કચ્છ
મુંદ્રા ધસમસતા પૂરમાં કાર તણાઈ, પોલીસે પાંચના જીવ બચાવ્યા
બાવળની ઝાડી વચ્ચે કાર ફસાઈ : પાંચ વ્યક્તિઓ કાર પર ચડી મદદ માગી ને ખરે ટાણે પોલીસ દેવદૂત બનીને આવી : રાત્રીના 10 વાગ્યે અંધારામાં પોલીસનું દિલધડક રેસ્ક્યૂ
કચ્છમાં સતત પડી રહેલા વરસાદ અને ખાસ કરીને છેલા પાંચેક દિવસથી એકધારે મુંદ્રા તાલુકામાં પડી રહેલા મુશળધાર વરસાદમાં પુર જેવી સ્થિતિ સર્જાઈ હતી. ગામડાઓની નદીઓ, રહેણાંક વિસ્તારો, રોડ રસ્તાઓ, સોસાયટીઓ, વગેરે જગ્યાએ નદી જેવી પરીસ્થિતિ સર્જાઈ હતી.
કચ્છમાં ગઈકાલ રાત્રિ સુધી પડેલા સાર્વત્રિક વરસાદથી જિલ્લામાં અનેક સ્થળે જળમગ્નની સ્થિતિ નિર્માણ પામી હતી. ક્યાંક લોકો તો કોઈ સ્થળે અબોલ પશુઓ પાણીના પ્રવાહમાં તણાયા હતા. મુન્દ્રા તાલુકાના લૂંણી પાસેની પાપડી પરની નદી ભારે પ્રવાહથી વહી નીકળતા એક કાર 4 થી 6 ફૂટ ધસમસતા પાણીમાં તણાઈ ગઈ હતી. તણાઈ ગયેલી કાર સેંકડો ફૂટ દૂર બાવળની ઝાડીમાં ફંગોળાઈ ગઈ હતી. જેમાં 5 લોકો સવાર હતા. પાંયેય લોકો કાર ઉપર ચડી ગયા હતા અને સ્થિર અવસ્થામાં બેસી મદદની બુમો પાડી હતી. ઘટનાની જાણ મુન્દ્રા મરીન પોલીસ સુધી પહોંચી અને પીએસઆઈએ ગ્રામજનોની મદદથી દિલધડક રેસ્ક્યુ ઓપરેશન ની કામગીરી હાથ ધરી હતી.
આ અંગે મુન્દ્રા મરીન પોલીસ મથકના પીએસઆઇ નિર્મલસિંહ જાડેજાનો સંપર્ક સાધતા તેમણે વિગતો આપતા જણાવ્યું હતું કે રાત્રિના 10 વાગ્યા પછીનો સમય હતો, હું દિવસના સમયે બંદોબસ્તમાં રહી ફરજ પૂરી કરી ઘરે પહોંચ્યો હતો, ત્યાં સ્ટાફના લોકોનો ફોન આવ્યો કે લૂંણીની પાપડીમાં એક સેલેરિયો કાર તણાઈ ગઈ છે અને તેમાં પાંચ લોકો સવાર છે, જે હાલ મુસીબતમાં મુકાયા છે.
બનાવનીની જાણ થતાંજ તુરંત સ્ટાફના અનવરભાઈને સાથે લઈ ઘટના સ્થળે પહોંચ્યા હતા. જ્યાં દૂર અંધારામાં બાવળની ઝાડી વચ્ચે એક કાર દેખાતી હતી અને બચાવો બચાવો ની બુમો સંભળાતી હતી. હાજર સ્થાનિક લોકોએ રસ્સા વડે બચાવના પ્રયાસ કર્યા હતા પરંતુ સફળતા મળી ના હતી. અંતે ફાયર અને એનડીઆરની મદદ લેવાનું વિચાર્યું પણ તે ઉપલબ્ધ ના બનતા આખરે લાઈફ જેકેટ પહેરી કાર સુધી તરીને પહોંચ્યા , ત્યાં રાસ્સો કાર સાથે બાંધી રાત્રીના અંધકારમાં અને જોશભેર વહેતા પાણીના પ્રવાહ વચ્ચે એક બાદ એક એમ પાંચેય વ્યક્તિને અંદાજીત 60 થી 75 મિટર લાબું અંતર કાપી કિનારે લાવી બચાવી લેવાયા હતા.
તેવામાં ફરજ પર તૈનાત મુંદ્રા મરીન ઙજઈં નિર્મલસિંહ જાડેજા સ્ટાફ સાથે સ્થળ પર આવી જતા દોરડા, ટ્યુબ જેવા સાધનો સાથે નદીમાં ઝંપલાવી દીધું હતું.
