેલા જર્મન ડોમને ઉતારવામાં આવતી વખતે એક મોટી દુર્ઘટના સર્જાઈ હતી. આ દરમિયાન ડોમની નીચે દટાઈ જતાં 9 લોકો ઈજાગ્રસ્ત થયા હતા. પીએએલ ઈવેન્ટ્સ દ્વારા આ ડોમ તૈયાર કરવામાં આવ્યા હતા.
ઉલ્લેખનીય છે કે વડાપ્રધાન મોદીની સભા માટે અમદાવાદમાં જીએમડીસી ગ્રાઉન્ડ ખાતે 4 વિશાળ વોટરપ્રૂફ જર્મન ડોમ તૈયાર કરાયા હતા. જેમાં 80 હજારથી 1 લાખ લોકો બેસી શકે તેવી વ્યવસ્થા કરાઈ હતી.
વડાપ્રધાન મોદીના ગુજરાત પ્રવાસ વખતે તૈયાર કરાયેલા જર્મન ડોમને ઉતારવામાં આવતી વખતે એક મોટી દુર્ઘટના સર્જાઈ હતી. આ દરમિયાન ડોમની નીચે દટાઈ જતાં 9 લોકો ઈજાગ્રસ્ત થયા હતા. જેમા 2ની હાલત અત્યંત ગંભીર હોવાની જાણકારી મળી રહી છે. પીએએલ ઈવેન્ટ્સ દ્વારા આ ડોમ તૈયાર કરવામાં આવ્યા હતા.
મળતી માહિતી અનુસાર આ ઘટના ડોમ ખોલતી વખતે બની હતી. અહીં એકભાગ ખોલતા શ્રમિકો પણ બીજો ભાગ ઉપરથી પડ્યો હતો. જોકે સદભાગ્યે આ ઘટના ચાલુ કાર્યક્રમે નહોતી બની જેના લીધે હજારો લોકોના જીવ બચી ગયા. કારણ કે આ કાર્યક્રમમાં હજારો લોકોએ હાજરી આપી હતી.
ઈજાગ્રસ્તોને નજીકમાં વસ્ત્રાપુરની હોસ્પિટલમાં ખાનગી વાહનમાં લઈ જવાયા હતા. જ્યાં આ ઘટના વિશે જાણકારી મેળવતાં વિષ્ણુ નામના પીડિતે જણાવ્યું હતું કે અમે લગભગ 40 ફૂટની હાઈટ પરથી આ ડોમ ખોલવાનું કામ કરી રહ્યા હતા અને તે સમયે જ ડોમ પડ્યું જેના લીધે અમે પણ નીચે પટકાયા હતા. અમે કુલ 12 લોકો હતા. આ ઘટના મોડી રાતે 3 વાગ્યે આ ઘટના બની હતી. જેના બાદ અફરા તફરીની સ્થિતિ સર્જાઈ હતી. ઘાયલોને નજીકમાં જ વસ્ત્રાપુર ખાતે ખાનગી વાહનમાં અમને હોસ્પિટલ લઈ જવામાં આવ્યા હતા. હાલમાં બેની હાલત ગંભીર હોવાનું તબીબોએ જણાવ્યું છે.
ક્રાઇમ
ક્રેડિટ કાર્ડના નાણાની ઉઘરાણી માટે રેલવે કર્મચારીને ઓફિસમાં ઘુસી માર માર્યો
કોઠી કંપાઉન્ડ ખાતે આવેલી રેલવેની કંટ્રોલ ઓફિસમાં ફરજ બજાવતાં રેલવે કર્મચારીને ક્રેડીટ કાર્ડના નાણાની ઉઘરાણી માટે રિકવરી એજન્ટોએ ઓફિસમાં ઘુસી માર મારી જાનથી મારી નાખવાની ધમકી આપ્યાની ફરિયાદ પોલીસ ચોપડે નોંધાતાં પોલીસે બે શખ્સો સામે ગુનો નોંધી વધુ તપાસ હાથ ધરી છે.
જાણવા મળતી વિગત મુજબ, રેલનગર શેરી નં.15માં રહેતા અને કોઠી કંપાઉન્ડ ખાતે કંટ્રોલ ઓફિસમાં ખલાસી તરીકે નોકરી કરતાં પ્રકાશભાઈ ધનજીભાઈ શામળ (ઉ.34)એ પ્ર.નગર પોલીસ મથકમાં નોંધાવેલી ફરિયાદમાં આરોપી તરીકે બીપીન હરીભાઈ સોલંકી અને અશ્ર્વિન વસંતભાઈ કુગશીયાના નામ આપ્યા છે. ફરિયાદમાં જણાવ્યા મુજબ તેઓ એસબીઆઈ બેંકનું ક્રેડીટ કાર્ડ વાપરતાં હોય ગત તા.17નાં બપોરે તેઓ પોતાની ઓફિસમાં ફરજ પર હતાં ત્યારે આરોપી બીપીને ફોન કરી તમારા ક્રેડીટ કાર્ડનું રૂા.2,34,068નું પેમેન્ટ બાકી છે તેમ જણાવતાં ફરિયાદીએ છ વાગ્યા પછી વાત કરશું તેમ કહેતા આરોપી ઓફિસે ધસી આવ્યો હતો અને ઓફિસમાં દાદાગીરી કરી રોફ જમાવી બળજબરીથી નાણા પડાવવા પ્રયાસ કર્યો હતો.
