બે પુત્રીઓએ પિતાની છત્રછાયા ગુમાવી
દ્વારકામાં ગત મોડી સાંજે એક સતવારા યુવાનને કામ કરતી વખતે લોખંડના સળિયા છાતીના ભાગે ઘુસી જતા તેમનું કમકમાટીભર્યું મૃત્યુ નિપજ્યું હતું.
આ કરુણ બનાવની બિનઆધારભૂત સૂત્રો દ્વારા જાણવા મળતી વિગત મુજબ દ્વારકામાં રહેતા અને ઇલેક્ટ્રીકનું કામ કરતા જીતેન્દ્રભાઈ કણજારીયા નામના આશરે 30 વર્ષના એક સતવારા યુવાન ગત મોડી સાંજે દ્વારકાના આર.કે. નગર વિસ્તારમાં ઇલેક્ટ્રીકનું કામ કરી રહ્યા હતા. ત્યારે એકાએક કોઈ કારણોસર લોખંડના સળિયા તેમના છાતીના ભાગે ઘૂસી જતા તેમને ગંભીર રીતે લોહી લુહાણ હાલતમાં દ્વારકાથી વધુ સારવાર અર્થે ખંભાળિયાની સરકારી હોસ્પિટલમાં ખસેડવામાં આવ્યા હતા. પરંતુ માર્ગમાં જ તેમણે અંતિમ શ્વાસ ખેંચ્યા હતા.
મૃતક યુવાનને એક સાત વર્ષની તથા એક ત્રણ વર્ષની એમ બે પુત્રીઓ હોવાનું જાણવા મળ્યું છે જીતેન્દ્રભાઈના અકાળે અવસાનના આ બનાવથી મૃતકના પરિવારજનોમાં ભારે શોકની લાગણી પ્રસરી જવા પામી છે.