ધીમે ધીમે જ્યા કાર ફસાઈ હતી ત્યાં ફસાયેલા લોકો ત્યાં જીવના જોખમે પહોંચી ફસાયેલા લોકોને એક પછી એક દોરડા સાથે બાંધી ટ્યુબ સાથે રાખી સલામત રીતે કિનારે લઈ આવ્યા હતા અને ફસાયેલા લોકોનો જીવ બચાવી લીધો હતો. સ્થળ પર પ્રાંત અધિકારી ચેતન મિસણ સાહેબ અને ઉભેલા પ્રજાજનોએ પોલીસની કામગીરીની સરાહના કરી પોલીસ પ્રજાનો મિત્ર છે તે ઉકતી સાથે પોલીસ અધિકારી કર્મચારીઓને અભિનંદન પાઠવ્યા હતા.
ફસાયેલા લોકોમાં રમેશભાઈ સુરેશભાઈ ચૌધરી, પ્રજાપતિ નીરજ શૈલેષભાઈ, ભવરસિંઘ શ્રવણસિંઘ રાજપૂત, ઉમેદસિંઘ પ્રહલાદસિંઘ રાજપૂત, ગૌરવસિંઘ કૃપાશંકર શાહી વગેરે પાંચેક લોકોને પોલીસે નદીના પ્રવાહમાંથી બચાવી લીધા હતાં.
કચ્છ
મુન્દ્રામાં લાકડાના ભુંસાના નામે આવેલા સાત ક્ધટેનરમાંથી આઠ કરોડના કાજુ પકડાયા
ગાંધીધામ DRI શાખાનું ઓચિંતુ ચેકિંગ, વિયેતનામથી મુન્દ્રા ઇમ્પોર્ટ થયા હતા
ડીઆરઆઈ, ગાંધીધામની શાખાએ મુંદ્રામાં એક મોટા દાણચોરીના પ્રયાસને નાકામ કરતા લાકડાના ભુંસાના નામે આવેલા 7 ક્ધટેનરમાંથી 8 કરોડના કાજુ પકડી પાડ્યા હતા.ઠીક દિવાળી પહેલા જ્યારે ડ્રાયફ્રુટ્સની બજાર ગરમી પકડે છે ત્યારે દાણચોરો પણ ડ્રાયફુટની સ્મગલીંગ માટે સક્રિય થઈ જતા હોય છે. આવી સ્થિતિમાં ડિરેક્ટરોટ ઓફ રેવન્યુ ઈન્ટીલેજન્સની ગાંધીધામ શાખાને મળેલી ચોક્કસ બાતમીના આધારે વીયેતનામથી મુંદ્રા ઈમ્પોર્ટ થયેલા 7 ક્ધટેનરને રોકીને તપાસ આરંભાઈ હતી.જેમાંથી લાકડાનો ભુંસો કે જે અગરબતી માટે પણ કામ આવે છે, તેની સાથે છુપાવેલા કાજુના પેકેટ્સ મળી આવ્યા હતા, જેની ગણના કરતા તે અંદાજે 100 મેટ્રીક ટન થવા જાય છે. ભારતીય બજારો અનુસાર આ કાજુની કિંમત 8 કરોડ થવા જાય છે.
ડીઆરઆઈની પ્રાથમિક તપાસમાં નવસારી, બરોડા, વાપીના એક સમુહએ એક કંપની બનાવીને આ આયાત કરી હોવાનું ખુલ્યુ હતું, જેમના સબંધીતોનીઓન રેકર્ડ ભુંસો જ ડિક્લેર કરાયો છે, જેની કિંમત 25 લાખ આસપાસ છે, ત્યારે જો કદાચ કસ્ટમ પકડીને ક્ધટેનર ખોલીને ચેક પણ કરે તો પકડાય નહી તે માટે ક્ધટેનરમાં ચોતરફ લાકડાનો ભુંસો ભરી નાખવામાં આવ્યો હતો અને તેની વચ્ચોવચ્ચ કાજુના પેકેટ્સ રખાયા હતા.
