જામનગરના વોર્ડ નંબર 12 ના જ બે પૂર્વ કોર્પોરેટર ની ગેંગ સામે અનેક પ્રકારના ગંભીર ગુનાઓ નોંધાયા છે. અને બંને પૂર્વ કોર્પોરેટર વચ્ચે પણ છેલ્લા કેટલાક સમય થી માથાકૂટ ચાલી રહી છે. ત્યારે જામનગર પોલીસે બંને ની ગેંગ સામે ગુજસીટોક હેઠળ ગુનો નોંધ્યો છે, અને અસલમ ગેંગ ના 13 તથા અલ્તાફ ગેંગના એક આરોપીને મળી કુલ 14 ની ધરપકડ કરી લઈ રિમાન્ડ પર લીધા હતા, જે તમામની રિમાન્ડની મુદત પૂરી થતાં તેઓને જેલ હવાલે કરી દેવાયા છે.
રાજકોટ રેન્જ ના આઇજી નિર્લિપ્ત રાય ની સુચના મુજબ પોલીસ અધિક્ષક ડો.રવિ મોહન સૈની ના માર્ગદર્શન હેઠળ અસલમ કરીમ ખીલજી તથા અલ્તાફ ગફાર ખફી બન્ને ની ટોળકી સામે કડક એક્શન લેવામાં આવ્યા હતા, અને સિટી એ. ડિવિઝન પોલીસ મથકમાં ગુજસીટોક અંગેની બે ગુના દાખલ કરવામાં આવ્યા હતા . અસલમ ખીલજી ગેંગના સભ્યો વિરૂૂધ્ધ કુલ -46 તથા અલ્તાફ ખફી ગેંગના સભ્યો વિરૂૂધ્ધ કુલ-પર ગુના અલગ અલગ પોલીસ સ્ટેશનમાં નોંધાયા હોય. જેથી બંન્ને ગેંગ વિરૂૂધ્ધ ગુજરાત આંતકવાદ અને સંગઠીત ગુના નિયંત્રણ અધિનિયમ (ગુજસિટોક) ની કલમ હેઠળ કાર્યવાહી કરાઈ હતી. અસલમ કરીમભાઇ ખીલજી ગેંગના કુલ 18 સભ્યો વિરૂૂધ્ધ ગુનો દાખલ કરવામાં આવ્યો હતો. જે પૈકી કુલ 13 આરોપી ને ઝડપી લેવાયા હતા છે.
જયારે પૂર્વ કોર્પોરેટર અલ્તાફ ગફારભાઇ ખફી ની ગેંગ ના 11 શખ્સો સામે ગુનો નોંધવામાં આવ્યો છે. જે પૈકી કુલ 8 આરોપી હાલ જેલમાં છે. તેમજ 1 આરોપી ને ઝડપી લેવાયો હતો. જે તમામ 14 આરોપીઓ ને રિમાન્ડ પર લેવાયા હતા.
જે તમામની રિમાન્ડની મુદત પૂરી થતાં ફરીથી રાજકોટની સ્પેશિયલ અદાલત સમક્ષ રજૂ કરવામાં આવ્યા હતા, અને તમામને જેલ હવાલે કરવા હુકમ થયો છે. અદાલત દ્વારા બંધ કવર આપવામાં આવ્યા હતા, અને તમામને મોરબી, રાજકોટ, અમદાવાદ, વડોદરા, સુરત સહિતની અલગ અલગ જેલમાં મોકલી દેવામાં આવ્યા છે. જામનગરની પોલીસ ટિમ દ્વારા તમામને અલગ અલગ જેલમાં મોકલી આપવા માટેની કાર્યવાહી કરી લેવામાં આવી છે.
ગુજસીટોક પ્રકરણમાં એક ગેંગના વધુ ચાર આરોપીઓ ઝડપાયા
જામનગરના બે પૂર્વ કોર્પોરેટર અસલમ ખીલજી તેમજ અલ્તાફ ખફીની બે ગેંગ વચ્ચે લાંબા સમયથી ચાલતી તકરાર બાદ બન્ને ગેંગ સામે અલગ અલગ બે ગુનાઓ સીટી એ. ડિવિઝન પોલીસમાં દાખલ કરવામાં આવ્યા છે, અને 14 આરોપી ની અગાઉ ધરપકડ કરાઈ હતી, અને તેઓને જેલ હવાલે કરાયા હતા. દરમિયાન ગઈકાલે જામનગર પોલીસે અસલમ ખીલજી ની ગેંગના વધુ ચાર આરોપીઓ અસલમ કાદરભાઈ શેખ, ઈસ્માઈલ માંડલિયા, નદીમ ખીલજી, અને લતીફ હાજીભાઈ શેખની ધરપકડ કરી લીધી છે જે ચારેય આરોપીઓને આજે અદાલત સમક્ષ રજૂ કરી ત્રણ દિવસના રિમાન્ડ પર લેવાયા છે. તેઓની વધુ પૂછપરછ ચલાવવામાં આવી રહી છે. જામનગર શહેર વિભાગના ડીવાયએસપી જે. એન. ઝાલાના માર્ગદર્શન હેઠળ સમગ્ર તપાસ ચાલી રહી છે.
