Googleની સેવાઓ જેમ કે Gmail, Drive અને Photosનો ઉપયોગ કરતા લોકો માટે એલાર્મની ઘંટડી વાગી છે. કંપની કેટલાક યુઝર્સના ગૂગલ એકાઉન્ટ બંધ કરી શકે છે. Google સમયાંતરે લોકોને તેમના Google એકાઉન્ટને સક્રિય કરવા માટે સતત કહે છે. જેમણે આજ સુધી આ કર્યું નથી, તેમના જીમેલ એકાઉન્ટ ડીલીટ થવાની આરે છે. ગૂગલ 20 સપ્ટેમ્બરથી આવા એકાઉન્ટ્સને દૂર કરવાની પ્રક્રિયા શરૂ કરી શકે છે.

લાંબા સમય સુધી ગૂગલ એકાઉન્ટ એટલે કે જીમેલ, ડ્રાઇવ, યુટ્યુબ વગેરેમાં સાઇન ઇન ન કરવાને કારણે લોકોએ તેમના એકાઉન્ટ ગુમાવવા પડી શકે છે. તેમનો તમામ ડેટા અને સામગ્રી કાઢી નાખવામાં આવશે. મીડિયા રિપોર્ટ્સ અનુસાર, 20 સપ્ટેમ્બરથી ગૂગલ એવા જીમેલ એકાઉન્ટને બંધ કરી દેશે જેનો લાંબા સમયથી ઉપયોગ નથી થતો.

જો તમે Gmail અથવા Google Drive જેવી કોઈ સેવા ચલાવો છો, પરંતુ આ સેવાઓનો ઉપયોગ ખૂબ જ ઓછા પ્રમાણમાં કરો છો, તો તમારું એકાઉન્ટ ડિલીટ થઈ શકે છે. આ પગલાથી, Google તેની સર્વર જગ્યા ખાલી કરવા માંગે છે અને તે એકાઉન્ટ્સ પર ધ્યાન કેન્દ્રિત કરવા માંગે છે જેનો નિયમિત ઉપયોગ થાય છે.

Google એવા એકાઉન્ટ્સને કાઢી નાખશે જેનો ઉપયોગ બે વર્ષથી વધુ સમયથી કરવામાં આવ્યો નથી. જો તમે છેલ્લા બે વર્ષથી તમારા જીમેલનો ઉપયોગ કર્યો નથી, તો તમારું એકાઉન્ટ ડિલીટ થવાનો ભય છે. Google નિષ્ક્રિય નીતિ હેઠળ, Google ને બે વર્ષ માટે નિષ્ક્રિય Google એકાઉન્ટ્સ કાઢી નાખવાનો અધિકાર છે.

જો તમે છેલ્લા બે વર્ષથી તમારા Google એકાઉન્ટમાં લોગ ઇન કર્યું નથી, તો તે કાઢી નાખવામાં આવી શકે છે. તમારા એકાઉન્ટને કાઢી નાખવાથી બચાવવા માટે, તમે આ પદ્ધતિઓનો ઉપયોગ કરી શકો છો-

Gmailનો ઉપયોગ કરો: તમારા Gmailમાં લૉગ ઇન કરો અને તમારા ઇનબૉક્સમાં ઇમેઇલ મોકલો અથવા ઇમેઇલ્સ વાંચો.

Google Photos પર ફોટો શેર કરો: ફોટો અપલોડ કરવા અથવા શેર કરવા માટે Google Photosમાં સાઇન ઇન કરો.

YouTube વિડિઓ જુઓ: તમારા Gmail એકાઉન્ટથી લોગ ઇન કરીને YouTube પર વિડિઓ જુઓ.

ગૂગલ ડ્રાઇવનો ઉપયોગ કરો: ગૂગલ ડ્રાઇવમાં લોગિન કરો અને તેમાં કોઈપણ ફાઇલ અપલોડ અથવા ડાઉનલોડ કરો.

Google શોધનો ઉપયોગ કરો: તમારા Google એકાઉન્ટમાં સાઇન ઇન કરો અને Google સર્ચ એન્જિન પર કંઈક શોધો.

આ પદ્ધતિઓ અપનાવીને તમે તમારું Google એકાઉન્ટ સક્રિય રાખી શકો છો. યાદ રાખો કે જો તમે તમારા Google અથવા Gmail એકાઉન્ટમાં બે વર્ષ સુધી લોગિન ન કરો તો કંપની આવા એકાઉન્ટને ડિલીટ કરી શકે છે. આવા ખાતાનો ડેટા પણ ખોવાઈ જાય છે.