ધ્રાંગધ્રામાં તબીબની પત્ની સાથે છેડતી, ત્રણ શખ્સો સામે નોંધાતો ગુનો
ગુજરાત મિરર, સુરેન્દ્રનગર તા.17 ધ્રાંગધ્રાના પ્રતિષ્ઠિત ડોક્ટરના પત્ની સાથે તેમના દવાખાના પૂર્વ કર્મચારી અને અન્ય 3 શખસ દ્વારા પગારના પૈસા બાબતને લઈને ડોક્ટરના ઘરે ગયા હતા. જ્યાં જઈને ડોક્ટરની પત્ની ઉપર હુમલો કરી છેડછાડ કર્યાની ધ્રાંગધ્રા સીટી પોલીસમાં 4 શખસ સામે ફરિયાદ નોધાઈ હતી. ધ્રાંગધ્રામા રહેતા આર્મીના પૂર્વ અધિકારી અને પ્રતિષ્ઠિત ડોક્ટર શંકર દત્તાના ઘરે દવાખાનાના પૂર્વ કર્મચારી તાહીર અને અન્ય 3 શખસ ગયા હતા. ઉપરાંત મહિલા પર હુમલો કરી છેડછાડ કરાઈ હતી. સીટી પોલીસ દ્વારા ગુનો નોંધી વધુ તપાસ એએસઆઈ કે.એચ.ડોડીયા કરી રહ્યા છે. ડોક્ટરના ઘરના સીસીટીવી કેમેરાની તપાસ કરી વધુ કાર્યવાહી હાથ ધરવામાં આવી છે.
કચ્છ
કચ્છની ધરા ફરી ધ્રુજી!!! ખાવડામાં આવ્યો 4ની તીવ્રતાનો ભૂકંપનો આંચકો, લોકો ઘરની બહાર દોડી આવ્યા
કચ્છમાં ફરી એકવાર ભૂકંપના આંચકા અનુભવાતા લોકોમાં ભયનો માહોલ છવાયો હતો. કચ્છના ખાવડામાં આજે વહેલી સવારે 3.54 વાગ્યે 4ની તીવ્રતાનો આંચકો અનુભવાયો હતો. ખાવડાથી 47 કિલોમીટર દૂર ભૂકંપનું કેન્દ્રબિંદુ નોંધાયુ હતું.
કચ્છના ખાવડામાં 4ની તીવ્રતાનો આંચકો અનુભવાયો હતો. ભૂકંપની તીવ્રતા રિક્ટર સ્કેલ પર 4 બતાવાઈ છે. અ ભૂકંપના લીધે અફરા-તફરી મચી ગઇ હતી અને લોકો ઊંઘમાંથી ઊઠીને ઘરની બહાર દોડ્યા હતાં.
ભૂકંપનું કેન્દ્ર બિંદુ કચ્છના ખાવડાથી લગભગ 47 કિ.મી. ઉત્તરપૂર્વમાં નોંધાયુ હતું. ભૂકંપને કારણે કોઈ જાનહાનિ કે નુકસાનના સમાચાર સામે આવ્યા નથી.
કચ્છ
કચ્છના કંડલાની એગ્રોટેક કંપનીમાં મોટી દુર્ઘટના, વેસ્ટ પ્રવાહીની ટાંકી સાફ કરવા ઉતરેલા 5 શ્રમિકના મોત
વહેલી પરોઢે કેમિક્લની ટાંકી સાફ કરતી વેળા સર્જાયેલી દુર્ઘટના, એક-બીજાને બચાવવા જતા પાંચ શ્રમિકોએ જીવ ગુમાવ્યો
કચ્છના કંડલા ખાતે વધુ એક ઉદ્યોગમાં ગંભીર દૂર્ઘટના સર્જાયેલ છે. કંડલાની ઇમામી એગ્રોટેક કંપનીમાં ગુંગળાઇ જવાથી કરૂણ મોત નિપજ્યા હતા.
કંડલા બંદર નજીક આવેલી ઈમામી એગ્રોટેક કંપનીમાં આજે વહેલી સવારે કેમિકલ ટેન્કની સફાઈ દરમિયાન પાંચ લોકોના મોત નીપજ્યા હતાં. મૃતકોમાં સુપરવલાઇઝર સહિત ટેન્ક ઓપરેટર અને ત્રણ હેલ્પરનો સમાવેશ થાય છે. આ ઘટનામાં મૃત્યુ પામનારમાં સિદ્ધાર્થ તિવારી, અજમત ખાન, આશિષ ગુપ્તા, આશિષ કુમાર અને સંજય ઠાકોર નામના કામદારોનું કેમિકલ ટાંકામાં ગેસ ગળતરથી મોત નીપજ્યું હતુ.
