સુરેન્દ્રનગર જિલ્લાના પાટડી તાલુકાના ગેડિયા ગામે નવેમ્બર-2021માં થયેલા ચર્ચાસ્પદ પિતા-પુત્ર એન્કાઉન્ટર કેસમાં મહત્વનો ન્યાયિક વળાંક આવ્યો છે. હનીફખાન ઉર્ફે કાળો મુન્નો અને તેના 13 વર્ષનો પુત્ર મદીનખાનના પોલીસ એન્કાઉન્ટરમાં થયેલા મોત મામલે SIT દ્વારા કોર્ટમાં રજૂ કરાયેલી ઈ-સમરી રિપોર્ટને કોર્ટે ફગાવી દીધો છે.
આ કેસની તપાસ ધાંગધ્રાના તત્કાલીન ઉુ.જઙ જે.ડી. પુરોહિતની આગેવાની હેઠળની SIT દ્વારા કરવામાં આવી હતી. જઈંઝએ રજૂ કરેલી ઈ-સમરી સામે ફરિયાદી પક્ષના વકીલ પુનિત દવેએ FSL રિપોર્ટ, પ્રત્યક્ષદર્શીઓના નિવેદનો અને અન્ય પુરાવાઓના આધારે દલીલો રજૂ કરી હતી. આ રજૂઆતોને ધ્યાને લઈને કોર્ટે ઈ-સમરી રિપોર્ટ સ્વીકારવાનો ઇનકાર કર્યો છે. કોર્ટ સમક્ષ ઘટના સમયે હાજર નજરે જોનારા સાક્ષીઓના નિવેદનો અને FSL રિપોર્ટ સહિતના મહત્વના પુરાવાઓ રજૂ કરાયા હતા. આ પુરાવાઓની ચકાસણી કરતા સ્પષ્ટ થયું કે જઈંઝની ટીમે 7 પોલીસ કર્મચારી અને અધિકારીઓનો બચાવ કરવાનો પ્રયાસ કર્યો હતો.
એકત્રિત કરાયેલા પુરાવાઓ અને FSL રિપોર્ટની તપાસમાં એ પણ સામે આવ્યું છે કે, એન્કાઉન્ટરની ઘટના સમયે ખાનગી વાહનનો ઉપયોગ થયો હતો. પોલીસે ’સ્વ-બચાવ’માં ફાયરિંગ કર્યું હોવાના કોઈ પુરાવા મળ્યા નથી. આમ, ગેરન્યાયિક રીતે ઈ-સમરી ભરવામાં આવી હોવાનું સાબિત થતાં કોર્ટે જઈંઝની ઈ-સમરી ફગાવી દીધી છે. કોર્ટે કેસની વધુ તપાસ ચાલુ રાખવાનો આદેશ આપી તમામ આરોપી પોલીસ કર્મચારીઓ અને અધિકારીઓ સામે વોરંટ ઈશ્યૂ કરવાની તજવીજ હાથ ધરી આગળની કાનૂની કાર્યવાહી શરૂૂ કરી છે.
કોર્ટે બજાણા પોલીસ સ્ટેશનના તત્કાલીન PSI વી.એન. જાડેજા સહિત કુલ 7 પોલીસકર્મી સામે કાયદેસરની કાર્યવાહી આગળ ધપાવવાનો આદેશ આપ્યો છે. સાથે જ તમામ આરોપી પોલીસકર્મીઓને 8 ઓગસ્ટે કોર્ટમાં હાજર રહેવા પણ નિર્દેશ કર્યો છે. આ કેસમાં ઘાયલ PSI વી. એન. જાડેજાની ખબર અંતર પૂછવા રેન્જ IG હોસ્પિટલમાં આવ્યા હતા.
6 નવેમ્બર, 2021ના રોજ પાટડી તાલુકાના ગેડિયા ગામમાં બજાણા પોલીસની ટીમ આરોપી હનીફખાન ઉર્ફે કાળો મુન્નોને પકડવા પહોંચી હતી. પોલીસના જણાવ્યા મુજબ, કાર્યવાહી દરમિયાન હનીફખાને પોલીસ પર ગોળીબાર કર્યો હતો, જ્યારે તેના 13 વર્ષના પુત્ર મદીનખાને ધારિયા વડે હુમલો કર્યો હતો. પોલીસના દાવા અનુસાર, સ્વબચાવમાં કરાયેલા ફાયરિંગમાં પિતા અને પુત્ર બંનેના મોત થયા હતા. આ મામલે ચાર વર્ષ સુધી ચાલેલી કાનૂની લડત બાદ કોર્ટે એન્કાઉન્ટર કેસમાં ગુનો દાખલ કરવાનો આદેશ આપ્યો હતો.
પોલીસના રેકોર્ડ મુજબ હનીફખાન વાહનચોરી ગેંગનો મુખ્ય સૂત્રધાર હતો અને તેની સામે ગુજસીટોક સહિત કુલ 86 ગુના નોંધાયેલા હતા, જેમાંથી 59 ગુનામાં તે ફરાર હતો. હવે કોર્ટ દ્વારા ઈ-સમરી ફગાવી દેતા આ સમગ્ર એન્કાઉન્ટર કેસમાં ફરી એકવાર કાનૂની કાર્યવાહી તેજ બનવાની શક્યતા ઉભી થઈ છે. 8 ઓગસ્ટે આરોપી પોલીસકર્મીઓની કોર્ટમાં હાજરી બાદ કેસની આગામી સુનાવણીમાં વધુ કાર્યવાહી હાથ ધરવામાં આવશે.
2021ના ગેડીયા એન્કાઉન્ટર કેસમાં કોર્ટના હુકમ બાદ બજાણા પોલીસમથકના તત્કાલિન પીએસઆઇ વી.એન.જાડેજા, રાજેશ સવજીભાઈ, કિરીટ ગણેશભાઈ, દિગ્વિજયસિંહ હરદીપસિંહ, શૈલેષ પ્રહલાદભાઈ, મનુ ગોવિંદભાઇ અને પ્રહલાદ પ્રભુભાઈ સહિતના સાત પોલીસકર્મી વિરુદ્ધ બજાણા પોલીસ મથકે ગુનો નોંધાયો છે. જેમાં રાજેશભાઈ મીઠાપરાનું થોડા સમય અગાઉ આકસ્મિક અવસાન થયું હતું.