ફેસબુકની કબુલાતથી ખળભળાટ, કડક કાર્યવાહી થશે

ફેસબુક (મેટા) પર અનેકવાર આરોપ લાગી ચૂક્યા છે કે, તેઓ યુઝર્સના ડેટાનો ગેરકાયદે ઉપયોગ કરી રહ્યા છે. હવે ફેસબુકે ઓસ્ટ્રેલિયન સરકાર સમક્ષ ચોંકાવનારી કબૂલાત કરી છે કે તેમણે ઓસ્ટ્રેલિયાના તમામ એડલ્ટ યુઝર્સના ફોટોઝ અને પોસ્ટની ચોરી કરી હતી. આ પાછળનો તેનો હેતુ મેટાના આર્ટિફિશિયલ ઈન્ટેલિજન્સ (એઆઇ) ટૂલને તાલીમ આપવાનો હતો. મેટા 2007થી આ પ્રકારનો ડેટા ભેગો કરતી હતી. ઓસ્ટ્રેલિયન સરકારે ફેસબુકના આ નિર્ણયને પ્રાઈવસીના ભંગ ગણાવ્યો છે. આ કારણસર કંપની પર કડક કાર્યવાહીનો ખતરો તોળાઈ રહ્યો છે.

ફેસબુક (મેટા) એ 2007 થી પોતાના એઆઇ મોડલને પ્રશિક્ષિત કરવા માટે ઑપ્ટ આઉટનું ઓપ્શન આપ્યા વિના જ ઓસ્ટ્રેલિયાના એડલ્ટ યુઝર્સના સાર્વજનિક ફોટા, પોસ્ટ અને અન્ય ડેટા એકત્રિત કરવાની વાતનો સ્વીકાર કર્યો છે. જોકે, યુરોપીયન લોકો કડક પ્રાઈવેસીના કાયદાને કારણે ઑપ્ટ-આઉટ કરી શકે છે. ઓસ્ટ્રેલિયાના લોકોને આ વિકલ્પ આપવામાં આવ્યો ન હતો. મેટાની ગ્લોબલ પ્રાઇવેસી ડિરેક્ટર, મેલિંડા ક્લેબોગએ પુષ્ટિ કરી છે કે, સાર્વજનિક પોસ્ટને ત્યાં સુધી એકત્રિત કરવામાં આવે છે, જ્યાં સુધી જે-તે યુઝર તેને પ્રાઈવેટ નથી કરતું.

આ વિશે ત્યારે જાણ થઈ જ્યારે લેબર સીનેટર ટોની શેલ્ડને પુછ્યું કે, શું મેટા 2007 થી એઆઇ ને તાલીમ આપવા માટે ઓસ્ટ્રેલિયન લોકોની પોસ્ટનો ઉપયોગ કરે છે? જોકે, ક્લેબોગે શરૂૂઆતમાં તેને નકારી દીધું હતુ, ગ્રીન્સ સીનેટર ડેવિડ શુબ્રિઝે તેને ચેલેન્જ કરતા કહ્યું કે, મેટા હકીકતમાં યુઝર્સના સાર્વજનિક ડેટા સ્ક્રેપ કરી રહ્યું હતું, જ્યાં સુધી યુઝર્સ પોતાની પોસ્ટને પ્રાઇવેટ નથી કરતું. ક્લબોગે આખરે પુષ્ટિ કરી કે, આ સત્ય છે.

તેણે કહ્યું કે, જ્યારે મેટા મેટા 18 વર્ષથી નાની ઉંમરની વ્યક્તિના ડેટાનો ઉપયોગ નથી કરતું, પરંતુ જો માતા-પિતા કે અન્ય એડલ્ટ યુઝર્સ સાથે તેમના ફોટા સાર્વજનિક હોય તો કંપનીના અઈં ટૂલ દ્વારા તેનો ઉપયોગ થઈ શકે છે.

એપલે ગઈ કાલે કેલિફોર્નિયામાં કંપનીના હેડક્વાર્ટરમાં આવેલા સ્ટીવ જોબ્સ થિયેટરમાં એપલ વોચ સીરિઝ 10, એરપોડ્સ સીરિઝ 4 અને આઇફોન સીરિઝ 16ને લોન્ચ કરી હતી. આઇફોનની ઘણાં સમયથી રાહ જોવામાં આવી રહી હતી જેને આખરે લોન્ચ કરી દેવામાં આવ્યાં છે. આ તમામ પ્રોડક્ટ 20 સપ્ટેમ્બરથી ઉપલબ્ધ થશે જેનું પ્રી-બૂકિંગ શરૂ થઈ ગયું છે.