ત્યારબાદ તેને ફોન કરી અન્ય આરોપીને બોલાવતાં અશ્ર્વિન કુગશીયા ધસી આવ્યો હતો અને તેણે પેમેન્ટ તાત્કાલીક કરી દેજો. નહીંતર ખાલી મારું નામ જ કાફી છે તેમ કહી ધમકી આપી હતી અને બન્નેએ માર મારી તેનો શર્ટ ફાડી નાખ્યો હતો. બાદમાં ક્રેડીટ કાર્ડના પૈસા નહીં આપો તો જાનથી મારી નાખશી તેવી ધમકી આપી હતી. ઉપરાંત આ બાબતે પોલીસમાં ફરિયાદ કરશો તો અમારા વિરૂધ્ધ એટ્રોસિટીની ફરિયાદ દાખલ કરવાની ધમકી આપી હતી.આ અંગે ફરિયાદીએ પ્ર.નગર પોલીસ મથકમાં ફરિયાદ નોંધાવતાં પોલીસે બન્ને શખ્સો સામે ગુનો નોંધી વધુ તપાસ હાથ ધરી છે.
ગુજરાત
સાયપર ગામે પ્રાથમિક શાળામાં પાઈપલાઈન રીપેર કરતાં ભડકો થયો: વિદ્યાર્થી-શિક્ષક દાઝયા
શિક્ષક લાકડું અને કપડુંસળગાવી પાઈપ જોડતા હતા ત્યારે બનાવ: વિદ્યાર્થી પણ ઝપટે ચડયો
રાજકોટની ભાગોળે કુવાડવા નજીક આવેલા સાયપર ગામે પ્રાથમિક શાળામાં પાઈપલાઈન રીપેર કરતી વેળાએ ભડકો થતાં એક વિદ્યાર્થી અને શિક્ષક દાઝી ગયા હતાં. જેથી બન્નેને સારવાર માટે સિવિલ હોસ્પિટલમાં ખસેડવામાં આવ્યા હતાં. શાળામાં પાઈપલાઈન તુટી ગઈ હોવાથી શિક્ષક લાકડુ અને કપડુ સળગાવી પાઈપ લાઈન જોડતાં હતાં ત્યારે અચાનક ભડકો થયો હતો જેમાં વિદ્યાર્થી પણ ઝપટે ચડી ગયો હતો.
જાણવા મળતી વિગત મુજબ, મોરબી રોડ પર રામાણી પાર્ક શેરી નં.3માં રહેતા અને સાયપર ગામે આવેલી પ્રાથમિક શાળામાં શિક્ષક તરીકે ફરજ બજાવતાં દિલીપભાઈ મગનભાઈ પંચાલ (ઉ.48) આજે સવારે સાયપર ગામે પ્રાથમિક શાળામાં પોતાની ફરજ પર હતાં ત્યારે શાળામાં પાણીની પાઈપલાઈન તુટી ગઈ હોવાથી રિપેર કરતાં હતાં. ત્યારે કપડુ અને લાકડામાં સેનેટાઈઝર નાખી તેને સળગાવી પાઈપ લાઈન જોડતાં હતાં દરમિયાન અચાનક ભડકો થયો હતો જેમાં શિક્ષક દિલીપભાઈ અને તેની બાજુમાં ઉભેલો ધો.7માં અભ્યાસ કરતો આદર્શ કિશોરભાઈ પરમાર નામનો છાત્ર પણ ઝપટે ચડી જતાં બન્ને ગંભીર રીતે દાઝી ગયા હતાં. જેથી બન્નેને દાઝી ગયેલી હાલતમાં સારવાર માટે રાજકોટ સિવિલ હોસ્પિટલમાં ખસેડવામાં આવ્યા હતાં.
વધુ તપાસમાં ધો.7માં અભ્યાસ કરતો આદર્શ શિક્ષક દિલીપભાઈ પાઈપ લાઈન કરતાં હતાં ત્યાં નજીક જઈને ુઉભો હતો ત્યારે શિક્ષકે તેને દૂર કરવાનુ કહ્યું હતું. આમ છતાં તે દૂર ન જતાં આગની ઝપેટમાં આવી ગયો હતો. આ અંગે સિવિલ ચોકીના સ્ટાફે પ્રાથમિક નોંધ કરી કુવાડવા પોલીસને જાણ કરતાં પોલીસે હોસ્પિટલે દોડી જઈ જરૂરી કાર્યવાહી હાથ ધરી હતી.
-
ગુજરાત1 day ago
જવાહર ચાવડા હવે ભાજપ સામે લડી લેવાના મૂડમાં, બીજા પત્રો વાઈરલ કર્યા
-
રાષ્ટ્રીય1 day ago
બજાજ હાઉસિંગ ફાઈનાન્સનો શેર આજે ઘટ્યો, જાણો કિંમત
-
રાષ્ટ્રીય1 day ago
‘વન નેશન-વન ઇલેક્શન’ના પ્રસ્તાવને લીલી ઝંડી, મોદી સરકારની કેબિનેટે આપી મંજૂરી
-
કચ્છ1 day ago
રાપરના ગાગોદરમાં પાણીના ખાડામાં સાત બાળકો ડૂબ્યાં, ભાઈ-બહેનનાં મોત
-
આંતરરાષ્ટ્રીય1 day ago
ઈન્ટરનેટ કે મોબાઈલ નેટવર્ક ન હોવા છતાં પેજરમાં વિસ્ફોટ, મોબાઈલ ફોનમાં આવું થાય તો કરોડો લોકો પર ખતરો
-
ગુજરાત1 day ago
આજી-4 ડેમના પૂરથી પ્રભાવિત ખેડૂતો સરકાર સામે મોરચો માંડશે
-
ગુજરાત1 day ago
રાજકોટ ક્લાઇમેટ રેસિલિયન્ટ એક્શન પ્લાનનું ન્યૂ દિલ્હી ખાતે કરાયું લોન્ચિંગ
-
ગુજરાત1 day ago
રાજકોટના કેટરર્સ સંચાલકનું દિલ્હીની યુવતી ઉપર દુષ્કર્મ