વર્તમાન ટ્રસ્ટીઓ બેસે છે તે ફલોર નીચે હાડકાં અને વાળ ભરેલા આઠ કળશ મળી આવ્યા બાબતે પોલીસ ફરિયાદ
મુંબઈની સૌથી પ્રખ્યાત હોસ્પિટલમાંની એક લીલાવતી હોસ્પિટલ જ્યાં સેલેબ્રિટીઝ મોટે ભાગે દાખલ થાય છે, ત્યાંથી એક મોટી અને ખૂબ જ ચોંકાવનારી માહિતી સામે આવી છે. બાન્દ્રામાં આવેલી આ પ્રખ્યાત હોસ્પિટલના પરિસરમાં કાળા જાદુ થયો હોવાનો આરોપ ત્યાંના પ્રશાસન દ્વારા જ લગાવવામાં આવ્યો છે.
લીલાવતી હોસ્પિટલ ટ્રસ્ટના એક્ઝિક્યુટિવ ડિરેક્ટર પરમબીર સિંહે આરોપ લગાવ્યો છે કે ભૂતપૂર્વ ટ્રસ્ટીઓએ હોસ્પિટલ પરિસરમાં વર્તમાન ટ્રસ્ટી બોર્ડ સામે કાળો જાદુ કર્યો હતો. લીલાવતી હોસ્પિટલમાં વર્તમાન ટ્રસ્ટીઓ દરરોજ જ્યાં બેસે છે તે ઑફિસના ફ્લોર નીચે હાડકાં અને માનવ વાળથી ભરેલા આઠ કળશ દટાયેલા મળી આવ્યા હોવાનું કહેવાય છે.
ટ્રસ્ટીઓએ આ મામલે બાન્દ્રા પોલીસ સ્ટેશનનો સંપર્ક કર્યો અને ફરિયાદ નોંધાવી છે. ત્યારબાદ, હોસ્પિટલ મેનેજમેન્ટ આ મામલો બાન્દ્રા કોર્ટમાં લઈ ગયું, જેણે કાળા જાદુના આરોપોની તપાસ શરૂૂ કરવાનો આદેશ આપ્યો છે. જેથી આ મામલે શું બહાર આવે છે, અને શું ખેરખર હોસ્પિટલના પરિસરમાં કાળા જાદુ કરવાનો પ્રયત્ન કરવામાં આવ્યો છે, કે નહીં તે જોવાનું રહેશે.
અમે લીલાવતી કીર્તિલાલ મહેતા મેડિકલ ટ્રસ્ટની અખંડિતતા જાળવી રાખવા અને ખાતરી કરવા માટે પ્રતિબદ્ધ છીએ કે આરોગ્યસંભાળ સેવાઓ માટેના ભંડોળનો ઉપયોગ ફક્ત એવા દર્દીઓના લાભ માટે થાય જે દરરોજ અમારા પર આધાર રાખે છે. ફોરેન્સિક ઓડિટ દરમિયાન બહાર આવેલ ગંભીર ગેરરીતિ અને નાણાકીય ગેરરીતિ ફક્ત કથિત અને છેતરપિંડી કરનારા ભૂતપૂર્વ ટ્રસ્ટીઓ પર મૂકવામાં આવેલા વિશ્વાસ સાથે વિશ્વાસઘાત નથી, પરંતુ આપણી હોસ્પિટલના મિશન માટે સીધો ખતરો છે, મહેતાએ જણાવ્યું.
તેમણે કહ્યું કે LKMMT ખાતરી કરશે કે આ ગેરકાયદેસર પ્રવૃત્તિઓમાં સામેલ દરેક વ્યક્તિને જવાબદાર ઠેરવવામાં આવે. અમે એન્ફોર્સમેન્ટ ડિરેક્ટોરેટને PMLA (પ્રિવેન્શન ઓફ મની લોન્ડરિંગ ઍક્ટ)ની જોગવાઈઓ હેઠળ આ નાણાકીય ગુનાઓની તપાસમાં ઝડપી અને નિર્ણાયક પગલાં લેવા વિનંતી કરીએ છીએ. લાંબી કાનૂની લડાઈ પછી ટ્રસ્ટનું નિયંત્રણ મેળવ્યા પછી, હાલના ટ્રસ્ટીઓએ તેમના પુરોગામી દ્વારા હોસ્પિટલ મેનેજમેન્ટ બોડીના કામકાજમાં મોટા પાયે ગેરરીતિઓ ઓળખી કાઢી અને ફોરેન્સિક ઓડિટ કરવાનો નિર્ણય લીધો.
પૂર્વ ટ્રસ્ટીઓ સામે 15000 કરોડના ગોટાળાનો આરોપ
મુંબઈની જાણીતી લીલાવતી હોસ્પિટલ ચલાવતા ચેરિટેબલ ટ્રસ્ટે મંગળવારે આરોપ લગાવ્યો કે તેના ભૂતપૂર્વ ટ્રસ્ટીઓ અને અન્ય સંબંધિત વ્યક્તિઓ દ્વારા 1,500 કરોડ રૂૂપિયાથી વધુના ભંડોળનો ગેરઉપયોગ કરવામાં આવ્યો છે. ફરિયાદોમાં આરોપ લગાવવામાં આવ્યો છે કે લીલાવતી હોસ્પિટલના નાણાકીય રેકોર્ડના ફોરેન્સિક ઓડિટ દરમિયાન બહાર આવેલા ગેરઉપયોગથી ટ્રસ્ટના સંચાલન અને બાન્દ્રા વિસ્તારમાં સ્થિત અગ્રણી ખાનગી તબીબી સુવિધા દ્વારા પૂરી પાડવામાં આવતી આરોગ્ય સંભાળ સેવાઓ પર અસર પડી છે.