મળતી માહિતી મુજબ, બનાવી રાત્રે સાડા બારથી એક વાગ્યાની આસપાસ સર્જાયો હતો. પ્રોડક્શનમાં વપરાતા ખાદ્યતેલનો નકારો કદડો (સ્લજ) ટેન્કમાં એકઠો થયો હતો. જેને સાફ કરવા સુપરવાઇઝર ટેન્ક ઉપર ચઢીને નિરીક્ષણ કરતો હતો. તે સમયે ટેન્કમાંથી ઉત્પન્ન થયેલાં ઝેરી ગેસના કારણે તે બેભાન થઈને ટેન્કની અંદર પડી ગયો હતો. જોકે, સુપરવાઇઝરને બચાવવા માટે ટેન્ક ઓપરેટરોએ પણ અંદર ઝંપલાવ્યું હતું. બંને જણાંને ગૂંગળામણ થતાં જોઈ બાજુમાં રહેલાં ત્રણ હેલ્પરોએ પણ એક પછી એખ ટેન્કમાં કૂદકો માર્યો.
કચ્છ (પૂર્વ)ના પોલીસ અધિક્ષક સાગર બાગમારે જણાવ્યું હતું કે, આજે વહેલી સવારે લગભગ 1 વાગ્યે એક એગ્રોટેક પેઢીમાં આ ઘટના બની હતી.તેમણે કહ્યું કે જ્યારે આ ઘટના બની ત્યારે કામદારો કંપનીના એફ્લુઅન્ટ ટ્રીટમેન્ટ પ્લાન્ટની સફાઈમાં રોકાયેલા હતા.
એસપી બાગમારે વધુમાં ઉમેર્યું કે, જ્યારે એક કર્મચારી ટેન્કમાં રહેલા કાદવને દૂર કરવા માટે ટાંકીમાં પ્રવેશ્યો, ત્યારે તે બેભાન થઈ ગયો. જ્યારે અન્ય બે કામદારો તેને બચાવવા માટે ટાંકીની અંદર દોડી ગયા, ત્યારે તેઓ પણ બેભાન થઈ ગયા. બે અન્ય લોકો તેનું અનુસરણ કર્યું, અને પછી તમામ પાંચ વ્યક્તિ મૃત્યુ પામ્યા હતા અને ઘટનાસ્થળે મૃત્યુ પામ્યા હતા પરંતુ ત્યાં હાજર અન્ય કામદારો તેમને તાત્કાલિક સરકારી હોસ્પિટલમાં લઈ ગયા હતા જ્યાં પાંચેયને મૃત જાહેર કરવામાં આવ્યા હતા. કંડલા પોલીસ સ્ટેશનમાં આ દુર્ઘટના અંગે આકસ્મિક મૃત્યુનો ગુનો નોંધવામાં આવ્યો છે અને વધુ તપાસ ચાલી રહી છે.
બીજી તરફ કંડલા પોલીસ સ્ટેશનના અધિકારીએ જણાવ્યું હતું કે, ખાદ્ય તેલ અને બાયોડીઝલના ઉત્પાદન સાથે સંકળાયેલી ફર્મ ઈમામી એગ્રોટેકમાં આ અકસ્માત થયો હતો. જેમાં સિદ્ધાર્થ તિવારી, અજમત ખાન, આશિષ ગુપ્તા, આશિષ કુમાર અને સંજય ઠાકુરનું મોત થયું છે.
-
ક્રાઇમ19 hours ago
ખંભાળિયામાં સગીર ભત્રીજા દ્વારા ફઈ પર દુષ્કર્મ
-
રાષ્ટ્રીય17 hours ago
બહુચરાઈ હિંસાના આરોપીઓ આવ્યા સામે,મુખ્ય આરોપી સરફરાઝનું એન્કાઉન્ટર,નેપાળ ભાગી રહ્યા હતા
-
આંતરરાષ્ટ્રીય2 days ago
નિક જોનાસના માથા પર લેસર બીમ, પ્રિયંકા ચોપરાના પતિએ ડરીને સ્ટેજ છોડ્યું,જાણો કારણ
-
રાષ્ટ્રીય2 days ago
10 પત્નીઓ, 6 ગર્લફ્રેન્ડ્સ, 5 સ્ટાર હોટેલમાં રહેઠાણ, પ્લેન અને જેગુઆરમાં ફરતા ,જાણો ઉત્સુક ચોરની કહાની
-
ગુજરાત2 days ago
મનપામાં ફરિયાદ નોંધાવવા નવો નંબર 155304 જાહેર
-
ગુજરાત2 days ago
શેઠ હાઇસ્કૂલનું ગ્રાઉન્ડ શરદોત્સવ માટે નહીં મળતા કોંગ્રેસના ધરણાં
-
ગુજરાત2 days ago
શાકભાજીના કચરામાંથી ખાતર બનાવતા પ્લાન્ટની મુલાકાત લેતા મ્યુનિ.કમિશનર દેસાઇ
-
ગુજરાત2 days ago
શહેરમાં લટકતા જોખમી 1270 બોર્ડ-બેનરો ઉતારતી મનપા