સૌથી પહેલાં એપલ વોચને લોન્ચ કરવામાં આવ્યું હતું. આ એપલ વોચની ખાસિયત એ છે કે સૌથી મોટી ડિસ્પ્લે હોવા છતાં તેને ફક્ત 30 મિનિટમાં 80 ટકા ચાર્જ કરી શકાશે. આ સીરિઝની સ્ટાર્ટિંગ પ્રાઇઝ 399 છે જે જીપીએસ મોડલ છે. તેમ જ સેલ્યુલર મોડલની સ્ટાર્ટિંગ પ્રાઇઝ 499 ડોલર છે.

એપલે આઇફોન 16ના ચાર મોડલ લોન્ચ કર્યાં છે. આઇફોન 16માં એ18 પ્રોસેસર 12 મેગાપિક્સલનો ફ્રન્ટ કેમેરા, 48 મેગાપિક્સલ અને 12 મેગાપિક્સલનો બેક કેમેરાનો સમાવેશ કર્યો છે. 8 જીબી રેમ ધરાવતા આ આઇફોનની સ્ક્રીન 6.10 ઇન્ચની છે. એમાં બેસિક સ્ટોરેજ 128 જીબી છે. આ આઇફોનની કિંમત 799 ડોલર છે.

આઇફોન 16 પ્લસમાં એ18 પ્રોસેસર 12 મેગાપિક્સલનો ફ્રન્ટ કેમેરા, 48 મેગાપિક્સલ અને 12 મેગાપિક્સલનો બેક કેમેરાનો સમાવેશ કર્યો છે. 128 જીબી સ્ટોરેજ ધરાવતા આ આઇફોનની સ્ક્રીન 6.70 ઇન્ચની છે. આ આઇફોનની કિંમત 899 ડોલર છે.

આઇફોન 16 પ્રોમાં એ18 પ્રો પ્રોસેસરનો ઉપયોગ કરવામાં આવ્યો છે. 12 મેગાપિક્સલનો ફ્ર્ન્ટ કેમેરાની સાથે 48 મેગાપિક્સલના, 12 મેગાપિક્સલ અને 48 મેગાપિક્સલનો બેક કેમેરા છે. આઠ જીબી રેમ ધરાવતા આ આઇફોનની સ્ટોરેજ 256 જીબીથી શરૂૂ થાય છે. આ આઇફોનની કિંમત 999 ડોલર છે.

આઇફોન 16 પ્રો મેક્સમાં એ18 પ્રો પ્રોસેસરનો ઉપયોગ કરવામાં આવ્યો છે. 12 મેગાપિક્સલનો ફ્ર્ન્ટ કેમેરાની સાથે 48 મેગાપિક્સલના, 12 મેગાપિક્સલ અને 48 મેગાપિક્સલનો બેક કેમેરા છે. આઠ જીબી રેમ ધરાવતા આ આઇફોનની સ્ટોરેજ 256 જીબીથી શરૂૂ થાય છે. આ મોબાઇલની ડિસ્પ્લે એપલની અત્યાર સુધીની આઇફોનની સૌથી મોટી ડિસ્પ્લે છે. આ આઇફોનની કિંમત 1199 ડોલર છે. આ આઇફોનને કેમેરા એક્શન બટન અને નવા કલર સાથે રિલીઝ કરવામાં આવ્યાં છે.

એરપોડસ 4, મેક્સ લોન્ચ
એપલે એરપોડ્સ 4ને બે વર્ઝનમાં રિલીઝ કર્યાં છે. બજેટ એરપોડ્સ 4ની કિંમત 129 ડોલર રાખવામાં આવી છે. જોકે એક્ટિવ નોઇઝ કેન્સલેશન સાથે આવતાં એરપોડ્સની કિંમત 179 ડોલર રાખવામાં આવી છે. એરપોડ્સ પ્રો 2માં હિયરીંગ એઇડ ફીચર આપવામાં આવ્યું છે. સાંભળવામાં તકલીફ પડતી હોય એવી વ્યક્તિને વધુ સારી રીતે સંભળાઈ શકશે. આ એરપોડ્સ પ્રો 2ની પ્રાઇઝ 249 ડોલર છે. એરપોડ્સ મેક્સનું અપગ્રેડેડ વર્ઝન નવા કલરમાં લોન્ચ કરવામાં આવ્યું છે જેમાં મિડનાઇટ, બ્લુ, પર્પલ ઓરેન્જ અને સ્ટારલાઇટનો સમાવેશ થાય છે. એરપોડ્સ મેક્સની કિંમત 549 ડોલર છે.